Efeze 6:2 - Mbeti ti Nzapa - Tënë so amu fini

² “Alingbi mo ne babâ na mama ti mo”; kozo tënë ti ndia so zendo ayeke daa laa.

Efeze 6:2 ပူးပေါင်းရင်းမြစ်များ

Sigingo 20:12

“Alingbi mo ne babâ ti mo na mama ti mo, tongaso si gigi ti mo ayo na ndö ti sese so mbi KOTA GBIA Nzapa ti mo, mbi mu na mo.

Amato 20:20

Zo so adeba babâ na mama ti lo, fini ti lo akpa lamba so amingo na bi.

Jérémie 35:18

Na pekoni, Jérémie atene na azo ti kete mara ti Rekab, atene: “Tënë so KOTA GBIA so ayeke na ndö ti dunia kue, Nzapa ti Israel atene ayeke so: Ala ma yanga ti kotara ti ala Yonadab, ala sara ye alingbi na ni; ala sara ye so kue lo mu yanga na ala ti sarango ni.

Jérémie 35:7

Ala yeke sara ada pepe, ala yeke lu ale ti kobe pepe, ala yeke fâ yaka ti *vinye pepe, ala yeke mu yaka ti vinye pepe ti ga ti ala. Me fade ala yeke lango na ya ti ada ti bongo na lango ti fini ti ala kue; tongaso si fade ala yeke lango aninga na ndö ti sese so ala yeke duti daa.’

Ezekiel 22:7

Na ndo ti mo, azo ayeke ne babâ na mama ti ala pepe, ala yeke sara ngangu na awande, ala yeke sara ngangu na awali-mua nga na anyindu.

Malashii 1:6

Tënë so KOTA GBIA so ayeke na ndö ti dunia kue atene na ala, awayango-sandaga ayeke so: “Molenge-koli ayeke ne babâ ti lo, zo ti kua ayeke ne makonzi ti lo. Tongana mbi yeke Babâ ti ala, nengo mbi ni ayeke na ndo wa? Tongana mbi yeke Makonzi ti ala, kpengo mbeto ti mbi ni ayeke na ndo wa? Ti ala awayango-sandaga, ala yeke baa mbi tongana mbumbuse zo. Ala hunda mbi, atene: ‘E baa mo tongana mbumbuse zo tongana nyen?’

Rome 13:7

Ala futa na zo oko oko ye so alingbi ala futa na lo: ala futa lapo na azo ti rongo nginza ti lapo, ala futa nga lapo ti ndö ti aye nde nde na azo so alingbi ala futa ni na ala. Ala kpe mbeto ti zo so alingbi ala kpe mbeto ti lo, ala ne zo so alingbi ala ne lo.

Efeze 6:3

“Tongaso, fade mo yeke duti nzoni si gigi ti mo ayo na ndö ti sese so.”

Ndia ti fani use ni 27:16

‘Deba aga na ndö ti zo so abaa babâ na mama ti lo tongana ambumbuse zo!’ Fade azo kue ayeke kiri tënë, atene: ‘Amen!’

Ndia ti fani use ni 5:16

“Alingbi mo ne babâ na mama ti mo, tongana ti so mbi KOTA GBIA, mbi mu yanga na mo. Tongaso si gigi ti mo ague, ayo si mo yeke duti nzoni na sese so mbi KOTA GBIA Nzapa ti mo, mbi mu na mo.

1 Timothée 5:4

Tongana mbeni wali-mua ayeke na amolenge wala atara, alingbi ala hinga ti bata azo ti sewa ti ala kozoni, ti kiri na peko ti nzoni ye so ababâ na amama ti ala asara ando na ala. Ye so anzere na le ti Nzapa laa.