Ésaïe 1:15 - Mbeti ti Nzapa - Tënë so amu fini

¹⁵ Tongana ala yoro maboko ti ala na nduzu ti sambela, mbi yeke bi le ti mbi na ngonda. Ataa ala sambela tongana nyen, mbi yeke ma ala pepe, ngbanga ti so maboko ti ala atuku mene mingi.

Ésaïe 1:15 ပူးပေါင်းရင်းမြစ်များ

1 Agbia 8:22

Na pekoni, Salomon aluti na dawa ti gbalaka ti *KOTA GBIA, na dawa ti bongbi ti azo ti Israel kue, lo yoro maboko ti lo na nduzu ti sambela,

1 Agbia 8:54

Gbia Salomon akuku kukungo na sese na dawa ti gbalaka ti *KOTA GBIA, lo yoro maboko ti lo use kue na nduzu, lo yeke tene sambela so si lo yeke voro tere ti lo na KOTA GBIA. Na ndembe so lo hunzi sambela ni awe, lo londo na nduzu.

Esdras 9:5

Na ngbonga ti mungo *sandaga ti lakui, mbi londo na ya ti vundu ti mbi. Abongo ti mbi na yongoro bongo ti mbi so a suru so angba na tere ti mbi. Mbi ti na sese na likunu ti mbi, mbi yoro maboko ti mbi na nduzu na *KOTA GBIA Nzapa ti mbi,

Mbeti ti Job 27:20

Kota mbeto ayeke hon ndö ti lo, tongana ngu so asuku amu zo ahon na lo. Na bi, kota pupu ayeke mu lo, ahon na lo.

Mbeti ti Job 35:13

Asenge senge tënë laa, Nzapa ayeke ma pepe; lo so ngangu ti lo ahon angangu kue, lo yeke dingi mê ti lo ti ma ni pepe.

Abia (Psaumes) 134:2

Ala yoro maboko ti ala na mbage ti da ti KOTA GBIA, da ti lo so ayeke nde si ayeke nzoni kue; ala mu singila na lo!

Abia (Psaumes) 55:1

Bia so ayeke ndali ti makonzi-bia. A he ni na kundi. Bia ti fango ye na zo; bia ti David.

Abia (Psaumes) 66:18

Tongana mbi bata fade sioni ye na be ti mbi, ka Kota Gbia ama mbi pepe.

Sigingo 9:29

Moïse akiri tënë na lo: “Gi so mbi yeke sigigi na ya ti gbata ni, mbi yeke yoro maboko ti mbi na mbage ti KOTA GBIA ti sambela lo. Fade bekpa na pembe ti bekpa ni ayeke kai. Tongaso, mo yeke hinga, mo tene, sese ayeke ti KOTA GBIA.

Amato 1:28

Na lango ni so, fade ala yeke iri mbi titene mbi mu maboko na ala, me mbi yeke kiri tënë na ala pepe; ala yeke gi mbi, me ala yeke wara mbi pepe.

Amato 6:17

le so abaa ndo na baba, yanga so ayeke tene mvene, maboko so ayeke tuku mene ti azo so tënë ayeke na li ti ala pepe;

Ésaïe 4:4

KOTA GBIA ayeke tokua yingo ti fango ngbanga nga na yingo so ayeke gbi ye tongana wâ ti zi sioni ti azo ti Sion, ti sukula Jérusalem ndali ti mene so atuku na ya ti gbata ni.

Ésaïe 45:15

Nzapa ti Israel, mo laa mo yeke soo zo; mo yeke taa Nzapa so mo yeke na hondengo ni.

Ésaïe 58:4

ala yeke papa, ala yeke tiri si na sioni be, ala yeke kpo amba ti ala na gobo. Mara ti kengo kobe tongaso ayeke sara si sambela ti ala asi na mbi pepe.

Ésaïe 58:7

ti kangbi kobe ti mo na zo so nzara ayeke sara lo, ti mu ndo ti lango na azo ti mawa so da ti li ti ala ayeke daa pepe, ti mu bongo na azo so bongo atia ala; ayeke nga titene mo zia peko ti mo pepe na taa ita ti mo.”

