Efeze 6:17 - Mbeti ti Nzapa - Tënë so amu fini

¹⁷ Ala mu songo so Nzapa asoo ala tongana kpoto ti wen ti batango na li ti ala. Ala mu nga tënë ti Nzapa tongana yongoro zeme so Yingo amu na ala.

Efeze 6:17 ပူးပေါင်းရင်းမြစ်များ

2 Samuel 22:36

Ndali ti vala ti mo, mbi wara lege ti so benda, nzoni be ti mo na mbage ti mbi asara si mbi ga kota zo.

Ésaïe 49:2

Lo sara si tënë ti yanga ti mbi aga tongana yongoro zeme so yanga ni aza mingi. Lo honde mbi na gbe ti de ti maboko ti lo. Lo sara si mbi ga tongana le ti kokora so yanga ni aza, lo honde mbi na ya ti bozo ti ale ti kokora ti lo.

Ésaïe 59:17

Lo kanga mbirimbiri na tere ti lo tongana kazaka ti wen, lo mu songo zo na kuâ tongana kpoto ti wen, lo mu kiringo na peko ti sioni na zo tongana bongo so lo yu, lo mu ngangu ti lo ti tiringo na bira tongana kota bongo ti de.

Osée 6:5

Ndani laa mbi pika ala na lege ti awayanga-Nzapa, mbi fâ ala na lege ti tënë ti yanga ti mbi. Fango ngbanga ti mbi ayeke sigigi polele tongana lumiere.

Matthieu 4:4

Jésus akiri tënë na lo: “Mbeti ti Nzapa atene: ‘Fade zo ayeke ngba na fini gi na lege ti kobe oko pepe, me na lege ti tënë so kue asigigi na yanga ti Nzapa.’ ”

Matthieu 4:7

Jésus akiri tënë na lo: “Mbeti ti Nzapa atene nga, atene: ‘Mo tara be ti *Kota Gbia, Nzapa ti mo pepe.’ ”

Efeze 5:26

Lo sara tongaso titene Eglize ni aga nde si aga nzoni kue. Titene Eglize ni avuru tarara, lo sukula ni na ngu nga na lege ti tënë ti lo,

1 Tesalonike 5:8

Me e so e yeke azo ti kota lâ, alingbi e sara ye ahon ndoni pepe, me na legeni. Alingbi mabe na ndoye aga tongana kazaka ti wen so e yeke yu na kate ti e, ye so e zia be ti e ti ku ti soo kuâ aga tongana kpoto ti wen na li ti e.

Ahebro 4:12

Tënë ti Nzapa ayeke na fini si ayeke na ngangu ti sara ye. Tënë ni ayeke kpo be ti zo ahon yongoro zeme so yanga ni aza mbage na mbage. Tënë ni ayeke gue ngbii akangbi popo ti be ti zo na yingo ti zo. Tënë ni ayeke kangbi popo ti mafuta ti ya ti bio nga na ndo so abio atengbi tere daa. Tënë ni ayeke sigigi na tënë ti be ti zo nga na aye so kue nzara ni ayeke na be ti zo.

Ahebro 6:5

ala hinga atene, tënë ti Nzapa anzere, ala hinga nga aye ti kpene ti ngoi so Nzapa ayeke ga ti le-gbia.

Aye so Nzapa afa 1:16

Lo gbu atongoro mbarambara na maboko ti lo ti koli; mbeni yongoro zeme so yanga ni aza mbage na mbage alondo na yanga ti lo si ayeke sigigi. Le ti lo ayeke za zango tongana lâ so ayeke za na ngangu ti lo kue.

Aye so Nzapa afa 12:11

A-ita ti e ni ahon ndö ti lo na lege ti mene ti Molenge ti Taba nga na lege ti taa-tënë so ala fa ni. Ala baa fini ti ala tongana senge ye si ala yeda ti ka tere ti ala na kuâ.

Aye so Nzapa afa 19:15

Mbeni yongoro zeme so yanga ni aza mingi alondo na yanga ti lo si ayeke sigigi. Na yongoro zeme ni laa, alingbi lo kinda azo ti amara nde. Fade lo yeke fa lege na ala na komandema ti ngangu; lo yeke do ale ti *vinye na ya ti du ti petengo na vin ti kota ngonzo ti Nzapa so ngangu ti lo ahon angangu kue.

Aye so Nzapa afa 2:16

Tongaso, mo zia ngbene lege ti sarango ye ti mo. Tongaso pepe, fade mbi yeke ga fafadeso ti tiri na azo so na yongoro zeme so ayeke sigigi na yanga ti mbi.

1 Samuel 17:5

Mbeni kpoto so a sara na bengba wen ayeke na li ti lo; lo yu na kate ti lo mbeni kazaka so a sara na bengba wen; a leke ambeni ye ti wen so akpa *ahali ti susu na tere ti kazaka ni. Kazaka ni ane kilo baleomene.

1 Samuel 17:58

Saul ahunda lo: “Molenge ti mbi, babâ ti mo ayeke zo wa?” David akiri tënë: “Mbi yeke molenge ti Yese, zo ti gbe ti mo ti Betlehem.”