Ésaïe 1:4 - Mbeti ti Nzapa - Tënë so amu fini

⁴ Ae! Ala azo ti mara ti sarango siokpari, ala azo ti fango zo, ala *ahale ti sioni, ala amolenge ti kirikiri! Ala zia *KOTA GBIA awe; ala ke Nzapa ti Israel, lo so lo yeke nde si lo yeke nzoni kue; ala zia peko ti ala na lo.

Ésaïe 1:4 ပူးပေါင်းရင်းမြစ်များ

Tongo nda ti aye 13:13

Azo ti Sodome ayeke azo ti kirikiri mingi, ala sara siokpari mingi so ake KOTA GBIA.

2 Agbia 21:22

Lo do KOTA GBIA, Nzapa ti akotara ti lo, lo zia si lo tambula na lege ti KOTA GBIA pepe.

2 Mbai 12:1

So Roboam asara si lengo-gbia ti lo akpengba si lo ga ngangu awe, lo do *Ndia ti *KOTA GBIA, lo zia; azo ti Israel kue asara nga tongana lo.

2 Mbai 27:2

Yotam asara ye so ayeke mbirimbiri na le ti *KOTA GBIA gi tongana ti so babâ ti lo Ozias asara. Ti lo, lo li na ya ti kota da ti KOTA GBIA pepe. Me azo ti kodro ni angba lakue ti sara sioni.

Néhémie 1:7

E sara ye so ayeke sioni mingi ti ke mo; e ke ti sara ye alingbi na atënë ti ndia ti mo, andia ti mo nga na aye so mo fa na e na lege ti Moïse, zo ti kua ti mo.

Abia (Psaumes) 58:3

Oko pepe! Taa na be ti ala, ala yeke fâ ngbanga ti sioni ni; na ndö ti sese, ala sara si sarango ngangu na azo amu ndo kue.

Abia (Psaumes) 71:22

Ti mbi, fade mbi yeke pika kundi ti sepela na mo, Nzapa ti mbi, mbi yeke he bia ti fa so mo yeke bata tënë ti yanga ti mo; mbi yeke pika kete kundi ndali ti mo, Nzapa ti Israel, mo so mo yeke nde si mo yeke nzoni kue so.

Abia (Psaumes) 78:40

Lege mingi, ala sara ngangu li na lo na benyama, ala so be ti lo na ndo so ngu ayeke daa pepe.

Abia (Psaumes) 78:41

Ala kiri atara be ti Nzapa, ala kiri azia vundu na be ti Nzapa ti Israel, lo so lo yeke nde si lo yeke nzoni kue so.

Abia (Psaumes) 78:57

Tongana ti so akotara ti ala asara, ala mu mbeni sioni lege, ala zia lege ti Nzapa, ala yeke tongana kokora so aba bango, so zo alingbi ti zia be ti lo na ndö ni pepe.

Abia (Psaumes) 78:8

fade ala yeke sara ye tongana ti akotara ti ala pepe, akotara ti ala so ayeke ando azo ti ngangu li, azo ti kengo yanga, azo ti be use use, azo so abata yingo ti ala na Nzapa pepe.

Abia (Psaumes) 89:18

Biani, mo laa mo yeke ngangu ti ala na gonda ti ala; na lege ti nzoni be ti mo, mo sara si e mu li ti e na nduzu.

Sigingo 32:7

Tongaso KOTA GBIA atene na Moïse: “Zu hio si! Biani, azo ti mo so mo zi ala na Ezipte, mo sigigi na ala so, ala buba lege ti ala awe.

Ésaïe 1:23

Amakonzi ti mo ayeke azo ti ngangu li, ala yeke sara songo na azo ti nzi. Ala kue aye tënë ti goro, ala yeke kpe na peko ti aye so azo ayeke mu na ala na hondengo ni; ala yeke fâ ngbanga ti nyindu na legeni pepe, tënë ti wali-mua ayeke gbu be ti ala pepe.

