Efeze 6:1 - Mbeti ti Nzapa - Tënë so amu fini

¹ Amolenge, ye so *Kota Gbia aye ayeke titene ala ma yanga ti ababâ na amama ti ala; so sarango ye ti mbirimbiri laa.

Efeze 6:1 ပူးပေါင်းရင်းမြစ်များ

Tongo nda ti aye 28:7

Andaa Jacob ama yanga ti babâ na mama ti lo si lo hon na Mezopotamii.

Tongo nda ti aye 37:13

Jacob atene na Joseph: “A-ita ti mo ague na anyama na ndo ti tengo pere na Sishem. Ga, mbi tokua mo na peko ti ala.” Joseph akiri tënë, atene: “Mbi yeke gue senge!”

Tongo nda ti aye 48:12

Joseph azi amolenge ni na ndö ti gere ti babâ ti lo, lo kuku, lo kpo li ti lo na sese.

Tongo nda ti aye 50:12

Amolenge ti Jacob asara gi ye so babâ ti ala amu yanga na ala ti sara.

Néhémie 9:13

Mo londo na yayu, mo zu na ndö ti hoto ti Sinai; ngbene ye na yayu kâ, mo tene tënë na ala, mo mu na ala atënë ti yanga ti mo so ayeke mbirimbiri, andia so ayeke na lege ti taa-tënë, andia na ambela so ayeke nzoni mingi.

Esther 2:20

Esther afa mara ti lo wala asongo ti lo na zo oko pepe. Lo sara ye ni alingbi gi na yanga so Mardochée amu na lo. Esther angba ti ma yanga ti Mardochée gi tongana ti so lo yeke lani na gbe ti lo si lo yeke bata lo so.

Mbeti ti Job 33:27

Lo yeke he bia na dawa ti azo kue, lo tene: “Mbi sara siokpari, mbi sara ye so ake ndia, me Nzapa asara na mbi alingbi na sioni so mbi sara so pepe.

Abia (Psaumes) 119:128

Mbi baa so andia ti mo ayeke mbirimbiri, be ti mbi ake alege kue ti mvene.

Abia (Psaumes) 119:75

KOTA GBIA, mbi hinga, mbi tene, atënë ti fango ngbanga ti mo ayeke mbirimbiri, pasi so mo sara na mbi ayeke na legeni.

Abia (Psaumes) 19:8

*Ndia ti *KOTA GBIA ayeke nzoni kue, ndia ni ayeke kiri ngangu na fini ti zo. Yanga so KOTA GBIA amu alingbi titene zo azia be ti lo daa, ayeke mu ndara na zo so ahinga ndo pepe.

Amato 1:8

Molenge ti mbi, mo ma wango ti babâ ti mo; aye so mama ti mo ayeke fa na mo, mo bi na peko ti mê ti mo pepe.

Amato 23:22

Mo ma babâ ti mo; lo laa lo du mo. Ataa mama ti mo aga mbakoro, mo baa lo tongana mbumbuse zo pepe.

Amato 30:11

“Ambeni zo ayeke daa so ayeke deba babâ ti ala si ala yeke tene nzoni tënë na ndö ti mama ti ala pepe.

Amato 30:17

Zo so ahe babâ ti lo si lo ke ti ma yanga ti mama ti lo, fade *akpakpo ti tere ti ngu ayeke koro le ti lo si *angoalo ayeke te lo.

Amato 6:20

Molenge ti mbi, mo bata andia ti babâ ti mo; aye so mama ti mo ayeke fa na mo, mo bi na peko ti mê ti mo pepe.

Jérémie 35:14

Ando Yonadab, molenge ti Rekab, amu yanga na amolenge ti lo titene ala nyon vin pepe. Nilaa amolenge ni ama yanga ti kotara ti ala si ala ke ti nyon vin ngbii asi laso. Me ti mbi KOTA GBIA, mbi mu ngoi ti mbi kue ti tene tënë na ala, azo ti Juda, me ala ma mbi pepe.

