Ésaïe 1:14 - Mbeti ti Nzapa - Tënë so amu fini

¹⁴ Amatanga ti fini nze ti ala na amatanga nde nde, mbi ke ni na be oko. Amatanga ni aga kungba na ndö ti mbi; mbi woko na yongo ni awe.

Ésaïe 1:14 ပူးပေါင်းရင်းမြစ်များ

1 Mbai 23:31

Lakue, ala yeke duti nga daa na ndembe so a yeke mu sandaga so a yeke gbi ni kue na wâ na KOTA GBIA, na *lango ti wungo tere, na lango ti fini nze nga na lango ti amatanga. Ala yeke sara kua ti ala na ngoi kue na dawa ti KOTA GBIA, alingbi na wungo ti lango so ndia afa na ala.

Ésaïe 29:1

*KOTA GBIA atene: “So mawa na mo Ariel, Ariel, gbata so David aga ti tiri bira na mo so! Ngu na ngu, mo lingbi ti sara amatanga na lege ti amolongo ni,

Ésaïe 29:2

me mbi KOTA GBIA, mbi yeke nika mo, Ariel. Fade demango tere na dema ayeke hon ndö ti mo si mo yeke ga tongana duke, ndo so a yeke gbi asandaga daa ndali ti mbi.

Ésaïe 43:24

Ndali ti mbi laa mo vo pere ti yombo ti kota ngere so pepe, ndali ti mbi laa mo zö mafuta ti anyama ti mo titene ya ti mbi asi na ni pepe. Me na lege ti siokpari ti mo, mo gbu mbi ti ga ngbaa ti mo; mo woko mbi na lege ti asioni ti mo.

Ésaïe 61:8

Biani, mbi KOTA GBIA, mbi ye titene azo asara ye na lege ti ndia, me mbi ke titene a nzi ye ti zo na lege ti fango lo. Fade mbi yeke futa ala alingbi na ye so ala sara; mbi na ala e yeke sara *mbuki so angba lakue lakue.”

Ésaïe 66:23

Tongaso, na matanga ti fini nze oko oko, na *lango ti wungo tere oko oko, fade azo kue ayeke ga ti kuku ti kpo li ti ala na dawa ti mbi; tënë so mbi KOTA GBIA, mbi tene laa.

Ésaïe 7:13

Tongaso Ésaïe atene: “Ala *ahale ti David, ala ma mbi si! So ala ngba ti so li ti azo so, alingbi na ala pepe si ala ye ti so li ti Nzapa ti mbi so?

Osée 2:11

Ndani laa, na ngoi ti fango ale ti kobe, fade mbi yeke ga ti zi na maboko ti lo aye so kue mbi mu na lo: ale ti ble na fini vin; mbi yeke zi na tere ti lo bongo so a sara na kua ti tere ti taba, na bongo ti len so ahonde fade tere ti lo so ayeke ndumbu so.

Osée 5:7

Ala ka KOTA GBIA, ngbanga ti so ala du amolenge so a hinga babâ ti ala pepe. Fadeso, gi na ya ti nze oko, a yeke hunzi ala kue nga na amosoro ti ala.”

Amos 2:13

“Fade mbi yeke nika ala tongana ti so pusu so ayo nengo gba ti kobe ayeke nika sese na hongo ti lo.

Amos 5:21

*KOTA GBIA atene: “Amatanga ti ala so ala yeke sara so, mbi ke ni, mbi ye ti baa ni mbeni pepe; abongbi ti ala, mbi lingbi ti kanga be ti mbi na ni mbeni pepe.

Zakarii 11:8

Gi na ya ti nze oko, mbi tumba awabatango-taba ti ala ota kue. Na pekoni, nzara ti batango ataba ni ahunzi na be ti mbi si ala nga, be ti ala akiri ake mbi.

Malashii 2:17

Ala woko KOTA GBIA na atënë ti ala. Ala hunda ndo, atene: “Atënë ti nyen laa e woko lo na ni?” Ala woko lo na lege ti tënë so ala yeke tene: “Zo so asara ye ti sioni, lo laa lo yeke nzoni zo na le ti KOTA GBIA. Mara ti azo tongaso laa be ti KOTA GBIA anzere na ala”; wala ala yeke tene: “Nzapa so ayeke fâ ngbanga mbirimbiri so ayeke na ndo wa?”