Ésaïe 1:28

Me azo ti ngangu li na azo ti siokpari, fade a yeke kungbi ala; azo so azia *KOTA GBIA, gigi ti ala ayeke hunzi.

Ésaïe 10:6

Mbi tokua lo na tere ti amara so ake mbi, mbi tokua lo ti gue hio na tere ti azo so asara si ngonzo ti mbi alondo. Mbi tokua lo ti nzi ye ti azo ni, ti gbu aye ti ala tongana ti so a yeke gbu ye na peko ti bira, ti do ala na gbe ti gere tongana ti so zo ayeke do ya ti potopoto na ndö ti lege.

Ésaïe 12:6

Ala, azo so alango na *Sion, ala dekongo na ngia, ala dodo na ngia, ngbanga ti so Nzapa ti Israel so ayeke na popo ti ala, lo yeke kota, lo yeke nde si lo yeke nzoni kue.

Ésaïe 14:20

Me fade a yeke lu kuâ ti mo na popo ti ala pepe, ngbanga ti so mo buba kodro ti mo, mo fâ azo ti mo. Fade a yeke kiri ti di iri ti sioni mara ti mo oko pepe.

Ésaïe 29:19

Azo so ayeke sara tere ti ala kete ayeke wara ngia so ayeke gue guengo na nduzu ndali ti *KOTA GBIA; azo so yere ti ala ahon ndoni ayeke dodo na ngia ndali ti Nzapa ti Israel so ayeke nde si ayeke nzoni kue.

Ésaïe 3:8

Jérusalem ati awe, kodro ti Juda abuba awe. Ala ke KOTA GBIA na lege ti tënë ti yanga ti ala nga na sarango ye ti ala; ala sara ngangu li na KOTA GBIA so ayeke na gonda.

Ésaïe 30:1

Mawa na amolenge ti ngangu li! So tënë ti yanga ti *KOTA GBIA laa. Ala yeke leke apialo so alondo na mbi pepe; ala yeke sara *ambuki kirikiri so be ti mbi aye tënë ni pepe. Ala yeke sara si siokpari aga na ndö ti tere, na ndö ti tere.

Ésaïe 30:15

Biani, Kota Gbia NZAPA ti Israel, lo so lo yeke nde si lo yeke nzoni kue, tënë so lo tene ayeke so: Ala lingbi ti soo kuâ gi tongana ala kiri na mbi si ala duti kpoo. Ala yeke wara ngangu gi tongana ala duti kpoo si ala zia be ti ala na ndö ti mbi. Me ala ye pepe.

Ésaïe 30:9

Biani, azo so ayeke azo ti ngangu li, ala yeke amolenge ti handango zo, ye so KOTA GBIA afa na ala, ala ye ti ma pepe.

Ésaïe 31:2

Me lo nga, lo yeke na kode: lo yeke sara si ye ti mawa aga, tënë so lo tene, lo tene awe. Lo londo ti ga na tere ti bongbi ti azo ti sioni nga na tere ti azo ti sarango sioni so a iri ala ti ga ti mu maboko.

Ésaïe 37:23

Zo wa laa mo zonga lo si mo bi buba na tere ti lo so, zo wa? Zo wa laa mo dekongo na li ti lo si mo baa lo tongana mbumbuse zo so, zo wa? Mo sara ye so na mbi Nzapa ti Israel, mbi so mbi yeke nde si mbi yeke nzoni kue!

Ésaïe 41:14

“Jacob, sara mbeto pepe, mo so mo yeke tongana ngusu, Israel, mo so mo yeke tongana makongo. Mbi yeke ga ti mu na mo maboko, so tënë ti yanga ti *KOTA GBIA laa. Mbi laa mbi yeke zi mo, mbi Nzapa ti Israel so mbi yeke nde si mbi yeke nzoni kue.

