Ésaïe 1:11 - Mbeti ti Nzapa - Tënë so amu fini

¹¹ KOTA GBIA atene: “Gba ti *asandaga ti ala so, mbi yeke sara na ni nyen? Akoli-taba so ala mu na sandaga so a yeke gbi ni kue na wâ nga na mafuta ti akete bagara afun sen awe. Mene ti akoli-bagara, ti ataba na ti akoli-ngasa anzere na be ti mbi oko pepe.

Ésaïe 1:11 ပူးပေါင်းရင်းမြစ်များ

Abia (Psaumes) 40:6

KOTA GBIA, Nzapa ti mbi, mo sara akota ye na aye ti kpene mingi ndali ti e! Mbeni zo ti lingbi na mo ayeke daa pepe. Mbi ye ti tene tënë ni na azo, mbi ye ti fa tënë ni na ala; me atënë ni ayeke gbani, mbi lingbi ti tene ni kue pepe.

Abia (Psaumes) 50:8

Asandaga so ala yeke mu na mbi so, ndali ni laa mbi bi tënë na li ti ala pepe; asandaga so a yeke gbi ni kue na wâ so, ala ngba ti mu ni lakue na mbi.

Abia (Psaumes) 51:16

O Nzapa, wasongo mbi, zi ngbanga ti mene na li ti mbi; ngbanga ti mene so mbi tuku so. Fade mbi yeke he bia na ngia ti fa ye ti mbirimbiri so mo sara na mbi.

Amato 15:8

Be ti KOTA GBIA ake mingi *sandaga ti azo ti sioni; me be ti lo anzere na sambela ti azo ti mbirimbiri.

Amato 21:27

Sandaga ti azo ti sioni ayeke ye ti sioni mingi. Sandaga so ayeke sioni ahon ndoni ayeke ti so ala mu na sioni be.

Amato 21:3

Sarango ye ti mbirimbiri na sarango ye na legeni anzere na KOTA GBIA ahon mungo *sandaga.

Ésaïe 58:2

Na lango oko oko, ala yeke gi mbi, ala ye ti hinga lege ti mbi. Ala kpa azo so ayeke sara ye alingbi na ndia, azo so ado ndia ti Nzapa ti ala azia pepe. Ala yeke hunda na mbi ti fâ ngbanga mbirimbiri, ala ye titene mbi duti nduru na ala.

Ésaïe 66:3

Zo ayeke fâ bagara ti mu na *sandaga, me na mbage, lo yeke fâ zo; lo yeke fâ go ti taba, me na mbage, lo yeke mu mbo na sandaga; lo yeke mu sandaga ti farini, me na mbage, lo yeke mu mene ti nguru; lo yeke zö dukani na mbi, me na mbage, lo yeke voro ayanda. Azo so kue asoro lege ti ala wani, be ti ala anzere na afungo ye ti ala ni so.

Jérémie 6:20

Dukani so ala mu kâ na Saba a ga na ni na mbi so, nyen laa mbi yeke sara na ni, nyen? Pere ti sarango na yombo so afun nzoni si ala mu kâ na mbeni kodro yongoro aga na ni na mbi so, nyen laa mbi yeke sara na ni, nyen? Be ti mbi ake tënë ti asandaga ti ala so a yeke gbi ni kue na wâ; asandaga ti anyama ti ala anzere na mbi pepe.

Jérémie 7:21

Tënë so KOTA GBIA so ayeke na ndö ti dunia kue, Nzapa ti Israel atene ayeke so: “Ala mu anyama ti *sandaga ti ala so a yeke gbi ni kue na wâ so, ala bongbi ni na tanga ti asandaga so ala yeke mu ka na mbi so, ala wani ate ni ma!

Osée 6:6

Biani, ye so anzere na be ti mbi ayeke yengo mbi, me mbi ke tënë ti *sandaga ti anyama. Mbi ye hingango Nzapa ahon sandaga so a yeke gbi ni kue na wâ.”

