Ésaïe 1:9 - Mbeti ti Nzapa - Tënë so amu fini

⁹ Tongana KOTA GBIA so ayeke na ndö ti dunia kue abata fade ambeni zo oko oko na ya ti kodro ni pepe, ka e ga tongana Sodome, ka e kpa Gomore.

Ésaïe 1:9 ပူးပေါင်းရင်းမြစ်များ

Tongo nda ti aye 18:26

KOTA GBIA atene: “Tongana mbi wara azo ti mbirimbiri baleoku na ya ti gbata ti Sodome, fade mbi zi tënë na li ti azo ni kue ndali ti azo baleoku so.”

Tongo nda ti aye 18:32

Abraham akiri atene: “Tongana mbi tene tanga ti tënë ti mbi so, ayeke nzoni Kota Gbia asara ngonzo pepe. E hinga pepe, azo ti mbirimbiri na ya ti gbata ni ayeke baleoko!” KOTA GBIA atene: “Ndali ti azo baleoko so, mbi yeke buba gbata ni pepe.”

Tongo nda ti aye 19:24

Na ndembe ni so laa KOTA GBIA asara titene wâ na *sufre alondo na nduzu, atuku na ndö ti Sodome na Gomore tongana ti so ngu-Nzapa ayeke pika so.

1 Agbia 19:18

Me fade mbi yeke bata azo saki mbarambara na Israel; azo ni ayeke azo so kue akuku na gbe ti nzapa *Baal pepe, ala su gere ti lo pepe.”

2 Agbia 19:4

Gbia ti Asirii atokua makonzi ti aturugu ti lo ti zonga Nzapa so ayeke na fini. E hinga pepe, wala KOTA GBIA, Nzapa ti mo ama tënë ti zonga ni kue si lo pika lo ndali ti asioni tënë so lo tene so! Ti mo Ésaïe, sambela Nzapa ndali ti tanga ti azo so angba na fini so.’ ”

Ésaïe 1:8

Gbata ti *Sion angba gi lo oko tongana kete da na ya ti yaka ti *vinye, tongana kpangba ti yanga ti yaka ti kugbe ti kasa, tongana gbata so awato angoro ni kue.

Ésaïe 11:11

Na lango ni so, *KOTA GBIA ayeke yoro maboko ti lo ti fani use ti zi tanga ti azo ti lo ti kiri na ala na kodro ti ala: azo ti lo so angba na fini na sese ti Asirii, ti Ezipte, ti Patros, ti Kush, ti Elam, ti Shinear nga na ti Hamat na ala so ayeke na ya ti azoa so ayeke na le ti kota ngu-ingo.

Ésaïe 11:16

Mbeni lege ayeke duti daa ndali ti tanga ti azo ti lo, azo ti lo so angba na fini na sese ti Asirii. Lege ni ayeke duti tongana lege so azo ti Israel amu ni ando na ngoi so ala londo na Ezipte ti sigigi.

Ésaïe 17:6

Azo kete laa ayeke ngba na Israel tongana ti so ale ti keke ayeke ngba gi kete na ya ti keke, tongana ti so zo afâ ale ti olive awe, gi ale ni use wala ota laa ayeke ngba na li ti keke ni, wala ale ni osio wala oku laa ayeke ngba na tere ti amaboko ti keke ni. So tënë ti yanga ti KOTA GBIA, Nzapa ti Israel laa.

Ésaïe 24:13

Biani, na ndö ti sese, na popo ti amara, ye ayeke ngba gi kete tongana ti so ale ti keke ti olive ayeke ngba gi kete na ya ti keke ni na peko ti so a fâ ale ti olive ni awe, tongana ti so a fâ ale ti vinye si ahunzi awe.

Ésaïe 24:6

Ndani laa Nzapa adeba sese ni si abuba, azo so alango na ndö ni ayeke wara ye ti peko ti sioni ti ala, ala yeke kui si ala ngba gi kete.

Ésaïe 37:4

Gbia ti Asirii atokua makonzi ti aturugu ti lo ti zonga Nzapa so ayeke na fini. E hinga pepe, wala KOTA GBIA, Nzapa ti mo ama tënë ti zonga ni si lo pika lo ndali ti asioni tënë so lo tene so! Ti mo Ésaïe, sambela Nzapa ndali ti tanga ti azo so angba na fini so.’ ”

Ésaïe 46:3

Azo ti Jacob, ala ma mbi, ala, atanga ti azo ti Israel so angba na fini so! Gi so ala de na ya ti mama ti ala, mbi bata ala, gi so a du ala, mbi yo ala.

Ésaïe 6:13

Tongana zo oko na popo ti azo baleoko angba na ya ti kodro ni, fade a yeke gbi lo na wâ tongana keke ti shene wala ti terebente so a de na sese. Me nduru gere ni na agunda ni angba si ayeke tongana ngoangoa so ayeke nde si ayeke nzoni kue.”

Ésaïe 65:8

Tënë so KOTA GBIA atene ayeke so: Tongana azo awara gba ti ale ti *vinye so abe, ala yeke tene: “E buba ni pepe, ngbanga ti so tufa ayeke na ya ni”. Mbi yeke sara ande gi tongaso ndali ti azo ti kua ti mbi; fade mbi yeke buba ye kue pepe.