Ésaïe 41:16

Mo yeke pe ya ti ala si pupu ayeke mu ala ti hon na ala; kota pupu ayeke kangbi ya ti ala kirikiri. Me ti mo, mo yeke dodo na ngia ndali ti KOTA GBIA, mo yeke pika kate ti mo ndali ti Nzapa ti Israel, lo so lo yeke nde si lo yeke nzoni kue.”

Ésaïe 41:20

Tongaso, fade azo kue ayeke baa, azo kue ayeke hinga, ala kue ayeke ma ya ni atene, aye so kue, maboko ti KOTA GBIA laa asara ni, Nzapa ti Israel so ayeke nde si ayeke nzoni kue.

Ésaïe 5:19

Ala yeke tene: “Ye so KOTA GBIA aye ti sara so, ayeke nzoni lo sara ni hio e baa ma! Pialo so Nzapa ti Israel so ayeke nde si ayeke nzoni kue aye ti sara so, ayeke nzoni lo sara ni si e hinga tënë ni ma!”

Ésaïe 5:24

Ndani laa, fade ala yeke ga tongana pere so wâ agbi ni, ala yeke ga tongana holengo pere so menga ti wâ agbi ni kue. Ala yeke duti tongana pere so gunda ni afun na ya ti sese, tongana kongo so pupu ahon na ni tongana fuku ti sese. Biani, ye so KOTA GBIA so ayeke na ndö ti dunia kue afa, ala ke ni; tënë ti Nzapa ti Israel, lo so lo yeke nde si lo yeke nzoni kue, ala baa ni tongana mbumbuse ye.

Ésaïe 57:17

Ndali ti sioni nzara ti warango ye ti Israel, ngonzo agbu mbi ngangu. Na ya ti ngonzo ti mbi, mbi pika lo, mbi ye ti kiri ti baa lo pepe. Me lo ngba ti sara ngangu li, lo ngba ti sara ye ti be ti lo.

Ésaïe 58:2

Na lango oko oko, ala yeke gi mbi, ala ye ti hinga lege ti mbi. Ala kpa azo so ayeke sara ye alingbi na ndia, azo so ado ndia ti Nzapa ti ala azia pepe. Ala yeke hunda na mbi ti fâ ngbanga mbirimbiri, ala ye titene mbi duti nduru na ala.

Ésaïe 65:11

“Me ti ala, ala so ado mbi azia, ala so agirisa lege ti guengo na hoto ti mbi so ayeke nde si ayeke nzoni kue, ala so ayeke mu kobe na Gad, ala so ayeke bongbi samba si ayeke mu na *sandaga na Meni,

Ésaïe 65:3

Azo ni ayeke zia ngonzo na be ti mbi lakue, na le ti mbi: ala yeke mu asandaga na ya ti apendere ndo so ala yeke voro ayanda daa, ala yeke zö dukani na anzapa nde na ndö ti abiriki.

Ésaïe 9:17

Biani, sioni ti azo ni ayeke gbi ye tongana wâ so ayeke gbi aki na akamba ti ki. Wâ ni ati na ya ti gbako si ngbongboro guru ayeke londo ti gue na nduzu.

Jérémie 15:6

So tënë ti yanga ti KOTA GBIA laa: Mo laa mo zia mbi, mo zia peko ti mo na mbi. Nilaa mbi yoro maboko ti mbi ti fâ mo. Mbi baa mawa ti mo alingbi awe.

Jérémie 2:13

Azo ti mbi asara asioni ye use: ala do mbi azia, mbi so mbi yeke li ti ngu so ayeke mu fini na zo; ala gue ti zi du ti ngu ndali ti ala wani; andaa du ti ngu ni akoro korongo; du ni alingbi ti bata ngu pepe.”

Jérémie 2:17

Ye so kue asi na mo gi ndali ti mo wani pepe? Ye ni asi ndali ti so mo zia KOTA GBIA, Nzapa ti mo na ndembe so lo yeke fa lege na mo.

