Ésaïe 1:24 - Mbeti ti Nzapa - Tënë so amu fini

²⁴ Ndani laa, so tënë ti yanga ti Kota Gbia NZAPA laa, lo so lo yeke na ndö ti dunia kue, ngangu Nzapa ti Israel atene: “Mawa na ala, azo so ake mbi! Fade mbi yeke nika ala nikango, mbi yeke kiri peko ti sioni na awato ti mbi.

Ésaïe 1:24 ပူးပေါင်းရင်းမြစ်များ

Tongo nda ti aye 49:24

Me lo gbu kokora ti lo lakue ngangu, maboko ti lo angba daa ngangu na lege ti ngangu ti Nzapa, lo so lo yeke ngangu Nzapa ti Jacob, Nzapa so ayeke tongana wabatango-taba, wala tongana têne so ayeke bata azo ti Israel.

Abia (Psaumes) 132:2

David laa adeba yanga ti lo na KOTA GBIA; lo mu zendo na ngangu Nzapa ti Jacob, lo tene:

Ésaïe 12:6

Ala, azo so alango na *Sion, ala dekongo na ngia, ala dodo na ngia, ngbanga ti so Nzapa ti Israel so ayeke na popo ti ala, lo yeke kota, lo yeke nde si lo yeke nzoni kue.

Ésaïe 30:29

Ti ala azo ti Jérusalem, fade ala yeke he bia tongana ti so a yeke he bia ti matanga na bi. Be ti ala ayeke duti na ngia tongana ti azo so ayeke tambula alingbi na toto ti *ngoli si ala yeke gue na li ti hoto ti KOTA GBIA, na mbage ti Kota Têne ti Israel.

Ésaïe 35:4

Ala tene na azo so be ti ala awoko so, atene: “Ala gbu ngangu, ala sara mbeto pepe! Baa, Nzapa ti ala laa. Lo ga ti kiri peko ti sioni na azo so asara sioni, ti futa awato ti ala ndali ti sioni so awato ni asara na ala. Lo wani, lo ga ti soo ala.”

Ésaïe 49:26

Azo so asara ngangu na mo, mbi yeke sara titene ala te kasa ti tere ti ala wani, ala yeke nyon mene ti ala si ahon ndö ti ala tongana zo so anyon fini vin si ahon ndö ti lo. Tongaso, fade azo kue ayeke hinga atene, mbi yeke KOTA GBIA, wasongo mo, wazingo mo, mbi, ngangu Nzapa ti Jacob!”

Ésaïe 59:18

Lo yeke futa zo oko oko alingbi na aye so zo ni asara. Azo so ake lo, ngonzo ti lo alondo na tere ti ala tongana wâ, awato ti lo, lo yeke kiri peko ti sioni na ala, ataa na azo ti azoa.

Ésaïe 60:16

Fade mo yeke nyon ngu ti me ti bagara ti amara nde, mo yeke te anzoni ye ti agbia ti ala. Tongaso, fade mo yeke hinga, mo tene, mbi KOTA GBIA laa mbi yeke wasongo mo, wazingo mo, ngangu Nzapa ti Jacob.

Ésaïe 61:2

Lo tokua mbi ti tene na azo, atene: so ayeke ngu so KOTA GBIA ayeke sara nzoni be na ala; so ayeke lango so Nzapa ti e ayeke kiri peko ti sioni na awato ti lo. Lo tokua mbi ti de be ti azo so kue ayeke na vundu.

Ésaïe 63:4

Mbi leke lani na be ti mbi mbeni lango ti kiri peko ti sioni na ala. Ngu ti zi azo ti mbi alingbi awe.

Jérémie 50:34

Me wagbungo-koko ti ala ayeke ngangu; iri ti lo ayeke ‘KOTA GBIA so ayeke na ndö ti dunia kue’. Fade lo yeke gbu koko ti ala ngangu ti sara si sese ni awara siriri si azo ti Babilone ado na mbeto.”

Jérémie 9:9

Ndali ti ahoto, mbi yeke toto si mbi yeke dema tere; ndali ti ndo so anyama ayeke te ka pere daa, mbi yeke he bia ti totongo kuâ, ngbanga ti so ndo ni kue agbi awe; zo ayeke hon daa mbeni pepe; a yeke ma go ti anyama na ndo ni so pepe. Ataa andeke ti nduzu na anyama, ala kue ahon, mbeni oko angba pepe.

Ezekiel 16:42

Le ti mbi ayeke be na ngonzo ti wâ na tere ti ala ngbii be ti mbi ade si. Na pekoni, mbanda so mbi yeke sara na tere ti mo ayeke hunzi, be ti mbi ayeke de, mbi yeke kiri ti sara ngonzo pepe.

Ezekiel 21:17

Molenge ti zo, mo toto, mo dekongo ngangu! A tokua yongoro zeme so na tere ti azo ti mbi, nga na tere ti amakonzi kue ti Israel. Biani, fade a yeke fâ ala legeoko na azo ti mbi ni. Mo zia maboko na ndö ti go ti mo ti fa vundu ti be ti mo.

Ezekiel 5:12

Fade a yeke kangbi ya ti ala ota: kozo kangbi ni ayeke kui ande na sioni kobela ti bubango kodro nga na kota nzara taa na ya ti gbata ni; use kangbi ni ayeke kui kuâ ti yongoro zeme na tere ti gbata ni. Fade mbi yeke kangbi tanga ti azo ni kirikiri na ndo kue si mbi yeke gboto yongoro zeme ti mbi ti tumba peko ti ala.

Ezekiel 5:13

Le ti mbi ayeke be na tere ti ala si ngonzo ti mbi ti wâ ayeke tuku na ndö ti ala ngbii be ti mbi ade si. Mbi yeke kiri na ala peko ti sioni so ala sara. Tongaso, fade ala yeke hinga atene, mbi KOTA GBIA laa mbi tene tënë na ala; mbi kanga be ti mbi na ala gbaa ndali ti so ala bata tere ti ala na mbi pepe. Ndani laa, mbi yeke tuku ngonzo ti mbi ti wâ na ndö ti ala ngbii be ti mbi ade si.

Ndia ti fani use ni 28:63

Tongana ti so be ti KOTA GBIA anzere ando ti sara nzoni na ala, ti sara si ala wu mingi, fade be ti lo ayeke nzere nga ti sara titene ala kui si ala hunzi kue. Lo yeke zi ala na sese so ala yeke gue ti mu ni titene aga ti ala.

Ndia ti fani use ni 32:43

Moïse atene: “Ala amara, ala dekongo na ngia na li ti azo ti KOTA GBIA! Biani, lo ga nduru ti kiri na peko ti mene ti azo ti kua ti lo awe; sioni so awato ti lo asara na azo ti lo, lo yeke kiri peko ti sioni ni na ala; me lo yeke *sukula sese ti azo ti lo.”

Ahebro 10:13

Fadeso, Christ ayeke ku titene Nzapa azia awato ti lo tongana mbata ti gbe ti gere ti lo.

Aye so Nzapa afa 18:8

Ndani laa, gi na ya ti lango oko, fade aye ti sioni so a leke ndali ti lo ayeke si na lo: kuâ, mua na kota nzara. Fade wâ ayeke gbi lo, ngbanga ti so Kota Gbia, Nzapa so ayeke na ngangu afâ ngbanga na li ti lo awe.”