Efeze 5:6 - Mbeti ti Nzapa - Tënë so amu fini

⁶ Ala zia mbeni zo ahanda ala na asenge senge tënë pepe. Asioni ye tongaso asara si ngonzo ti Nzapa ayeke ga na ndö ti azo so ake yanga ti lo.

Efeze 5:6 ပူးပေါင်းရင်းမြစ်များ

2 Agbia 18:20

Mo baa ti mo, mo tene, gi asenge tënë ti yanga laa alingbi titene zo atiri bira na ngangu? Zo wa laa mo zia be ti mo na ndö ti lo si mo tomboka na tere ti mbi so?

Abia (Psaumes) 78:31

si ngonzo ti Nzapa ati na ndö ti ala, lo fâ angangu zo na popo ti ala, lo kinda amaseka ti Israel.

Jérémie 27:9

“Ti ala, ala ma awayanga-Nzapa ti ala pepe, ala ma azo ti bango nda ti aye ti ala pepe, ala ma azo ti fango nda ti abango-li pepe, wala azo so ayeke fa nda ti ambinda wala azo so ayeke sara aye ti mazi. Azo ni kue ayeke tene na ala atene, fade ala yeke ti na gbe ti gbia ti Babilone pepe.

Jérémie 29:31

“Tokua tënë so na azo so a gbu ala si a gue na ala na kodro wande, mo tene: ‘Tënë so KOTA GBIA atene na ndö ti Shemaya, zo ti Nehelam ayeke so: Shemaya atene, ni yeke tene peko ti tënë ti yanga ti mbi na ala, me mbi tokua lo pepe. Lo pusu ala ti zia be ti ala gi na ndö ti atënë ti mvene.

Jérémie 37:9

Tënë so KOTA GBIA atene ayeke so: Ala handa tere ti ala pepe, atene: azo ti Babilone alondo na kodro ti e ahon biani biani awe. Ên-en, ala yeke hon pepe!

Mishe 3:5

Tënë so *KOTA GBIA atene na ndö ti awayanga-Nzapa so ayeke handa azo ti mbi ayeke so: “Tongana ala wara ye ti tengo ni, ala yeke fa tënë ti siriri; me tongana mbeni zo amu na ala ye ti tengo ni pepe, ala yeke londo na bira na tere ti zo ni.

Matthieu 24:24

Biani, fade amesii ti mvene na awayanga-Nzapa ti mvene ayeke ga si ala yeke sara akota ye ti kpene na aye ti dongo be ti handa na azo. Tongana lege ayeke daa, ataa azo so Nzapa asoro ala, ala yeke handa ala.

Matthieu 24:4

Jésus akiri tënë na ala: “Ala sara hange si mbeni zo ahanda ala pepe!

Marc 13:22

Biani, fade amesii ti mvene na awayanga-Nzapa ti mvene ayeke ga si ala yeke sara aye ti kpene na aye ti dongo be ti handa na azo. Tongana lege ayeke daa, ataa azo so Nzapa asoro ala, ala yeke handa ala.

Marc 13:5

Tongaso Jésus atene na ala: “Ala sara hange si mbeni zo ahanda ala pepe!

Rome 1:18

Ngonzo ti Nzapa alondo na yayu si lo fa ni na azo ndali ti siokpari ti ala nga ndali ti asioni ye so kue ala sara. Na lege ti asioni ye so ala yeke sara, ala kanga lege na taa-tënë.

Kolose 2:18

A-ita, alingbi ala zia amara ti azo tongaso afâ ngbanga na li ti ala pepe. Ambeni zo ni aye ti sara tere ti ala lakue na le ti azo tongana akete zo si ala yeke voro *a-ange, ala zia be ti ala gi na ndö ti aye so ala baa na ya ti mbeni ye tongana bango-li. Hingango ndo ti ala ayeke senge gbungo-li ti azo, asara si ala baa tere ti ala kota ahon azo kue.

Kolose 2:4

Mbi yeke tene tënë so na ala titene zo oko ahanda ala na anzerengo tënë pepe.

Kolose 2:8

Le ti ala akpengba si mbeni zo ahanda ala na atënë ti ndara ti sese so pepe! Atënë so ayeke asenge senge tënë alondo na lege ti tënë ti akotara wala na lege ti ayingo so ayeke na ngangu na ndö ti dunia so, me alondo na Christ oko pepe.

Kolose 3:6

Asioni ye tongaso laa asara si ngonzo ti Nzapa ayeke londo [na tere ti azo so ake yanga ti lo].

2 Tesalonike 2:3

Ala zia zo oko ahanda ala na mbeni tënë pepe. Biani, kozoni si lango so alingbi, fade ambeni ye ayeke si: gba ti azo ayeke zia lege ti Nzapa, Zo ti sioni ayeke si, lo so a yeke buba ande lo na ndo so wâ ayeke gbi daa lakue.

Ahebro 13:9

Ala zia lege na ambeni zo pepe ti handa ala na lege ti afango ye ti kirikiri nde nde. Titene be ti zo awara ngangu na lege ti nzoni ye so Nzapa asara, so laa ayeke nzoni, me na lege ti kobe pepe; azo so ayeke bata andia ti kobe, ala wara nzoni ye na peko ni pepe.

Ahebro 3:19

Tongaso, e baa so azo ni ali na kodro ni pepe, ngbanga ti so ala ma na be pepe.

1 Pierre 2:8

Mbeti ti Nzapa akiri atene: “Ayeke têne so azo ayeke pika gere ti ala daa, kota têne so ayeke sara titene azo ati.” Ala yeke pika gere ti ala na têne ni, ngbanga ti so ala ke ti yeda na tënë ti Nzapa. Ye so Nzapa aleke ala ando ndali ni laa.

1 Jean 4:1

A-ita ti mbi so mbi ye ala mingi, tongana azo atene, ani yeke na Yingo ti Nzapa, ala yeda na ala kue pepe; me ayeke nzoni ala gi nda ti azo ni ti baa wala yingo so ala yeke na ni so alondo na Nzapa. Biani, *awayanga-nzapa mingi ti mvene amu ndö ti dunia kue awe.