Jérémie 2:19

Fade sioni ti mo wani ayeke kiri na li ti mo. Mo zia mbi awe; fade mo yeke wara ye ti peko ni! Tongaso si mo hinga, mo tene, ziango KOTA GBIA Nzapa ti mo, ayeke sioni si ayeke ye ti vundu mingi; tongana mo kpe mbeto ti mbi pepe, so ayeke ye ti vundu mingi!” So tënë ti yanga ti KOTA GBIA so ayeke na ndö ti dunia kue laa.

Jérémie 2:31

– Ala, azo ti fadeso, ala ma tënë ti KOTA GBIA mbirimbiri! – Ala, azo ti Israel, mbi ga tongana benyama ndali ti ala? Wala kodro so ndo avuko daa pitipiti? Ala, azo ti mbi, ndani nyen si ala yeke tene: ‘E yeke gue na ndo so be ti e aye, e yeke kiri na mo mbeni pepe’ so?

Jérémie 2:33

“Mo hinga kode ti tumbango peko ti andeko! Ti si na nda ti ye ti mo ni, mo gue daa ngbii ti sara sioni ahon ndoni si aga ye ti tere ti mo.

Jérémie 2:5

Tënë so *KOTA GBIA atene ayeke so: “Lawa laa akotara ti ala abaa mbeni ye ti kirikiri so mbi sara si ala hon yongoro na tere ti mbi so? Ala gue na peko ti asenge senge ye si ala nga, ala ga asenge senge ye.

Jérémie 32:32

Biani, azo ti Israel na azo ti Juda asara sioni mingi, ala sara si ngonzo ti mbi alondo; ala na agbia ti ala, amakonzi ti ala, awayango-sandaga ti ala, awayanga-Nzapa ti ala nga na azo ti Juda na azo ti Jérusalem.

Jérémie 50:29

Ala iri azo ti pikango kokora kue, ala so ahinga ti pika kokora nzoni ti ga ti tiri bira na Babilone. Ala sara bâbâ ti ala angoro Babilone kue; ala sara si zo oko asigigi akpe pepe! Ala kiri na lo peko ti sioni so lo sara, ala futa lo alingbi na ye so lo sara na amba ti lo! Biani, lani lo sara kuru baba mingi ti ke KOTA GBIA, Nzapa ti Israel so ayeke nde si ayeke nzoni kue.

Jérémie 51:5

Biani, kodro ti ala asi singo na sioni so ala sara ti ke Nzapa ti Israel, lo so lo yeke nde si lo yeke nzoni kue. – Me Nzapa, KOTA GBIA so ayeke na ndö ti dunia kue, ado Israel na Juda azia ala pepe titene ala ga tongana wali-mua. –

Jérémie 7:19

Mbi laa ala yeke sara sioni na mbi so? Oko pepe! Ala sara ye ni ti bi kamene gi na le ti ala wani; so tënë ti yanga ti KOTA GBIA laa.”

Jérémie 7:26

Me ala ma mbi pepe; ala dingi mê ti ala kete pepe ti ma mbi; ala sara ngangu li ahon ndoni, ala sara sioni ahon akotara ti ala.

Ezekiel 14:5

Tongaso, fade tënë ti mbi ayeke ndu be ti azo ti Israel, ala so kue ague yongoro na mbi ndali ti ayanda ti ala so.

Ezekiel 16:33

Awali-ndumba kue ayeke wara futa; me ti mo, mo laa mo mu kadoo na andeko ti mo kue. Mo futa ala titene ala londo na ando nde nde aga ti lango na mo.

Ezekiel 16:45

Biani, mo yeke molenge-wali ti mama so be ti lo ake koli ti lo na amolenge ti lo. Mo yeke biani ita ti a-ita ti mo ti wali so be ti ala ake akoli ti ala na amolenge ti ala. Mama ti ala ayeke zo ti mara ti Het si babâ ti ala ayeke zo ti mara ti Amori.