Jérémie 23:14

Me na popo ti awayanga-Nzapa ti Jérusalem, mbi baa kota ye ti buba: ala yeke lango na awali kirikiri, tenengo mvene aga ye ti tere ti ala, ala yeke mu maboko na azo ti sarango sioni. Tongaso, zo oko ti zia sioni ti lo ayeke daa pepe. Na le ti mbi, awayanga-Nzapa ni kue aga tongana azo ti Sodome; azo ti Jérusalem aga tongana azo ti Gomore.”

Jérémie 42:2

wayanga-Nzapa Jérémie si ala tene na lo: “E gbu gere ti mo, ayeke nzoni vorongo tere ti e agbu be ti mo. Sambela *KOTA GBIA, Nzapa ti mo ndali ti tanga ti e so e ngba na fini so. Lani e yeke mingi, fadeso e ngba gi kete, tongana ti so mo yeke baa na le ti mo so.

Jérémie 50:20

Na lango ni so, na ngoi ni kâ, azo ayeke gi ti wara sioni ye na li ti Israel, me sioni ye ni ayeke duti daa mbeni pepe; azo ayeke gi siokpari na li ti Juda, me ala yeke wara ni pepe. Biani, fade mbi yeke zi siokpari na li ti azo so mbi yeke zia ala titene ala ngba na fini; so tënë ti yanga ti KOTA GBIA laa.

Abia ti demango tere 3:22

Anzoni be ti KOTA GBIA angba lakue, ndoye ti lo ayeke hunzi laoko pepe.

Abia ti demango tere 4:6

Sioni ti azo ti kodro ti mbi ayeke mingi, siokpari ti ala ahon ti azo ti Sodome; kodro ti Sodome ati hio, mbeni zo andu nga ni pepe.

Ezekiel 14:22

Me tanga ti azo so angba na fini, akoli na awali. A mu ala, a sigigi na ala na ya ti gbata ni; fade ala yeke gue ti wara ala, azo ti Israel, na kodro so a gbu ala a gue na ala daa. Ala yeke baa dutingo ti azo ni nga na sarango ye ti ala si fade be ti ala, azo ti Israel, ayeke de na peko ti akota kpale so kue mbi tokua na ndö ti Jérusalem.

Ezekiel 6:8

Me mbi yeke zia ambeni zo na popo ti ala angba na fini na peko ti bira. A yeke kangbi azo ni so na ya ti akodro wande.

Amos 4:11

“Mbi buba aye so kue ayeke na ndo ti ala tongana ti so mbi buba ando aye kue na Sodome na Gomore. Ala sigigi na ya ni tongana nduru keke ti wâ so a gboto ni na ya ti wâ. Ataa aye so kue, ala kiri na mbage ti mbi pepe; so tënë ti yanga ti KOTA GBIA laa.

Habakuk 3:2

*KOTA GBIA, mbi ma tënë so mo tene awe; mbeto agbu mbi ndali ti ye so mo sara. KOTA GBIA, na ya ti angu so ayeke ga so, sara si aye ni abaa gigi; na ya ti angu so ayeke ga so, sara si azo abaa ni. Me tongana mo sara ngonzo, mo girisa ti baa mawa ti zo pepe.

Sofonii 2:9

Mbi yeke na fini! So tënë ti yanga ti *KOTA GBIA so ngangu ti lo ahon angangu kue, Nzapa ti Israel laa: Ndani laa, fade Moab ayeke ga tongana Sodome, azo ti Amon ayeke ga tongana Gomore. Kodro ti ala ayeke ga mbeni ndo so akeke ti ki amu ya ni kue, mbeni ndo so gi ingo laa ayeke daa, kodro ni ayeke buba biani biani. Tanga ti azo ti mbi so angba na fini, ala yeke ro aye ti kodro ni kue, ala yeke mu kodro ni ti ga ti ala.”

Matthieu 7:14

Yanga ti da so zo alingbi ti li daa si lo ngba na fini ayeke kete, lege ni ayeke kete; azo ti warango lege ni so ayeke mingi pepe.”

Rome 9:27

Ésaïe ato mbela na tënë na ndö ti azo ti Israel, lo tene: “Ataa wungo ti azo ti Israel ayeke tongana wungo ti mbutu ti yanga ti kota ngu-ingo, fade gi ambeni kete laa ayeke soo kuâ.

Rome 9:29

Ésaïe atene nga ando, atene: “Tongana Kota Gbia Nzapa, lo so lo yeke na ndö ti dunia kue, lo mu fade *ahale na e pepe, ka ti e ahunzi awe tongana ti azo ti Sodome na ti Gomore.”

Ndia ti fani use ni 29:23

Fade amara kue ayeke hunda ndo, atene: “Ngbanga ti nyen si KOTA GBIA asara ye na kodro so tongaso? Ngbanga ti nyen si kota ngonzo ti lo alondo tongaso?”

2 Pierre 2:6

Nzapa afâ nga ngbanga na li ti azo ti agbata ti Sodome na Gomore si lo gbi agbata ni so. Lo sara tongaso ti fa tapande na azo ti sioni atene, fade mara ti ye so ayeke si na ala.

Aye so Nzapa afa 11:8

Fade kuâ ti ala ayeke ngba na ndö ti kota balabala ti ya ti kota gbata ni, gbata so azo afâ Kota Gbia ti ala na ndö ti keke ti kroa daa so. Azo airi kota gbata ni na lege ti *mato atene, “Sodome” wala “Ezipte.”