Ésaïe 1:2 - Mbeti ti Nzapa - Tënë so amu fini

² Yayu, mo ma! Sese, mo dingi mê ti mo, mo ma! *KOTA GBIA laa ayeke tene tënë so: “Mbi bata amolenge, ala kono na gbe ti mbi, me ala tomboka na tere ti mbi.

Ésaïe 1:2 ပူးပေါင်းရင်းမြစ်များ

2 Agbia 21:22

Lo do KOTA GBIA, Nzapa ti akotara ti lo, lo zia si lo tambula na lege ti KOTA GBIA pepe.

Abia (Psaumes) 49:1

Bia ti azo ti Kore; bia so ayeke ndali ti makonzi-bia.

Abia (Psaumes) 50:4

Lo iri yayu, lo iri sese ti ga ti duti na ya ti ngbanga ti azo ti lo.

Ésaïe 30:1

Mawa na amolenge ti ngangu li! So tënë ti yanga ti *KOTA GBIA laa. Ala yeke leke apialo so alondo na mbi pepe; ala yeke sara *ambuki kirikiri so be ti mbi aye tënë ni pepe. Ala yeke sara si siokpari aga na ndö ti tere, na ndö ti tere.

Ésaïe 30:9

Biani, azo so ayeke azo ti ngangu li, ala yeke amolenge ti handango zo, ye so KOTA GBIA afa na ala, ala ye ti ma pepe.

Ésaïe 31:6

Ala azo ti Israel, ala ke lani KOTA GBIA mingi! Ala kiri fadeso na mbage ti lo ma!

Ésaïe 34:1

Ala amara nde, ala ga nduru ge, ala ma tënë! Ala azo ti dunia kue, ala dingi mê ti ala, ala ma tënë! Ayeke nzoni sese na aye so kue ayeke na ndö ni ama tënë, dunia na aye so kue ayeke sigigi daa ama tënë.

Ésaïe 63:16

Biani, mo laa mo yeke babâ ti e. Be ti Abraham, kotara ti e agirisa na e awe; Jacob akiri ahinga e pepe; me mo KOTA GBIA, mo yeke Babâ ti e; mo so a yeke di iri ti mo “Wazingo e”, ngbene ye kpu na kpu.

Ésaïe 65:2

Lakue, mbi yoro maboko ti mbi na mara so asara ngangu li, na azo so amu sioni lege, na ala so ayeke sara gi ye ti be ti ala.

Jérémie 13:15

Ala ma si! Ala dingi mê ti ala! Ala baa tere ti ala tongana akota zo pepe. *KOTA GBIA laa ayeke tene tënë so.

Jérémie 22:29

Kodro ti mbi, kodro ti mbi! Ma tënë ti KOTA GBIA si!

Jérémie 3:22

Azo ti ngangu li, ala kiri maa! Kobela ti ngangu li ti ala so, fade mbi yeke kai ni!” “Baa e laa! E yeke kiri na mo, ngbanga ti so mo laa mo yeke KOTA GBIA, Nzapa ti e.

Jérémie 31:9

Azo ni ayeke kiri na toto na yanga ti ala. So mbi yeke ga na ala, ala yeke dema tere ti ala; mbi yeke gue na ala na ndo so gba ti ngu ayeke sua daa, mbi yeke sara titene ala hon na lege so ayeke mbirimbiri, ndo so ala lingbi pepe ti pika gere ti ala ti ti. Biani, mbi yeke tongana babâ ti Israel, Efraim ayeke kozo molenge ti mbi.”

Jérémie 6:19

Ala ma si, ala azo ti sese kue: mbi yeke sara titene kota kpale ati na ndö ti azo ni, so ayeke futa ti asioni gbungo-li ti ala laa. Ala dingi mê ti ala ti ma atënë ti mbi pepe; ala baa atënë ti ndia ti mbi tongana mbumbuse ye.

