Efeze 5:28 - Mbeti ti Nzapa - Tënë so amu fini

²⁸ Alingbi akoli nga aye awali ti ala tongana ti so ala ye tere ti ala wani. Zo so aye wali ti lo, andaa lo ye tere ti lo wani.

Efeze 5:28 ပူးပေါင်းရင်းမြစ်များ

Matthieu 19:5

lo tene: ‘Ndani laa, fade koli ayeke londo na gbe ti babâ na mama ti lo ti bongbi oko na wali ti lo si ala use kue ayeke ga gi tere oko.’

Efeze 5:25

Akoli, ala ye awali ti ala tongana ti so Christ aye Eglize si lo ka tere ti lo ndali ti Eglize ni.

Efeze 5:29

Biani, zo ade ti ke tere ti lo wani laoko pepe; me lo yeke te kobe ti bata na tere ti lo nzoni, tongana ti so Christ ayeke bata Eglize ti lo.

Efeze 5:31

Mbeti ti Nzapa atene: “Ndani laa, fade koli ayeke londo na gbe ti babâ na mama ti lo ti bongbi oko na wali ti lo si ala use kue ayeke ga gi tere oko.”

Efeze 5:33

me tënë ni ayeke nga ti ala azo ti Nzapa: ayeke nzoni koli oko oko aye wali ti lo tongana ti so lo ye tere ti lo wani si wali oko oko akpe koli ti lo.

1 Pierre 3:7

Akoli, ala nga, na dutingo so ala na awali ti ala ayeke duti, ayeke nzoni ala hinga so, awali ti ala ayeke tongana ta so akpengba pepe. Ala ne ala, ngbanga ti so ala, na awali ti ala kue laa ayeke wara nzoni ye so Nzapa ayeke mu na zo; nzoni ye ni ayeke dutingo na fini. Ala sara tongaso si mbeni ye akanga lege na sambela ti ala pepe.