Ésaïe 1:13 - Mbeti ti Nzapa - Tënë so amu fini

¹³ Ala zia mbi na abuba sandaga ti ala ni; be ti mbi ake dukani ti ala mingi. Amatanga ti fini nze, amatanga ti wungo tere na abongbi nde nde, mbi ye ti kiri ti ma tënë ni na mê ti mbi pepe. Sarango amatanga na sarango siokpari, ala bongbi ni kue gi oko, mbi lingbi ti yeda na ni tongana nyen?

Ésaïe 1:13 ပူးပေါင်းရင်းမြစ်များ

2 Agbia 4:23

Koli ti lo ahunda lo, atene: “Mo ye ti gue na ndo ti lo laso ngbanga ti nyen? So e yeke na lango ti fini nze wala *lango ti wungo tere pepe so.” Wali ni akiri tënë, atene: “Gi be ti mo pepe!”

1 Mbai 23:31

Lakue, ala yeke duti nga daa na ndembe so a yeke mu sandaga so a yeke gbi ni kue na wâ na KOTA GBIA, na *lango ti wungo tere, na lango ti fini nze nga na lango ti amatanga. Ala yeke sara kua ti ala na ngoi kue na dawa ti KOTA GBIA, alingbi na wungo ti lango so ndia afa na ala.

Abia (Psaumes) 78:40

Lege mingi, ala sara ngangu li na lo na benyama, ala so be ti lo na ndo so ngu ayeke daa pepe.

Sigingo 12:16

Na kozo lango ni nga na mbarambara lango ni, ala yeke bongbi azo ti voro Nzapa. Na ya ti alango so, ala yeke sara mbeni kua oko pepe. Gi kobe laa ala lingbi ti to ndali ti zo oko oko.

Amato 21:27

Sandaga ti azo ti sioni ayeke ye ti sioni mingi. Sandaga so ayeke sioni ahon ndoni ayeke ti so ala mu na sioni be.

Amato 7:14

“Mbi mu lani zendo ti mu na Nzapa *sandaga ti mungo singila; laso mbi mu ni awe.

Ésaïe 66:23

Tongaso, na matanga ti fini nze oko oko, na *lango ti wungo tere oko oko, fade azo kue ayeke ga ti kuku ti kpo li ti ala na dawa ti mbi; tënë so mbi KOTA GBIA, mbi tene laa.

Ésaïe 66:3

Zo ayeke fâ bagara ti mu na *sandaga, me na mbage, lo yeke fâ zo; lo yeke fâ go ti taba, me na mbage, lo yeke mu mbo na sandaga; lo yeke mu sandaga ti farini, me na mbage, lo yeke mu mene ti nguru; lo yeke zö dukani na mbi, me na mbage, lo yeke voro ayanda. Azo so kue asoro lege ti ala wani, be ti ala anzere na afungo ye ti ala ni so.

Abia ti demango tere 2:6

Lo buba gbagba na kpangba ti yaka ti lo. Lo buba da so lo na azo ti lo ayeke tengbi tere daa so. Alango ti matanga na *alango ti wungo tere, KOTA GBIA asara si azo agirisa ni na Sion awe. Be ti KOTA GBIA ayeke gi wâ wâ; nilaa lo bi buba na tere ti agbia na awayango-sandaga kue.

Ezekiel 20:39

Ti ala, azo ti Israel, tënë so mbi Kota Gbia NZAPA, mbi tene ayeke so: Ayeke nzoni zo oko oko ague, avoro ayanda ti lo ma! Me na pekoni, e yeke baa wala ala yeke ngba ti ke yanga ti mbi. Tongaso, iri ti mbi so ayeke nde si ayeke nzoni kue, ala yeke kiri ti sara si aga sioni pepe na lege ti amatabisi ti ala nga na lege ti vorongo ayanda ti ala.

Osée 2:11

Ndani laa, na ngoi ti fango ale ti kobe, fade mbi yeke ga ti zi na maboko ti lo aye so kue mbi mu na lo: ale ti ble na fini vin; mbi yeke zi na tere ti lo bongo so a sara na kua ti tere ti taba, na bongo ti len so ahonde fade tere ti lo so ayeke ndumbu so.

Joël 1:14

Ala mu yanga titene azo azia mbeni lango nde ti ke kobe ti sambela Nzapa; ala iri azo ti bongbi ti voro Nzapa; ala bongbi *akangba na azo ti kodro kue na ya ti da ti *KOTA GBIA, Nzapa ti ala, ala dekongo na lo.

Joël 2:15

Ala huru didi na ndö ti hoto ti *Sion, ala mu yanga titene azo azia mbeni lango nde ti ke kobe ti sambela Nzapa; ala iri azo ti bongbi ti voro Nzapa,

Awayango-sandaga 26:31

Mbi yeke buba agbata ti ala kue, mbi yeke sara si ando ti vorongo anzapa ti ala aga ngonda; *asandaga ti ala so ala yeke ya na mbi, mbi yeke kiri ti ma fion ni pepe.

Malashii 1:10

Tongana mbeni zo na popo ti ala alondo fade akanga ayanga ti kota da ti mbi titene ala ngba ti tingo wâ na ndö ti gbalaka ti mbi senge senge pepe, ka ayeke nzoni mingi! Biani, be ti mbi anzere na ala pepe. Tënë so KOTA GBIA so ayeke na ndö ti dunia kue atene laa. Aye ti ala so ala yeke ga na ni na mbi na sandaga so, anzere na be ti mbi pepe.

Wungo ti azo 10:2

“Mo leke atatalita use na wen ti nginza so a pika tere ni na martoo. Fade a yeke huru tatalita ni ti iri bongbi ti azo ti Israel wala ti mu lege na ala ti londo ti hon.

Matthieu 15:9

Vorongo so ala yeke voro mbi so, ayeke gi senge senge, ngbanga ti so ala yeke fa gi andia so azo laa asigigi na ni.’ ”

Nzoni Tënë so Luc asu na mbeti 11:42

“Mawa na ala, afarizien! Ala yeke mu na Nzapa *dime ti akugbe ti kasa ti yaka ti ala, ataa akete kete ye ti yaka ti ala. Me ala girisa taa ye so Nzapa aye: dutingo mbirimbiri na azo nga na yengo Nzapa. Baa, ye so ala lingbi fade ti sara laa, me ala girisa nga tanga ni pepe.

1 Korente 11:17

Tënë so mbi ye ti tene fadeso na ala, mbi yeke gonda ala pepe. Bongbingo tere ti ala ayeke sara nzoni na ala pepe, me ayeke sara sioni mingi na ala.

Efeze 4:30

Ala mu vundu na Yingo-Vuru pepe. Yingo-Vuru ayeke tongana nzoroko so Nzapa azia na tere ti ala ti fa so ala yeke ti lo. Na lege ti Yingo-Vuru, Nzapa akiri afa so mbeni lâ, fade lo yeke zi ala na ya ti siokpari biani biani.

Filipe 1:15

Mbi hinga so ambeni zo ayeke fa tënë ti Christ gi na kota be wala ti gi na yanga ti mbi; me ambeni ayeke fa tënë ni na nzoni be.