Ezekiel 24:3

Mo tene mbeni *mato ndali ti azo ti mara ti ngangu li so; mo tene na ala, mo tene: Tënë so Kota Gbia NZAPA atene ayeke so: ‘Mo leke mbeni tawa, mo leke ni nzoni, mo tuku ngu daa asi.

Ezekiel 36:4

Ndani laa, ala ahoto ti Israel, ala ma tënë ti Kota Gbia NZAPA! Tënë so mbi Kota Gbia NZAPA, mbi tene ayeke so: Akota hoto, akete hoto, akete ngu so ayeke sua, apopo-hoto, akodro so abuba awe si aga benyama, agbata so azo ado azia, agbata so azo anzi aye ti ya ni kue si azo ti amara nde so angoro ni ahe ni na ngia,

Amos 3:1

Ala azo ti Israel, ala azo ti sewa so *KOTA GBIA asara si ala sigigi na Ezipte, ala ma tënë so lo tene na tere ti ala, lo tene:

Mishe 1:1

So ayeke tënë ti *KOTA GBIA so asi na Mishe, zo ti kodro ti Moreshet, na ngoi ti agbia Yotam, Ahaz nga na Ezekias, agbia ti Juda. Mishe abaa ye ni na ya ti mbeni ye tongana bango-li na ndö ti agbata ti Samarii na ti Jérusalem.

Mishe 1:2

Ala amara kue, ala ma si! Mo, sese na aye so kue ayeke na ndö ti mo, ala dingi mê ti ala, ala ma si! Ti londo na da ti lo so ayeke nde si ayeke nzoni kue, Kota Gbia NZAPA ayeke ga ti bi tënë na li ti ala.

Mishe 3:8

Me ti mbi, ndali ti yingo ti KOTA GBIA so lo mu na mbi, mbi wara ngangu ahon ndoni, mbi hinga lege ti fango ngbanga mbirimbiri si mbi yeke na mbeto pepe ti fa na *ahale ti Jacob tënë ti ngangu li ti ala, ti fa nga na azo ti Israel siokpari ti ala.

Malashii 1:6

Tënë so KOTA GBIA so ayeke na ndö ti dunia kue atene na ala, awayango-sandaga ayeke so: “Molenge-koli ayeke ne babâ ti lo, zo ti kua ayeke ne makonzi ti lo. Tongana mbi yeke Babâ ti ala, nengo mbi ni ayeke na ndo wa? Tongana mbi yeke Makonzi ti ala, kpengo mbeto ti mbi ni ayeke na ndo wa? Ti ala awayango-sandaga, ala yeke baa mbi tongana mbumbuse zo. Ala hunda mbi, atene: ‘E baa mo tongana mbumbuse zo tongana nyen?’

Awatokua 4:20

Ti e, ye so e baa si e ma awe so, e lingbi ti kanga yanga ti e na ndö ni pepe.”

Ndia ti fani use ni 1:31

nga na ya ti benyama. Ala wani, ala baa na le ti ala: na lege so ala tambula daa ngbii asi na ndo so, lo yo ala tongana ti so babâ ayeke yo molenge ti lo.”

Ndia ti fani use ni 30:19

Mbi tene na ala laso biani, yayu na sese ayeke ma mbi: mbi zia na dawa ti ala fini na kuâ, tufa na dengo ba. Alingbi ala soro fini si fade ala ngba na fini, ala na *ahale ti ala.

Ndia ti fani use ni 32:1

“Yayu, mo dingi mê ti mo, fade mbi yeke tene tënë! Sese, mo ma atënë so mbi yeke tene!

Ndia ti fani use ni 4:26

Tongana ala sara mara ti asiokpari tongaso, mbi tene na ala laso biani, yayu na sese ayeke ma mbi, sese so ala yeke gue ti mu na mbage ti ngu ti Jourdain kâ titene aga ti ala so, ala yeke ngba na ya ni aninga pepe, a yeke fâ ala kue ti hunzi ala.