Ésaïe 10:1 - Mbeti ti Nzapa - Tënë so amu fini

¹ Mawa na azo so ayeke lu asioni ndia, ala so ayeke su andia ni na mbeti ti sara si azo aga azo ti mawa!

Ésaïe 10:1 ပူးပေါင်းရင်းမြစ်များ

1 Agbia 21:13

Agodobe use aga aduti na dawa ti Nabot si ala to nda ti bi tënë na li ti lo na le ti azo kue, ala tene: “Nabot azonga Nzapa, lo zonga nga gbia ti kodro!” Tongaso ala mu Nabot, asigigi na lo na ya ti gbata ni, ala bo lo na têne si lo kui.

Abia (Psaumes) 58:2

Ala akota zo, fango ngbanga so ala yeke fâ so, ala fâ ni mbirimbiri laa? Fango ngbanga so ala yeke fâ so, ala fâ biani na legeni laa?

Sigingo 23:3

Na le ti ngbanga, ala mu mbage ti zo pepe, ataa zo ni ayeke zo ti mawa.

Sigingo 23:6

“Na le ti ngbanga, ala sara si fango ngbanga ti zo ti mawa ague kirikiri pepe.

Ésaïe 29:21

azo ni ayeke azo so ayeke bi tënë ti mvene na li ti azo, ala so ayeke zia kuku titene awafango-ngbanga ati daa, ala so ayeke fâ ngbanga na li ti azo so asara ye oko pepe.

Ésaïe 3:11

Me ti zo ti sioni, so mawa na lo! Fade ye ti lo kue ayeke ga sioni, a yeke sara na lo alingbi na asarango ye ti lo.

Ésaïe 3:14

KOTA GBIA ague na *akangba na amakonzi ti azo ti lo na ngbanga, lo tene: “Ala laa abuba yaka ti vinye; aye so ala nzi na maboko ti azo ti mawa, ala zia ni na ya ti ada ti ala.

Ésaïe 5:11

Mawa na ala, azo so alondo na kota ndaperere ti mu loro na peko ti angangu samba! Ti londo na ndaperere ngbii asi na lakui, samba ni angba ti sara ala.

Ésaïe 5:18

Mawa na ala, azo so ayeke gboto siokpari na peko ti ala na kamba ti mvene! Ala yeke gboto sioni ti ala tongana ti so a yeke gboto pusu ti mbarata.

Ésaïe 5:23

Tongana a pete goro na ala, ala yeke zi zo so tënë ayeke na li ti lo, zo so tënë ayeke na li ti lo pepe, ala yeke ke titene a fâ ngbanga ti lo na legeni.

Ésaïe 5:8

Mawa na ala, azo so amu mbeni da ti tengbi na da ti ala, ala mu mbeni yaka ti tengbi na yaka ti ala! Ala sara tongaso ngbii, ala mu sese ni kue si ala duti gi ala oko na ya ti kodro ni.

Ésaïe 59:13

e ke ndia ti mo, e bere tënë ti mo, e ke ti mu peko ti mo, Nzapa ti e, e tene gi atënë ti sarango ngangu na zo nga na sarango ngangu li. Ye so e leke na be ti e na ye so e gbu li ti e daa ayeke gi atënë ti mvene.

Ésaïe 59:4

Tënë so ala gue na ni na le ti ngbanga, ayeke na legeni pepe; ala yeke gbu koko ti azo na lege ti taa-tënë pepe. Ala yeke luti na ndö ti ye so ayeke ye oko pepe, ala yeke tene atënë ti mvene; ala yeke mu ngo ti ye ti sioni si ala yeke du ye ti kirikiri.

Jérémie 22:13

“So mawa na mo, Yoakim! Mo kpe fango ngbanga ti mbirimbiri pepe; mo laa mo yeke leke gi yangbo ti mo so! Mo yeke leke ada-nduzu ni na ndö ti tere, na ndö ti tere; me fango ngbanga na legeni, mo yeke ne ni pepe. Azo ayeke sara kua na mo gi senge senge, mo yeke futa ala oko pepe!

Amos 2:7

Nzara ti mungo aye ti azo ti mawa ahon ndö ti ala, ataa fuku ti sese so ayeke na li ti ala; na le ti ngbanga, ala yeke sara si a fâ ngbanga ti asenge zo na legeni pepe. Molenge-koli na babâ ti lo ayeke lango gi na oko maseka-wali. Na sarango ye tongaso, ala yeke buba iri ti mbi so ayeke nde si ayeke nzoni kue.

Mishe 6:16

Ala yeke bata gi lege ti ambela ti gbia Omri, nga na lege ti sarango ye kue ti asewa ti Akab. Ala yeke sara gi aye so agbia ni afa na ala. Ndani laa, fade mbi yeke buba gbata ti ala si azo ti gbata ni ayeke ga ye ti ngia na le ti azo. Kamene so agbu le ti azo ti mbi so, fade kamene ni ayeke kiri ti gbu le ti ala.”