Jérémie 35:18

Na pekoni, Jérémie atene na azo ti kete mara ti Rekab, atene: “Tënë so KOTA GBIA so ayeke na ndö ti dunia kue, Nzapa ti Israel atene ayeke so: Ala ma yanga ti kotara ti ala Yonadab, ala sara ye alingbi na ni; ala sara ye so kue lo mu yanga na ala ti sarango ni.

Jérémie 35:8

E sara ye so kue kotara ti e Yonadab, molenge ti Rekab, amu ando yanga na e ti sarango ni. Nilaa e yeke nyon ka vin pepe, ataa e, ataa awali ti e, amolenge ti e ti koli na ti wali.

Osée 14:9

Efraim, nyen laa ayeke kiri ti bongbi mbi na anzapa nde nyen? Mbi laa mbi yeke ma sambela ti mo si mbi yeke baa ndo na ndö ti mo. Mbi, mbi yeke tongana keke ti sipre so akugbe ni angba lakue fini ni. Mbi laa mbi yeke sara titene ale ti kobe ti mo adu.”

Awayango-sandaga 19:3

“Alingbi zo oko oko akpe mbeto ti babâ ti lo na mama ti lo. Alingbi zo oko oko abata *lango ti wungo tere. Mbi laa mbi yeke KOTA GBIA, Nzapa ti ala.

Nzoni Tënë so Luc asu na mbeti 2:51

Na pekoni, Jésus na ala akiri na Nazaret. Lo yeke ma yanga ti ala. Mama ti lo angba ti dabe ti lo na aye so.

Rome 12:2

Ala mu lege ti dutingo ti azo ti dunia so pepe, me ala zia Nzapa asanze fini ti ala, lo mu na ala fini gbungo-li. Tongaso, fade ala lingbi ti hinga ye so Nzapa aye: ye so ayeke nzoni, ye so anzere na be ti lo, ye so ayeke nzoni kue.

Rome 16:2

Na lege ti gango so e ga oko na *Kota Gbia, ala yamba lo tongana ti so azo ti Nzapa ayeke sara lakue. Tongana lo hunda na ala mbeni ye so atia lo, ala mu maboko na lo, ngbanga ti so lo mu maboko na azo mingi; mbi nga, lo mu maboko na mbi.

Rome 7:12

Tongaso, Ndia alondo na Nzapa, atënë oko oko ti Ndia alondo na Nzapa, ayeke mbirimbiri si ayeke nga ye ti nzoni.

1 Korente 15:58

Tongaso, a-ita ti mbi so mbi ye ala mingi, ala luti ngangu, ye ayingi ala pepe! Ala ngba lakue na sarango kua ti Kota Gbia. Ayeke nzoni, ala hinga atene, kua so ala yeke sara na Kota Gbia, peko ni ayeke ngba senge pepe.

Ndia ti fani use ni 21:18

Moïse atene: Mbeni ye tongaso alingbi ti si: mbeni zo alingbi ti duti na molenge-koli so ayeke zo ti ngangu li, lo yeke tomboka na tere ti babâ na mama ti lo; lo yeke ma yanga ti babâ na mama ti lo pepe. Ataa so ala pika lo, lo yeke ma ala pepe.

1 Timothée 5:4

Tongana mbeni wali-mua ayeke na amolenge wala atara, alingbi ala hinga ti bata azo ti sewa ti ala kozoni, ti kiri na peko ti nzoni ye so ababâ na amama ti ala asara ando na ala. Ye so anzere na le ti Nzapa laa.

1 Pierre 2:13

Ndali ti *Kota Gbia, ala ma yanga ti azo ti komandema kue: ala ma yanga ti kota gbia, ngbanga ti so lo yeke na komandema na ndö ti tanga ti agbia kue.

Ruth 3:5

Ruth akiri tënë na Noemi, atene: “Atënë so kue mo tene na mbi so, fade mbi yeke sara ye alingbi na ni.”

1 Samuel 17:20

David alondo na kota ndaperere, lo zia anyama ti lo na mbeni zo ti bata ni; lo mu kungba ti lo si lo gue tongana ti so babâ ti lo amu yanga na lo. Gi so lo yeke si na ya ti bâbâ tongaso, andaa aturugu aleke tere ti ala kue ti tiri bira si ala yeke dekongo ti bira.