Ésaïe 1:1 - Mbeti ti Nzapa - Tënë so amu fini

¹ So ayeke tënë ti aye so Ésaïe, molenge ti Amoz abaa na ya ti mbeni ye tongana bango-li: aye ni ayeke na ndö ti kodro ti Juda nga na ndö ti gbata ti Jérusalem. Lo baa ni na ngoi so Ozias, Yotam, Ahaz na Ezekias ayeke agbia ti Juda.

Ésaïe 1:1 ပူးပေါင်းရင်းမြစ်များ

2 Agbia 15:1

Na ngu baleuse na mbarambara ni so Yeroboam ayeke gbia ti Israel laa Azaria, molenge ti Amasia aga gbia ti Juda.

2 Agbia 15:13

Na ngu baleota na gumbaya ni so Azaria ayeke gbia ti Juda laa Shalum, molenge ti Yabesh aga gbia. Lo le-gbia nze oko na Samarii.

2 Agbia 15:32

Na ngu use ni so Peka, molenge ti Remalia ayeke gbia ti Israel laa Yotam, molenge ti Azaria, gbia ti Juda, aga gbia.

2 Agbia 15:7

Azaria akui, lo hon na peko ti ababâ ti lo si a lu lo na tere ti ababâ ti lo na Gbata ti David. Molenge ti lo Yotam laa aga gbia na peko ti lo.

2 Agbia 18:1

Na ngu ota ni so Osée, molenge ti Ela ayeke gbia ti Israel laa Ezekias, molenge ti Ahaz aga gbia ti Juda.

2 Agbia 19:2

Na pekoni, lo tokua Eliakim, makonzi ti yangbo ti gbia, lo na wakuasu Shebna nga na ambakoro awayango-sandaga na ndo ti wayanga-Nzapa Ésaïe, molenge ti Amoz. Ala kue ayu bongo ti mua.

2 Mbai 26:1

Ozias ayeke na ngu baleoko na omene si azo ti Juda kue amu lo gbia na peko ti babâ ti lo Amasia.

2 Mbai 26:22

Tanga ti atënë na ndö ti Ozias, na tongo nda ngbii asi na ndani, wayanga-Nzapa Ésaïe, molenge ti Amoz laa asu ni na mbeti.

2 Mbai 27:1

Yotam ayeke na ngu baleuse na oku si lo ga gbia; lo le-gbia ngu baleoko na omene na Jérusalem. Iri ti mama ti lo ayeke Yerusha, molenge ti Sadok.

2 Mbai 28:1

Ahaz ayeke na ngu baleuse si lo ga gbia; lo le-gbia ngu baleoko na omene na Jérusalem. Lo sara ye so ayeke mbirimbiri pepe na le ti *KOTA GBIA; lo sara ye tongana ti kotara ti lo David pepe.

2 Mbai 29:33

Ala kiri amu akoli-bagara ngbangbo omene, ataba na angasa saki ota ndali ti ambeni sandaga.

Abia (Psaumes) 89:19

KOTA GBIA, zo ti batango e alondo na mo, gbia ti e alondo na Nzapa ti Israel, lo so lo yeke nde si lo yeke nzoni kue.

Ésaïe 13:1

Nengo tënë na ndö ti Babilone; ye so Ésaïe, molenge ti Amoz abaa na ya ti mbeni ye tongana bango-li.

Ésaïe 2:1

So ayeke tënë ti aye so Ésaïe, molenge ti Amoz abaa na ya ti mbeni ye tongana bango-li: aye ni ayeke na ndö ti kodro ti Juda nga na ndö ti gbata ti Jérusalem.

Ésaïe 20:2

Ngu ota kozoni, *KOTA GBIA atene tënë na azo na lege ti Ésaïe, molenge ti Amoz, lo tene: “Gue mo zi bongo ti mua so mo kanga na ngbonda ti mo, mo zi nga poro na gere ti mo.” Ésaïe asara ye ni si lo tambula tere ti lo senge, gere ti lo senge.

Ésaïe 21:2

Na ya ti mbeni ye tongana bango-li, mbi baa mbeni ye so ayeke sioni mingi: zo so lani ayeke na ya ti *mbuki, lo ga zo ti kango azo, zo ti bubango ye ayeke sara kua ti lo. *KOTA GBIA atene: “Azo ti Elam, ala londo na bira ma! Azo ti Medii, ala ngoro gbata ni na bira! Mbi yeke sara titene dema kue akai.”

Ésaïe 37:2

Na pekoni, lo tokua Eliakim, makonzi ti yangbo ti gbia, lo na wakuasu Shebna nga na ambakoro wayango-sandaga na ndo ti wayanga-Nzapa Ésaïe, molenge ti Amoz. Ala kue ayu bongo ti mua.

Ésaïe 38:1

Na ngoi ni so, tere ti Ezekias aso nduru na kuâ. Wayanga-Nzapa Ésaïe, molenge ti Amoz aga abaa lo si atene na lo: “Tënë so *KOTA GBIA atene ayeke so: Mo leke tënë ti aye ti da ti mo biani, ngbanga ti so mo yeke kui, mo yeke ngba na fini pepe.”

Ésaïe 40:9

Mo gbata ti *Sion, mo so mo yeke ga na nzoni tënë, mo ma na li ti kota hoto. Mo Jérusalem, mo so mo yeke ga na nzoni tënë, mo yo go ti mo na nduzu na ngangu ti mo kue. Mo yo go ti mo na nduzu, sara mbeto pepe. Tene na agbata ti Juda: “Baa, Nzapa ti ala laa!

