Ésaïe 1:10 - Mbeti ti Nzapa - Tënë so amu fini

¹⁰ Ala amakonzi so akpa ala ti Sodome, ala ma tënë ti *KOTA GBIA si! Ala azo so akpa azo ti Gomore, ala dingi mê ti ala, ala ma tënë ti Nzapa ti e.

Ésaïe 1:10 ပူးပေါင်းရင်းမြစ်များ

Tongo nda ti aye 13:13

Azo ti Sodome ayeke azo ti kirikiri mingi, ala sara siokpari mingi so ake KOTA GBIA.

Ésaïe 28:14

Ala so ayeke he azo si ala yeke sara komandema na ndö ti azo ti Jérusalem so, ala ma tënë ti *KOTA GBIA si!

Ésaïe 3:9

Ala yeke mu mbage ti ambeni zo, so laa ayeke bi tënë na li ti ala; ala yeke sara asiokpari gi polele tongana ti azo ti Sodome, ala yeke sara ni na hondengo ni pepe. So mawa na ala! Ala wani ayeke leke ye ti mawa ndali ti ala.

Ésaïe 30:9

Biani, azo so ayeke azo ti ngangu li, ala yeke amolenge ti handango zo, ye so KOTA GBIA afa na ala, ala ye ti ma pepe.

Ésaïe 33:22

Biani, KOTA GBIA ayeke fâ ngbanga na popo ti e, lo laa lo yeke fa na e ndia. KOTA GBIA ayeke gbia ti e, lo laa lo yeke soo e.

Ésaïe 8:20

fade ala yeke kiri tënë na ala, atene: “E yeke kiri gi na ndö ti wango ti KOTA GBIA na tënë so lo tene.” Zo so atene tënë tongaso pepe, fade lo yeke baa lumiere ti ndaperere pepe.

Jérémie 23:14

Me na popo ti awayanga-Nzapa ti Jérusalem, mbi baa kota ye ti buba: ala yeke lango na awali kirikiri, tenengo mvene aga ye ti tere ti ala, ala yeke mu maboko na azo ti sarango sioni. Tongaso, zo oko ti zia sioni ti lo ayeke daa pepe. Na le ti mbi, awayanga-Nzapa ni kue aga tongana azo ti Sodome; azo ti Jérusalem aga tongana azo ti Gomore.”

Ezekiel 13:2

“*Molenge ti zo, tene peko ti tënë ti yanga ti mbi na tere ti awayanga-nzapa ti Israel, ala so ayeke tene peko ti tënë so alondo na be ti ala wani so. Mo tene na ala ti ma tënë ti mbi.

Ezekiel 16:35

“Mo Jérusalem, wali-ndumba, mo ma tënë ti KOTA GBIA si.

Ezekiel 16:46

Yaya ti mo ti wali so ayeke na Banga ayeke Samarii, lo na agbata so ayeke nduru na lo. Ngambe ti mo ti wali so ayeke na Mbongo ayeke Sodome, lo na agbata so ayeke nduru na lo.

Ezekiel 16:49

Baa, asioni ti ita ti mo Sodome na agbata so ayeke nduru na lo ayeke so: ala yeke agbata ti baba, ala yeke te ye ahon ndoni, ala duti kpoo, mbeni ye ti so be ti ala ayeke daa pepe; ala mu maboko na awayere pepe nga na azo ti mawa.

Amos 3:1

Ala azo ti Israel, ala azo ti sewa so *KOTA GBIA asara si ala sigigi na Ezipte, ala ma tënë so lo tene na tere ti ala, lo tene:

Amos 3:8

Bamara ayeke toto, zo wa laa alingbi ti sara mbeto pepe, zo wa? Kota Gbia NZAPA ayeke tene tënë, zo wa laa alingbi ti ke ti tene peko ti tënë ti yanga ti lo, zo wa?

Amos 9:7

So tënë ti yanga ti *KOTA GBIA laa: “Ala azo ti Israel, na le ti mbi, ala ne ahon azo ti Etiopii? Mbi mu ala na sese ti Ezipte, mbi sigigi na ala, mbi mu nga azo ti Filistii na ti Kaftor, mbi sigigi na ala si mbi mu nga azo ti Sirii na ti Kir, mbi sigigi na ala. Tënë ni ayeke tongaso pepe?”

Mishe 3:1

Nilaa mbi tene: “Ala amakonzi ti *ahale ti Jacob, ala azo so ayeke na li ti azo ti Israel, ala ma si! Ala laa alingbi fade ti hinga fango ngbanga na lege ti ndia pepe?

Rome 9:29

Ésaïe atene nga ando, atene: “Tongana Kota Gbia Nzapa, lo so lo yeke na ndö ti dunia kue, lo mu fade *ahale na e pepe, ka ti e ahunzi awe tongana ti azo ti Sodome na ti Gomore.”

Ndia ti fani use ni 32:32

Ti awato ni, ala yeke nzoni ala hon azo ti Gomore na ti Sodome pepe, ala kpa keke ti *vinye so ayeke le ale ti vinye so asee sengo si sioni yoro ti fango zo ayeke daa.

Aye so Nzapa afa 11:8

Fade kuâ ti ala ayeke ngba na ndö ti kota balabala ti ya ti kota gbata ni, gbata so azo afâ Kota Gbia ti ala na ndö ti keke ti kroa daa so. Azo airi kota gbata ni na lege ti *mato atene, “Sodome” wala “Ezipte.”