Efeze 5:4 - Mbeti ti Nzapa - Tënë so amu fini

⁴ Asioni tënë, abuba tënë na atënë na ndö ti sarango ye ti kamene asigigi na yanga ti ala pepe. Me ala mu gi singila na Nzapa.

Efeze 5:4 ပူးပေါင်းရင်းမြစ်များ

Abia (Psaumes) 33:1

Ala azo ti mbirimbiri, ala dekongo na ngia na *KOTA GBIA! Gondango lo alingbi na azo so sarango ye ti ala ayeke na legeni.

Abia (Psaumes) 92:1

Bia. A yeke he ni na *lango ti wungo tere.

Amato 12:23

Zo ti hango le ayeke honde ye so lo hinga; me azo ti buba afa polele tënë ti buba ti ala.

Amato 15:2

Tënë ti azo ti ndara ayeke zia nzara ti mandango ye na be ti zo; me ti azo ti buba, gi abuba tënë laa ayeke sigigi na yanga ti ala.

Amato 26:19

lo yeke tongana zo so ayeke handa amba ti lo si na pekoni lo tene na ala: “Mbi sara ti mbi fade gi ngia senge!”

Zo ti bongbingo azo 10:13

Kozo tënë ti lo ayeke buba tënë si tënë ti lo ti ndani ayeke bi tomboka na li ti zo.

Daniel 6:10

Tongaso, gbia Darius asu maboko ti lo na gbe ti kota mbela ni.

Marc 7:22

gingo wali wala koli ti zo, sarango nzara ti ye ti zo, sioni be, handango zo, sarango ye ti kirikiri, kota be, tenengo sioni tënë na iri ti zo, sarango baba nga na sarango ye ti buba.

Jean 6:23

Me ambeni ngo nde alondo na gbata ti Tiberiade asi na ndo so *Kota Gbia amu mapa, lo mu singila na Nzapa si azo ate so.

Rome 1:28

So ala ke ti hinga Nzapa awe, lo zia ala titene hingango ndo ti ala aga kirikiri si ala sara ye so zo alingbi fade ti sara pepe.

2 Korente 1:11

Ala nga, ala yeke mu maboko na e na lege ti sambela ti ala. Tongaso, fade Nzapa ayeke ma sambela so azo mingi ayeke sambela ndali ti e si lo yeke sara ande nzoni be na e. Ndani laa azo mingi ayeke mu singila na lo ndali ti e.

2 Korente 9:15

E mu singila na Nzapa ndali ti nzoni ye so lo mu na e, mbeni ye ti lingbi na ni ayeke daa pepe!

Efeze 1:16

mbi yeke ngba ti mu singila lakue na Nzapa ndali ti ala si mbi yeke zia ala na ya ti asambela ti mbi.

Efeze 4:29

Alingbi sioni tënë oko asigigi na yanga ti ala pepe. Me tongana lege ayeke daa, ala tene gi nzoni tënë so alingbi ti mu lege na amba ti ala ti kpengba si asara nzoni na azo so ayeke ma ala.

Filipe 4:6

Ala gi be ti ala ndali ti mbeni ye oko pepe, me na ya ti ye kue, ala fa na Nzapa ye so ala ye, na lege ti sambela, na vorongo tere nga na mungo singila na lo.

Kolose 3:8

Me fadeso, ala nga, ala zia aye so kue: ngonzo, songo be, sioni be, zongango ndo; abuba tënë asigigi na yanga ti ala pepe.

1 Tesalonike 3:9

Singila ti nyen laa e yeke mu ande na Nzapa ti e ndali ti ala alingbi na kota ngia so ala zia na be ti e na le ti lo so?

1 Tesalonike 5:18

ala mu singila na Nzapa na ya ti aye kue. Ye so Nzapa aye titene ala so aga oko na Jésus Christ asara laa.

Philémon 1:8

So e ga oko na Christ awe so, mbi lingbi ti mu yanga na mo senge ti sara ye so mo lingbi ti sara.

Ahebro 13:15

Alingbi e ngba ti mu sandaga na Nzapa lakue na lege ti Jésus, sandaga ni ayeke gondango so e yeke gonda iri ti lo na anzoni tënë ti yanga ti e.

2 Pierre 2:18

Ala yeke diko gba ti tënë, me ayeke gi asenge senge tënë, ala yeke handa azo so asigigi gi fafadeso na popo ti azo so agirisa lege awe. Awafango-ye ti mvene ayeke mu asioni nzara ti sarango ye ti kamene so ayeke na be ti ala ti gbu azo ni na ya ti gbanda ti ala.

2 Pierre 2:7

Nzapa azi Lot, zo ti mbirimbiri; be ti Lot aso lani mingi na sarango ye ti potopoto ti asioni zo ti ngoi ti lo.

Jude 1:10

Me ti azo ni so, ala yeke zonga aye so ala hinga nda ni pepe. Ataa aye so ala hinga, ala hinga ni tongana anyama so ayeke na ndara pepe si aye ni ayeke buba fini ti ala.

Jude 1:13

Ala yeke tongana asioni *mapo ti le ti kota ngu-ingo so pupu ayeke yingi ni kirikiri, aye ti kamene ti ala ni ayeke sara tongana *afuru ti ngu. Ala yeke nga tongana ambeni tongoro so ayeke tambula kirikiri; ndo so a leke ndali ti azo ni titene ala duti daa kpu na kpu ayeke na ndo so avuko pitipiti.