Osée 8:13

Ala yeke fâ anyama ti mu na *sandaga, ngbanga ti so ala ye ti te kasa ti anyama ni; me sandaga ni azia ngia na be ti KOTA GBIA pepe. Fadeso, KOTA GBIA adabe ti lo na sioni ti ala si lo yeke ga ti kiri na ala peko ti sioni ndali ti asiokpari ti ala. Fade ala yeke kiri na Ezipte.

Amos 4:5

Mapa ti ala so mama ni ayeke daa so, ala zö ni na ndö ti gbalaka ti mu na sandaga ti mungo singila ma. Aye so ala ga na ni ti mu na mbi na be ti ala wani so, ala dekongo na tënë ni si azo kue ama; ye so ala, azo ti Israel aye laa”; so tënë ti yanga ti Kota Gbia NZAPA laa.

Amos 5:21

*KOTA GBIA atene: “Amatanga ti ala so ala yeke sara so, mbi ke ni, mbi ye ti baa ni mbeni pepe; abongbi ti ala, mbi lingbi ti kanga be ti mbi na ni mbeni pepe.

Amos 5:22

Asandaga ti anyama so a yeke gbi ni kue na wâ na ale ti kobe ti ala so ala ya na mbi na *sandaga so, be ti mbi anzere na ni oko pepe. Anyama ti mafuta so ala mu na sandaga ti beoko so, mbi ye ti baa na le ti mbi oko pepe.

Mishe 6:7

Akoli-taba gbani gbani laa KOTA GBIA ayeke ye tënë ni? Gba ti mafuta so ayeke sua tongana kota ngu? Fade mbi mu kozo molenge ti mbi na sandaga ndali ti sarango ye ti kirikiri ti mbi? Mbi mu molenge ti ya ti mbi wani ndali ti siokpari ti mbi?”

Aggée 2:14

Aggée akiri tënë: “So tënë ti yanga ti KOTA GBIA laa: ‘Azo ti kodro so ayeke gi tongaso. Mara so ayeke gi tongaso na le ti mbi. Aye ti maboko ti ala kue ayeke gi tongaso; aye so ala yeke mu na mbi na sandaga aga *sioni awe.’ ”

Zakarii 7:5

Mo tene na azo ti kodro ni kue nga na awayango-sandaga, mo tene: “Asara laso ngu balembarambara awe so ala yeke ke kobe si ala yeke toto na nze oku ni nga na nze mbarambara ni; ala sara aye ni so ndali ti mbi?

Malashii 1:10

Tongana mbeni zo na popo ti ala alondo fade akanga ayanga ti kota da ti mbi titene ala ngba ti tingo wâ na ndö ti gbalaka ti mbi senge senge pepe, ka ayeke nzoni mingi! Biani, be ti mbi anzere na ala pepe. Tënë so KOTA GBIA so ayeke na ndö ti dunia kue atene laa. Aye ti ala so ala yeke ga na ni na mbi na sandaga so, anzere na be ti mbi pepe.

Wungo ti azo 7:45

Lo mu koli-bagara oko, koli-taba oko, kete taba oko ti ngu oko ndali ti sandaga so a yeke gbi ni kue na wâ.

Matthieu 22:4

Lo kiri lo tokua ambeni zo ti kua ti tene na azo ni, atene: ‘Mbi leke aye ti matanga ni awe, mbi fâ abagara ti mafuta, mbi leke ye kue awe. Ala ga na matanga ni fadeso!’

Matthieu 9:13

Ala gue, agi ti hinga nda ti tënë so atene: ‘Mbi ye si zo abaa mawa ti amba ti lo, me mbi ke tënë ti *sandaga ti anyama.’ Mbi ga ti iri azo ti mbirimbiri pepe, me mbi ga ti iri azo ti siokpari.”

1 Samuel 15:22

Samuel akiri atene: “Asandaga so a yeke gbi ni kue na wâ nga na ambeni sandaga anzere na be ti KOTA GBIA ahon mango yanga ti lo? Mango yanga ayeke nzoni mingi ahon asandaga; mango tënë ayeke nga nzoni mingi ahon anyama ti mafuta.