Efeze 6:4 - Mbeti ti Nzapa - Tënë so amu fini

⁴ Ala ababâ na amama, ala sara ye ti zia ngonzo na be ti amolenge ti ala pepe. Me ala bata amolenge ni nzoni, ala fa lege na ala si ala mu na ala wango so alingbi na tënë ti *Kota Gbia.

Efeze 6:4 ပူးပေါင်းရင်းမြစ်များ

Tongo nda ti aye 18:19

Mbi soro lo titene lo mu yanga na amolenge ti lo, na *ahale ti lo so kue ayeke ga na peko ti lo titene ala ma yanga ti KOTA GBIA; ala sara ye so ayeke mbirimbiri, na ye so ayeke na legeni. Tongaso si mbi KOTA GBIA, mbi yeke sara ande na Abraham aye so kue mbi tene tënë ti sarango ni ndali ti lo.”

1 Mbai 28:20

Na pekoni, David atene na molenge ti lo Salomon: “Gbu ngangu, sara ye ti koli, mo sara ye! Zia mbeto asara mo pepe, zia mbeto ahon ndö ti mo pepe! Fade KOTA GBIA, Nzapa ti mbi ayeke na mo, lo yeke girisa mo pepe, lo yeke zia mo pepe, ngbii kua ti kota da ti KOTA GBIA ahunzi.

1 Mbai 29:19

Mu na molenge ti mbi Salomon be so ayeke use use pepe si lo bata atënë ti ndia ti mo, aye so mo fa nga na ambela ti mo. Tongaso si lo sara ye alingbi na ni kue, lo sara yangbo ti mo so mbi leke aye so kue ndali ni.”

Amato 19:18

So ngoi angba titene mo mu maboko na molenge ti mo, ayeke nzoni mo pika lo na zaza. Me ngonzo ague na mo ngbii titene mo fâ lo pepe.

Amato 22:15

Kua ti amolenge ayeke sarango aye ti buba. Me tongana a pika ngbonda ti ala, fade ala yeke zia lege ni.

Amato 22:6

Na ngoi so molenge angba kete, mo fa nzoni lege na lo; ataa lo ga mbakoro, fade lo yeke zia lege ni pepe.

Amato 29:15

Pikango molenge na sukungo na lo asara si lo duti na ndara; me molenge so azia lo gi senge tongaso, lo yeke zia kamene na le ti mama ti lo.

Amato 29:17

Mo pika molenge ti mo na zaza si fade mo wara lege ti duti kpoo; lo yeke sara ande titene be ti mo asi singo na ngia.

Ésaïe 38:19

Me gi azo so ayeke na fini laa alingbi ti gonda mo, tongana mbi laso. Ababâ ayeke sara si amolenge ti ala ahinga so mo yeke bata tënë ti yanga ti mo.

Efeze 6:3

“Tongaso, fade mo yeke duti nzoni si gigi ti mo ayo na ndö ti sese so.”

Ndia ti fani use ni 4:9

Moïse atene: Ye oko, alingbi ala azo ti Israel, ala sara hange, le ti ala akpengba! Ye so ala wani abaa na le ti ala, alingbi be ti ala agirisa na ni pepe. Ala bata ni na be ti ala na lango ti fini ti ala kue; ala fa tënë ni na amolenge ti ala nga na amolenge ti amolenge ti ala.

Ndia ti fani use ni 6:7

Mo yeke fa ni na amolenge ti mo; mo yeke tene tënë ni na ndembe so mo duti na da ti mo nga na ndembe so mo yeke tambula na lege, na ndembe so mo gue ti lango nga na ndembe so mo zingo na lango.

Kolose 3:21

Ababâ, ala sara ye ti songo be na amolenge ti ala pepe, ngbanga ti be ti amolenge ni awoko.

2 Timothée 1:5

Mbi dabe ti mbi na taa mabe so mo yeke na ni. Gi mabe so Lois, ata ti mo ti wali, lo na Enis, mama ti mo ayeke na ni kozoni laa. Mbi hinga so gi mabe ni so laa mo yeke na ni.

2 Timothée 3:15

Ti londo na ndembe so mo de kete molenge ngbii asi fadeso, mo hinga Mbeti ti Nzapa; mbeti ni alingbi ti mu na mo ndara. Ndara ni ayeke fa na mo lege titene mo soo kuâ na lege so mo ma na be na Jésus Christ.

Josué 24:15

Tongana sarango kua ti KOTA GBIA anzere na ala pepe, ala soro laso anzapa so ala ye ti sara kua na ala: wala ala ye ti voro anzapa so akotara ti ala avoro ala ando na mbage ti ngu ti Efrate, wala ala ye ti voro anzapa ti mara ti Amori so ala ayeke na popo ti ala. Me ti mbi na azo ti da ti mbi, fade e yeke sara kua na KOTA GBIA.”

Awafango-ngbanga 13:12

Manoa atene na lo: “Tongana tënë so mo tene so asi, nyen laa e lingbi ti sara ndali ti molenge ni, nyen? Ndia ti nyen laa e lingbi ti bata ndali ti lo?”