Ésaïe 64:7

Andaa mo KOTA GBIA laa, mo yeke babâ ti e. E yeke tongana sese ti sarango na ta si mo yeke tongana wasarango-ta; e kue, maboko ti mo laa asara e.

Ésaïe 8:17

Mbi yeke ku *KOTA GBIA, lo so lo bi le ti lo yongoro na *ahale ti Jacob; mbi zia be ti mbi ti ku lo.

Jérémie 11:11

“Ndani laa, tënë so KOTA GBIA atene ayeke so: ‘Fade mbi yeke sara si mbeni kota kpale aga na ndö ti ala; kota kpale so ala lingbi ti sigigi na ya ni pepe. Ala yeke dekongo ti iri mbi, me mbi yeke ma ala pepe.

Jérémie 14:12

Ataa ala ke kobe, fade mbi yeke ma dema ti ala pepe. Ataa ala ya na mbi asandaga so a yeke gbi ni kue na wâ nga na asandaga ti ale ti kobe, ayeke nzere na be ti mbi pepe. Me mbi yeke hunzi ala na lege ti bira, na lege ti nzara nga na lege ti sioni kobela ti bubango kodro.”

Jérémie 4:31

Mbi ma mbeni go; go ni akpa ti wali so ya ti lo ayeke so ti du si lo yeke dema tere ti lo. Go ni akpa ti wali so ayeke du kozo molenge ti lo; go ni so ayeke go ti *Sion, pendere gbata: lo wu pupu gbaa si lo yeke dema; lo yoro maboko ti lo na nduzu si lo tene: “Ti mbi awe! Azo ti fango zo afâ mbi awe!”

Ezekiel 11:6

Ala fâ azo gbani gbani na ya ti gbata so, asara si akuâ asi singo na ndö ti alege.

Ezekiel 14:3

“*Molenge ti zo, azo so aleke ndo na be ti ala ndali ti ayanda ti ala; le ti ala angba gi na ndö ti ye so ayeke sara si ala ti na ya ti siokpari. Fade mbi yeke zia lege na ala titene ala hunda mbi na mbeni tënë?

Ezekiel 39:23

“Fade amara nde ayeke hinga atene, ndali ti asioni ti azo ti Israel laa a gbu ala, a gue na ala na kodro wande, ndali ti asioni ye so ala sara ti ke mbi *KOTA GBIA. Ndani laa, mbi honde le ti mbi na ala, mbi zia ala na maboko ti awato ti ala si a fâ ala kue na ya ti bira.

Osée 5:6

Fade ala yeke mu ataba ti ala na abagara ti ala ti gue ti gi KOTA GBIA, me ala yeke wara lo pepe; KOTA GBIA azi tere ti lo na ala awe.

Mishe 3:4

Ndani laa, na ngoi so ala yeke dekongo ti iri *KOTA GBIA, lo yeke kiri tënë na ala pepe. Fade lo yeke honde le ti lo na ala ndali ti asioni ye so ala sara.

Zakarii 7:13

Nilaa KOTA GBIA so ayeke na ndö ti dunia kue, atene: “So lani mbi iri ala si ala ke ti ma so, mbi nga, ala iri mbi si mbi ke ti ma ala.

Matthieu 23:13

“Mawa na ala, awafango-ndia, ala na *afarizien! Tënë ti yanga ti ala ayeke nde na sarango ye ti ala! Ala kanga lege ti *Kodro-gbia ti yayu na azo. Ala wani aye ti li na ya ti Kodro-gbia ti yayu ni pepe, me ala yeke kanga lege ni na azo so aye ti li daa. [

Matthieu 6:7

“Tongana ala yeke sambela, ala diko gba ti atënë pepe tongana ti azo so ahinga Nzapa pepe: azo ni abaa ti ala atene, na lege ti dikongo gba ti atënë si fade Nzapa ayeke ma ala.

Jean 9:31

E hinga so, Nzapa ayeke ma azo ti siokpari pepe, me lo yeke ma gi azo so ama yanga ti lo si ala yeke sara ye so be ti lo aye.

1 Timothée 2:8

Mbi ye si akoli asambela na ndo kue, na yorongo maboko ti ala na nduzu, maboko so ayeke *nzoni, na ngonzo na be ti ala pepe, na tënë ti papa pepe.