Efeze 6:14 - Mbeti ti Nzapa - Tënë so amu fini

¹⁴ Ala luti na nduzu! Ala kanga taa-tënë tongana kamba ti ndö ti bongo ti ala; ala yu sarango ye ti mbirimbiri tongana kazaka ti wen;

Efeze 6:14 ပူးပေါင်းရင်းမြစ်များ

2 Agbia 3:21

So azo ti Moab kue ama a tene, agbia ota so aga ti tiri bira na ala, ala iri akoli so kue ngu ti ala alingbi ti gbu yongoro zeme na likongo. Ala zia akoli ni aluti, amu ndo kue na katikati ti kodro ni.

Mbeti ti Job 29:14

Sarango ye ti mbirimbiri ayeke tongana bongo ti mbi ti yungo ni; sarango ye na legeni ayeke tongana kota bongo ti de, wala kpoto ti yungo ni.

Ésaïe 11:5

Fade sarango ye ti mbirimbiri ayeke duti tongana kamba ti ndö ti bongo ti lo, sarango ye lakue na legeni ayeke duti tongana kamba so lo kanga na ngbonda ti lo.

Ésaïe 59:17

Lo kanga mbirimbiri na tere ti lo tongana kazaka ti wen, lo mu songo zo na kuâ tongana kpoto ti wen, lo mu kiringo na peko ti sioni na zo tongana bongo so lo yu, lo mu ngangu ti lo ti tiringo na bira tongana kota bongo ti de.

Nzoni Tënë so Luc asu na mbeti 12:35

“Ala bata abongo ti kua ti ala na tere ti ala! Ala bata alamba ti ala na zango ni!

Rome 13:12

Ndo avuko aninga awe, ndo aga nduru ti han. Tongaso, e zia lege ti sarango aye ti vukongo ndo, e yu aye ti bira ti kota lâ.

2 Korente 6:7

na lege ti taa-tënë so e yeke fa nga na lege ti ngangu ti Nzapa. Ye ti bira ti e na ye ti batango tere ti e ayeke sarango ye so ayeke mbirimbiri.

Efeze 5:9

Lumiere ni asara si zo aduti na nzoni be, lo yeke sara ye mbirimbiri si lo yeke tene taa-tënë.

Efeze 6:13

Ndani laa, ala mu aye ti bira ti Nzapa kue. Tongaso, na ya ti sioni ngoi, ala lingbi ti luti nganganga na le ti wato, ala kiri na peko pepe, me ala tiri bira ni ngbii asi na ndani.

1 Tesalonike 5:8

Me e so e yeke azo ti kota lâ, alingbi e sara ye ahon ndoni pepe, me na legeni. Alingbi mabe na ndoye aga tongana kazaka ti wen so e yeke yu na kate ti e, ye so e zia be ti e ti ku ti soo kuâ aga tongana kpoto ti wen na li ti e.

1 Pierre 1:13

Ndani laa, ala leke be ti ala ti sara kua, le ti ala akpengba si ala zia be ti ala kue ti ku anzoni ye so ala yeke wara ande na ndembe so Jésus Christ ayeke si.

Aye so Nzapa afa 9:17

Ambarata na azo so aduti na ndö ti ala si mbi baa ala na ya ti mbeni ye tongana bango-li, lege ni ayeke tongaso: kazaka ti wen so ayeke na kate ti ala, nzoroko ni abe tongana wâ, avuko tongana le ti nduzu si ayeke nga tongana *sufre; li ti ambarata ni akpa li ti abamara. Wâ, na guru ti wâ na sufre ayeke sigigi na yanga ti ala.

Aye so Nzapa afa 9:9

Ala yu na kate ti ala mbeni ye so akpa kazaka ti wen, toto ti *kpangi ti ala akpa toto ti apusu ti bira so ambarata mingi laa ayeke gboto ni.