Ésaïe 1:30 - Mbeti ti Nzapa - Tënë so amu fini

³⁰ Fade ala yeke ga tongana akeke so akugbe ni ahole awe; ala yeke ga tongana apendere ndo so ngu ahole daa awe.

Ésaïe 1:30 ပူးပေါင်းရင်းမြစ်များ

Tongo nda ti aye 12:6

Abram ahon na ya ti sese ni; lo gue, lo si na gbata ti Sishem, lo hon ngbii lo si na tere ti keke ti shene ti More. Na ngoi ni so, azo ti Kanaan laa ayeke lango na ya ti kodro ni.

Ésaïe 5:6

Fade mbi yeke zia yaka ni aga ngonda; zo ti fango *aguruma ni ayeke daa pepe, zo ti sukulango gbe ni ayeke daa pepe; aki na asioni kamba ti aki ayeke suku amu ndö ni kue. Fade mbi yeke mu yanga na ambinda ti gbanzi ngu ti pika na ndö ti yaka ni.”

Ésaïe 58:11

KOTA GBIA ayeke ngba lakue ti fa lege na mo. Ataa na benyama, lo yeke mu na mo kobe, mo te ya ti mo asi, lo yeke kiri ti mu ngangu na mo. Mo yeke ga tongana yaka so a tuku ngu daa, mo yeke ga tongana li ti ngu so ngu ni ayeke hole pepe.

Ésaïe 64:5

E kue, e yeke tongana azo so aga *sioni awe, aye ti mbirimbiri so kue e sara ayeke tongana bongo so awali ayeke yu na ndembe so ala yeke baa ya ti ala. E kue, e woko tongana kugbe, sioni ti e ayeke hon na e kirikiri tongana ti so pupu ayeke hon na ye.

Ésaïe 64:6

Zo oko ti di iri ti mo ayeke daa pepe, zo oko ti zingo na lango si lo bongbi oko na mo ayeke daa pepe. Biani, mo honde le ti mo na e, mo zia e si e woko na gbe ti sioni ti e.

Jérémie 31:12

Fade ala yeke ga, ala yeke dekongo na ngia na ndö ti hoto ti *Sion; yanga ti ala ayeke na ngia ti wara anzoni ye so KOTA GBIA ayeke mu na ala: ble, fini vin, mafuta, ataba, angasa na abagara. Fini ti ala ayeke duti tongana yaka so a tuku ngu daa; ala yeke kiri ti woko pepe.

Ezekiel 17:24

Tongaso, fade akeke ti yaka kue ayeke hinga atene, mbi laa mbi yeke KOTA GBIA. Mbi yeke sara si akeke so ayo na nduzu mingi aga kete; mbi yeke sara si akete keke amai. Mbi yeke sara si afini keke ahole, mbi yeke sara si akongo asigigi na ndö ti aholengo keke. Mbi KOTA GBIA, mbi tene tënë awe, mbi yeke sara ye ni.”

Matthieu 21:19

Lo baa mbeni keke ti fige na tere ti lege si lo gue nduru na ni, me lo wara gi akugbe ni. Lo tene na keke ni: “Mo yeke kiri ti le oko pepe!” Gi hio tongaso, keke ti fige ni ahole.