Daniel 9:11

Azo ti Israel kue ake ndia ti mo awe; ala gue yongoro na mo si atënë so mo tene, ala ke ti ma ni. Tongaso asioni tënë na atënë ti dengo ba so a su ni na ya ti mbeti ti ndia ti Moïse, zo ti kua ti mo, atënë ni ati na ndö ti e, ngbanga ti so e sara siokpari so ake mo.

Sofonii 1:6

Mbi yeke hunzi azo so ado mbi KOTA GBIA azia, ala so ayeke gi mbi pepe si ala yeke hunda mbi pepe so.”

Wungo ti azo 32:14

Ala, mara ti azo ti sarango siokpari so, ala ye ti mu peko ti sarango ye ti ababâ ti ala titene ngonzo ti KOTA GBIA alondo na tere ti azo ti Israel?

Matthieu 11:28

“Ala ga na mbi, ala so kue awoko na yongo anengo kungba, fade mbi yeke mu na ala lege ti wu tere ti ala.

Matthieu 23:33

Ala angbo, ala asioni mara ti ngbo! Fade ala yeke sara tongana nyen ti kpe ngbanga so ayeke ku ala na ndo so wâ ayeke gbi daa lakue so?

Matthieu 3:7

So Jean abaa gba ti *afarizien na *asadusien ayeke ga na tere ti lo titene ala wara bateme, lo tene na ala: “Ala, asioni mara ti ngbo! Zo wa laa afa na ala lege ti kpe ngonzo ti Nzapa so ayeke ga so?

Rome 8:7

Azo so be ti ala ayeke gi na ndö ti asioni nzara ti be ti ala, ala yeke awato ti Nzapa; ala ke ti sara ye alingbi na Ndia ti Nzapa, ala lingbi nga ti sara ni oko pepe.

1 Korente 10:22

Wala e ye ti sara ye tongaso titene Nzapa asara mbanda? Ala baa ti ala atene, e yeke na ngangu e hon lo?

Ndia ti fani use ni 29:25

Ala gue ti voro ambeni nzapa nde, ala kuku na gbe ti ala. Andaa ala hinga anzapa ni so kozoni pepe; KOTA GBIA amu yanga na ala pepe ti voro anzapa ni so.

Ndia ti fani use ni 31:16

KOTA GBIA atene na Moïse: “Mo ga nduru ti gue na peko ti ababâ ti mo so akui so awe. Na peko ti mo, fade azo so ayeke to nda ti kpe na peko ti anzapa ti awande ti voro ala, anzapa ti kodro so ala, azo ti Israel, ala yeke li daa. Fade azo so ayeke ke mbi si ala yeke buba ya ti *mbuki so mbi na ala e sara ni.

Ndia ti fani use ni 32:19

So KOTA GBIA abaa lege so amolenge ti lo ti koli na ti wali ayeke he lo, be ti lo aso.

Ndia ti fani use ni 32:5

Me ala, ala yeke azo ti sioni mingi, ala sara sioni ti ke KOTA GBIA. Ndali ti sioni ti ala, ala kpa ti duti amolenge ti lo pepe, ala yeke azo ti ngoi ti fadeso so ayeke azo ti kirikiri, azo ti handango amba ti ala!

Kolose 1:24

A-ita, fadeso, mbi yeke na ngia ndali ti pasi so mbi yeke baa ndali ti ala, ngbanga ti so na lege ti pasi ni, mbi yeke hunzi tanga ti pasi ti Christ so lo baa ndali ti *Eglize so ayeke tere ti lo.

Aye so Nzapa afa 18:5

Asiokpari ti lo adu na ndö ti tere, na ndö ti tere ngbii asi na le ti nduzu; Nzapa adabe ti lo na aye ti kirikiri ti lo.

Awafango-ngbanga 10:10

Azo ti Israel adekongo na mbage ti KOTA GBIA titene lo soo ala; ala tene: “E sara siokpari so ake mo, ngbanga ti so e zia mo, mo so mo yeke Nzapa ti e, ti voro anzapa Baal.”