Efeze 6:5 - Mbeti ti Nzapa - Tënë so amu fini

⁵ Angbaa, ala ma yanga ti awa ti ala ti ndö ti sese so tongana ti so ala yeke ma yanga ti Christ so. Ala kpe awa ti ala, ala sara mbeto ti awa ti ala si ala sara kua ti awa ti ala ni na be ti ala oko.

Efeze 6:5 ပူးပေါင်းရင်းမြစ်များ

Tongo nda ti aye 16:9

Ange ti KOTA GBIA atene na lo: “Kiri na tere ti wa ti mo, mo sara tere ti mo kete na gbe ti lo.

1 Mbai 29:17

Nzapa ti mbi, mbi hinga so mo laa mo yeke baa ya ti be ti zo si mo yeda na ye so ayeke mbirimbiri. Ti mbi, na be so ayeke mbirimbiri laa mbi mu aye so kue na mo na be ti mbi wani. Fadeso, mbi yeke na ngia ti baa azo ti mo so abongbi ge ti mu ye na mo na be ti ala wani.

Abia (Psaumes) 123:2

*KOTA GBIA, Nzapa ti e, le ti e kue ayeke gi na mbage ti mo, tongana ti so le ti angbaa ayeke baa gi maboko ti awa ti ala so, wala tongana ti so ngbaa-wali ayeke baa gi maboko ti wa ti lo so. KOTA GBIA, e yeke baa ndo na mbage ti mo, ngbii mo baa mawa ti e si.

Abia (Psaumes) 86:11

KOTA GBIA, fa na mbi lege ti mo si fade mbi sara ye alingbi na taa-tënë ti mo. Sara si be ti mbi aduti oko si mbi kpe mbeto ti mo.

Malashii 1:6

Tënë so KOTA GBIA so ayeke na ndö ti dunia kue atene na ala, awayango-sandaga ayeke so: “Molenge-koli ayeke ne babâ ti lo, zo ti kua ayeke ne makonzi ti lo. Tongana mbi yeke Babâ ti ala, nengo mbi ni ayeke na ndo wa? Tongana mbi yeke Makonzi ti ala, kpengo mbeto ti mbi ni ayeke na ndo wa? Ti ala awayango-sandaga, ala yeke baa mbi tongana mbumbuse zo. Ala hunda mbi, atene: ‘E baa mo tongana mbumbuse zo tongana nyen?’

Matthieu 6:22

“Le ti zo ayeke tongana lamba ti tere ti lo. Tongaso, tongana le ti mo ayeke nzoni, tere ti mo kue ayeke na ya ti vurungo ndo.

Matthieu 6:24

“Zo oko alingbi ti sara kua na amakonzi use pepe, ngbanga ti so fade lo yeke ke mbeni oko si lo yeke ye mbeni; lo yeke ma yanga ti mbeni oko si lo yeke baa mbeni na le ti lo tongana senge zo. Ala lingbi ti sara kua na Nzapa nga na nginza legeoko pepe.”

Matthieu 8:9

Mbi wani, mbi yeke na gbe ti ambeni makonzi so kamba ti ala ahon ti mbi; mbi yeke nga na aturugu na gbe ti mbi. Tongana mbi tene na mbeni oko, mbi tene: ‘Gue kâ!’, lo yeke gue. Tongana mbi tene na mbeni, mbi tene: ‘Ga na ndo so!’, lo yeke ga. Tongana mbi tene na zo ti kua ti mbi, mbi tene: ‘Sara ye so!’, lo yeke sara ni.”

Awatokua 2:46

Na ya ti lango oko oko, na beoko, ala yeke bongbi na ya ti kota da ti Nzapa, ala yeke te kobe na ndo oko na ya ti ada ti ala, ala yeke te ni na ngia na nzoni be.

Rome 9:3

Ti be ti mbi, mbi ye fade titene Nzapa adeba mbi si mbi wani, mbi kangbi na Christ ndali ti a-ita ti mbi so ayeke azo ti mara ti mbi.

1 Korente 2:3

Ndani laa, so lani mbi yeke na popo ti ala, ngangu atia mbi, mbeto asara mbi si tere ti mbi ado mingi.

1 Korente 7:22

Biani, zo so ayeke ngbaa si Kota Gbia airi lo, andaa Kota Gbia azi lo na gbe ti ngbaa ni awe. Zo so ayeke ngbaa pepe si Kota Gbia airi lo, lo ga ngbaa ti Christ awe.

2 Korente 1:12

Ye so e yeke gonda tere ti e daa ayeke so: be ti e afa na e atene, dutingo ti e na dunia so, e duti na vuru be nga na be so sioni oko ayeke daa pepe. E duti tongaso mbirimbiri na mbage ti ala na lege ti ndara ti azo pepe, me na lege ti nzoni be ti Nzapa.

2 Korente 7:15

Tongana lo kiri lo dabe ti lo na lege so ala ma yanga ti lo si ala yamba lo na mbeto na be ti ala nga na dongo tere, be ti lo akiri aye ala mingi.

Efeze 5:22

Awali, ala ma yanga ti akoli ti ala tongana ti so ala yeke ma yanga ti *Kota Gbia,

Efeze 6:24

Ayeke nzoni Nzapa asara nzoni be na azo so kue aye Kota Gbia ti e Jésus Christ si ala ngba lakue ti ye lo!

Filipe 2:12

Tongaso, a-ita ti mbi so mbi ye ala mingi, ala so ayeke ma yanga ti Nzapa lakue so, ayeke nzoni ala ma yanga ti lo gi ndali ti le ti mbi pepe. Me so mbi yeke na tere ti ala pepe, fadeso ayeke kota ye mingi titene ala ngba ti ma yanga ti lo. Ala sara kua na mbeto, na dongo tere si ala soo kuâ.

Philémon 1:16

Ti fadeso, lo yeke gi ngbaa pepe, me lo hon ngbaa awe; lo yeke ita so e ye lo mingi. Mbi ye lo ahon ndoni, mo nga, fade mo yeke ye lo ahon ndoni, ngbanga ti so lo yeke mba ti mo zo si lo yeke nga mba ti mo, zo ti *Kota Gbia.

Josué 24:14

Josué akiri atene: “Fadeso, ala kpe mbeto ti KOTA GBIA, ala sara kua na lo na legeni nga na be ti ala kue! Anzapa so akotara ti ala asara ando kua na ala na mbage ti ngu ti Efrate nga na ti Ezipte so, ala zi anzapa ni yamba si ala sara kua gi na KOTA GBIA.

1 Pierre 3:2

akoli ni ayeke baa gi sarango ye ti ala so ayeke *nzoni nga na nengo so ala, awali ni ayeke ne tere ti ala.