Habakuk 2:12

“Mawa na mo, mo so mo leke gbata na lege ti tukungo mene, mo zia gere ti gbata na lege ti sarango ye ti ngangu na azo!

Habakuk 2:15

“Mawa na mo, mo so mo mu samba na mba ti mo, mo tuku sioni samba na mba ti mo, lo nyon ngbii ahon ndö ti lo, azo abaa tere ti lo so ayeke ndumbu si ala he lo.

Habakuk 2:19

“Mawa na mo, mo so mo tene na nduru keke, mo tene: ‘Londo!’, wala mo tene na têne so ayeke buburu, mo tene: ‘Zingo!’ Têne ni ayeke fa ye na zo? Ataa a kanga lôro na wen ti nginza na tere ni, lo yeke na fini pepe.

Habakuk 2:6

Me ti azo so lo zia ala na gbe ti komandema ti lo so, fade ala kue ayeke kasa lo, ala yeke he lo na ngia si ala yeke tene atënë ti songo be na lo.” Fade ala yeke tene: “Mawa na mo, mo so mo yeke bongbi na ndö ti tere, na ndö ti tere aye so ayeke ti mo pepe! Mo yeke bongbi ni ngbii asi lawa? Gba ti ayongo laa mo bongbi ni na ndö ti mo.

Habakuk 2:9

Mawa na mo, mo so mo yeke mu ye ti azo na lege ti nzi ndali ti asewa ti mo! Mo yeke sara tongaso titene mo duti na kota ndo si ye ti mawa alingbi ti wara mo pepe.

Matthieu 11:21

Lo tene na ala: “Mawa na mo, gbata ti Korazen! Mawa na mo, gbata ti Betsaida! Biani, tongana aye ti kpene so asi na ndo ti ala so asi ando na sese ti Tir na ti Sidon, ka azo ni ayu bongo ti mua, ala tuku mburu ti wâ na li ti ala aninga awe ti fa atene, ala zia ngbene lege ti sarango ye ti ala awe!

Matthieu 23:23

“Mawa na ala, awafango-ndia, ala na afarizien! Tënë ti yanga ti ala ayeke nde na sarango ye ti ala! Ala yeke mu *dime ti aye ti ala, ataa akete kete ye ti yaka ti ala; me kota tënë ti *Ndia, ala baa ni gi tongana senge ye na le ti ala. Kota tënë ti Ndia ni ayeke sarango ye ti mbirimbiri, bango mawa ti azo, ngbango na lege ti tënë ti Nzapa. Ye so ala lingbi fade ti sara ni laa, me ala zia pepe ti sara tanga ti aye ni.

Matthieu 23:27

“Mawa na ala, awafango-ndia, ala na afarizien! Tënë ti yanga ti ala ayeke nde na sarango ye ti ala! Ala kpa gi adu ti kuâ so azo aleke ndö ni na mbamba. Ndö ni ayeke pendere, me na ya ni, abio na afungo ye nde nde asi singo daa.

Matthieu 23:29

“Mawa na ala, awafango-ndia, ala na *afarizien! Tënë ti yanga ti ala ayeke nde na sarango ye ti ala! Ala yeke leke adu ti kuâ ti awayanga-Nzapa, ala yeke leke aye ti pendere na ndö ti adu ti kuâ ti azo ti mbirimbiri.

Matthieu 26:24

Fade *Molenge ti Zo ayeke kui gi tongana ti so Mbeti ti Nzapa atene tënë ni na ndö ti lo; me mawa na zo so ayeke ka ande Molenge ti Zo ni so! Ti zo ni so, tongana a du lo fade pepe, ka ayeke nzoni mingi!”

Nzoni Tënë so Luc asu na mbeti 11:52

“Mawa na ala, awafango-ndia! Ala mu kerere so a yeke zi na yanga ti hingango ndo; me ala wani, ala li na ndo ti hingango ndo ni pepe. Azo so aye ti li, ala kanga lege ni na ala.”

Jean 19:6

So akota wayango-sandaga na aturugu ti kota da ti Nzapa abaa Jésus, ala dekongo, atene: “Fâ lo na ndö ti keke ti kroa! Fâ lo na ndö ti keke ti kroa!” Pilate atene na ala: “Ala wani amu lo, afâ lo na ndö ti keke ti kroa ni. Mbi wara ti mbi mbeni tënë oko pepe ti fâ ngbanga na li ti lo ndali ni.”

Jean 9:22

Babâ na mama ti lo atene tënë so, ngbanga ti so mbeto ti azuife asara ala. Andaa azuife ni atene, zo so kue ayeda atene, Jésus ayeke *Mesii, ala yeke tumba lo na ya ti da ti sambelango Nzapa ti ala.

Jude 1:11

Mawa na azo ni so! Ala mu peko ti Kain. Ndali ti nginza, ala girisa lege tongana Balaam; ala kui, ngbanga ti so ala sara ngangu li tongana azo ti Kore.