Ésaïe 6:1

Na ngu so gbia Ozias akui, mbi baa Kota Gbia aduti na ndö ti mbata ti gbia so ayo na nduzu mingi. Yanga ti yongoro bongo ti lo asi ya ti kota da ti Nzapa kue.

Ésaïe 7:1

Na ngoi so Ahaz, molenge ti Yotam, molenge ti Ozias ayeke gbia ti Juda, Resen, gbia ti Sirii na Peka, molenge ti Remalia, gbia ti Israel, alondo ti gue ti tiri bira na azo ti Jérusalem. Me ala wara lege ti mu gbata ni pepe.

Jérémie 23:16

Tënë so *KOTA GBIA so ayeke na ndö ti dunia kue atene ayeke so: “Atënë so awayanga-Nzapa ni ayeke tene na ala na iri ti mbi so, ala ma ni pepe, ala yeke handa ala handango. Atënë so awayanga-Nzapa ni ayeke fa na ala so, atënë ni alondo na li ti ala wani, alondo na yanga ti mbi, KOTA GBIA pepe.

Ezekiel 1:1

Na lango oku ti nze osio ti ngu baleota ni, mbi yeke na tere ti *bale ti Kebar na popo ti azuife so a gbu ala si a gue na ala na kodro wande. Yayu azi si na ya ti ambeni ye tongana bango-li, Nzapa afa na mbi ambeni ye.

Osée 1:1

Tënë ti *KOTA GBIA asi na Osée, molenge ti Beeri na ngoi so Ozias, Yotam, Ahaz na Ezekias ayeke agbia ti Juda. Gi na oko ngoi so Yeroboam, molenge ti Yoas ayeke gbia ti Israel.

Amos 1:1

So ayeke atënë ti Amos, mbeni wabatango-taba ti kete kodro ti Tekoa. Na ya ti mbeni ye tongana bango-li, lo baa ye na ndö ti Israel na ngoi so Ozias ayeke gbia ti Juda si Yeroboam, molenge ti Yoas, ayeke gbia ti Israel. Ye ni asi ngu use kozoni si sese ayingi.

Amos 4:5

Mapa ti ala so mama ni ayeke daa so, ala zö ni na ndö ti gbalaka ti mu na sandaga ti mungo singila ma. Aye so ala ga na ni ti mu na mbi na be ti ala wani so, ala dekongo na tënë ni si azo kue ama; ye so ala, azo ti Israel aye laa”; so tënë ti yanga ti Kota Gbia NZAPA laa.

Mishe 1:1

So ayeke tënë ti *KOTA GBIA so asi na Mishe, zo ti kodro ti Moreshet, na ngoi ti agbia Yotam, Ahaz nga na Ezekias, agbia ti Juda. Mishe abaa ye ni na ya ti mbeni ye tongana bango-li na ndö ti agbata ti Samarii na ti Jérusalem.

Nahum 1:1

So ayeke nengo tënë ti wayanga-Nzapa na ndö ti kodro ti Ninive. So ayeke buku ti aye so asi na le ti Nahum, zo ti kodro ti Elkosh si lo baa ni na ya ti mbeni ye tongana bango-li.

Habakuk 2:2

*KOTA GBIA akiri tënë na mbi, atene: “Ye so mo baa na ya ti mbeni ye tongana bango-li so, mo su ni na mbeti, mo kpaka gere ti mbeti ni nzoni na le ti atêne si azo adiko ni nzoni.

Wungo ti azo 12:6

Lo tene na ala: “Ala ma tënë ti mbi nzoni. Tongana mbeni wayanga-Nzapa ayeke na popo ti ala, mbi KOTA GBIA, mbi sara si lo hinga, mbi na lege ti mbeni ye tongana bango-li; mbi tene tënë na lo na ya ti bango-li.

Wungo ti azo 24:16

Baa tënë so mbi ye ti tene laa, mbi, zo so ama tënë ti Nzapa, zo so ahinga ndara ti Nzapa so ayeke na yayu kâ na ndö ti aye kue, zo so abaa ye so lo so ngangu ti lo ahon angangu kue afa na ya ti mbeni ye tongana bango-li; mbi, zo so ati na sese si le ti lo azi.

Wungo ti azo 24:4

Baa, tënë so mbi ye ti tene laa, mbi, zo so ama tënë ti Nzapa, zo so abaa ye so lo so ngangu ti lo ahon angangu kue afa na ya ti mbeni ye tongana bango-li; mbi, zo so ati na sese si le ti lo azi.

Matthieu 17:9

So ala londo na li ti hoto ni si ala yeke zu, Jésus amu yanga na ala, atene: “Ala tene tënë ti ye so ala baa so na zo oko pepe; ala ku ngbii na ngoi so *Molenge ti Zo ayeke zingo ande na kuâ.”

Awatokua 10:17

Pierre ayeke gi li ti lo na ndö ti ye so asi na lo na ya ti mbeni ye tongana bango-li so. Gi na ndembe ni so, azo so Corneille atokua ala so ahunda da ti Simon si ala yeke luti na yanga ti da ni.

Awatokua 26:19

“Ndani laa, gbia Agripa, ye so alondo na yayu si asi na mbi na ya ti mbeni ye tongana bango-li so, mbi ke ti sara ye ti peko ni pepe.

2 Korente 12:1

Alingbi mbi gonda tere ti mbi, ataa so zo alingbi ti wara ye daa pepe. Me mbi ye ti tene tënë ti aye so *Kota Gbia afa na mbi na ya ti mbeni ye tongana bango-li si lo sara titene mbi hinga ni.

2 Pierre 1:21

Biani, zo alondo na be ti lo wani ti tene peko ti tënë ti yanga ti Nzapa pepe, me Yingo-Vuru laa ayeke fa lege na azo titene ala tene tënë na iri ti Nzapa.