Efeze 5:25 - Mbeti ti Nzapa - Tënë so amu fini

²⁵ Akoli, ala ye awali ti ala tongana ti so Christ aye Eglize si lo ka tere ti lo ndali ti Eglize ni.

Efeze 5:25 ပူးပေါင်းရင်းမြစ်များ

Tongo nda ti aye 2:24

Ndani laa koli ayeke zia ande babâ na mama ti lo titene lo na wali ti lo abongbi oko si ala ga gi tere oko.

Tongo nda ti aye 24:67

Isaac ague na Rébecca na ya ti da ti bongo ti mama ti lo Sara. Lo mu Rébecca ti ga wali ti lo. Isaac aye lo si be ti lo ade na peko ti kuâ ti mama ti lo.

2 Samuel 12:3

Zo ti mawa ni ayeke gi na kete taba oko so lo vo vongo. Lo yeke bata taba ni na da ti lo si taba ni na amolenge ti lo akono legeoko. Taba ni ayeke te gi kete kobe so zo ti mawa ni ayeke te, taba ni ayeke nyon gi kete ngu so zo ti mawa ni ayeke nyon, taba ni ayeke lango na ya ti maboko ti wa ti lo. Taba ni aga tongana molenge ti lo ti wali.

B. ti abia 1:11

E yeke mu lôro ti sara na aye ti mê na mo, e yeke kpo anzoroko ti wen ti nginza na tere ni.

Matthieu 20:28

Legeoko tongaso, *Molenge ti Zo aga titene azo asara kua na lo pepe, me lo ga titene lo sara kua na azo, ti ka tere ti lo na kuâ ti soo gba ti azo.”

Jean 6:51

Mbi yeke mapa so ayeke mu fini na zo, mapa so alondo na yayu si aga. Zo so ate mapa so, fade lo yeke ngba na fini lakue lakue. Mapa so mbi yeke mu ande ayeke tere ti mbi so ayeke sara titene azo ti dunia awara fini.”

Awatokua 20:28

Ala sara hange na lege ti dutingo ti ala, ala bata nzoni ataba so Yingo-Vuru azia na maboko ti ala. Ala bata nzoni azo ti Eglize so Nzapa asoro ala na lege ti mene ti molenge ti lo.

Galasii 1:4

Jésus aka tere ti lo ndali ti siokpari ti e, ti zi e na ya ti ngoi ti sioni so e yeke daa laso; lo sara tongana ti so be ti Nzapa Babâ ti e aye.

Galasii 2:20

Nilaa, mbi laa mbi yeke na fini mbeni pepe, me Christ laa ayeke na fini na ya ti mbi. Na dutingo ti mbi ti zo, mbi yeke duti fadeso na fini gi na lege ti mabe so mbi yeke na ni na Molenge ti Nzapa, lo ye mbi si lo ka tere ti lo na kuâ ndali ti mbi.

Efeze 5:2

Ala sara ye na lege ti yengo tere tongana ti so Christ aye e si lo mu tere ti lo wani na Nzapa ndali ti e tongana *sandaga so fion ni afun nzoni si anzere na be ti Nzapa.

Efeze 5:24

Ndani laa, alingbi awali ama yanga ti akoli ti ala na ya ti aye kue, tongana ti so Eglize ayeke ma yanga ti Christ.

Efeze 5:28

Alingbi akoli nga aye awali ti ala tongana ti so ala ye tere ti ala wani. Zo so aye wali ti lo, andaa lo ye tere ti lo wani.

Efeze 5:33

me tënë ni ayeke nga ti ala azo ti Nzapa: ayeke nzoni koli oko oko aye wali ti lo tongana ti so lo ye tere ti lo wani si wali oko oko akpe koli ti lo.

Kolose 3:19

Akoli, ala ye awali ti ala; ala sara ye na sioni be na tere ti awali ti ala pepe.

1 Timothée 2:6

lo so lo ka tere ti lo ti soo azo kue, nilaa tongana ngoi ni alingbi awe, lo sara tongaso ti fa atene, Nzapa aye ti soo azo kue na kuâ.

1 Pierre 3:7

Akoli, ala nga, na dutingo so ala na awali ti ala ayeke duti, ayeke nzoni ala hinga so, awali ti ala ayeke tongana ta so akpengba pepe. Ala ne ala, ngbanga ti so ala, na awali ti ala kue laa ayeke wara nzoni ye so Nzapa ayeke mu na zo; nzoni ye ni ayeke dutingo na fini. Ala sara tongaso si mbeni ye akanga lege na sambela ti ala pepe.

Aye so Nzapa afa 1:5

Ayeke nzoni Jésus Christ amu aye ni na ala, lo so lo yeke fa peko ti tënë mbirimbiri! Lo yeke kozo zo so lo zingo na kuâ, lo yeke nga Makonzi ti agbia ti sese. Jésus aye e si lo zi e na gbe ti ngbaa ti asiokpari ti e na lege ti mene ti lo.

Aye so Nzapa afa 5:9

Ala yeke he fini bia, atene: “Mo lingbi ti mu mbeti ni ti zi anzoroko ni, ngbanga ti so a fâ mo ando awe. Mo futa ngere ti vongo azo na mene ti mo titene mo vo azo ti akete mara kue na Nzapa, azo ti ayanga ti kodro kue, azo ti akodro kue na azo ti amara kue.