Efeze 5:19 - Mbeti ti Nzapa - Tënë so amu fini

¹⁹ Tongana ala bongbi, ala he abia ti Mbeti ti Nzapa, abia ti gondango Nzapa na abia so Yingo ayeke mu na ala. Ala he abia si ala sepela Kota Gbia na be ti ala kue.

Efeze 5:19 ပူးပေါင်းရင်းမြစ်များ

Abia (Psaumes) 147:7

Ala azo, ala he bia na KOTA GBIA ti mu singila na lo; ala pika kundi na Nzapa ti e.

Abia (Psaumes) 62:8

Nzapa ayeke wasongo mbi na kuâ; na lege ti lo laa mbi yeke wara gonda. Lo yeke kota ngangu têne so mbi luti na ndö ni ti bata tere ti mbi; lo yeke ndo so mbi kpe daa ti bata tere ti mbi.

Abia (Psaumes) 86:12

Kota Gbia, Nzapa ti mbi, mbi ye ti sepela mo na be ti mbi kue, mbi ye ti gonda iri ti mo kpu na kpu.

Abia (Psaumes) 95:2

E ga, e luti na le ti lo ti mu singila na lo, e pika mozoko ti gonda na lo,

Ésaïe 65:14

Azo ti kua ti mbi ayeke dekongo na ngia, be ti ala ayeke nzere; me ti ala, ala yeke dekongo na vundu na be. Biani, ala yeke dema tere, be ti ala ayeke woko kue.

Matthieu 15:8

‘Azo so ayeke ne mbi gi na yanga ti ala senge, me be ti ala ayeke yongoro na mbi mingi.

Matthieu 26:30

Na peko ti so ala he bia ti gondango Nzapa awe, ala mu lege ti gue na hoto ti a-olive.

Awatokua 16:25

Nduru na be ti bi, Paul na Silas ayeke sambela si ala yeke he bia ti sepelango Nzapa. Atanga ti azo ti kanga ni ayeke ma ala.

1 Korente 14:15

Fade mbi yeke sara nyen? Mbi yeke sambela na lege ti yingo, me mbi yeke sambela nga na lege so azo alingbi ti ma ya ni; mbi yeke he bia na lege ti yingo, me mbi yeke he nga bia na lege so azo alingbi ti ma ya ni.

1 Korente 14:26

Tongaso a-ita, fade e yeke sara tongana nyen? Tongana ala bongbi, mbeni zo na popo ti ala alingbi ti he mbeni bia, mbeni afa ye wala lo tene tënë ti mbeni ye so Nzapa afa na lo, mbeni atene tënë na ambeni yanga nde, mbeni akiri peko ti tënë ni na yanga ti kodro titene azo ama ya ni. Aye so kue ala yeke sara, alingbi ala sara ni titene azo ti *Eglize akpengba.

Kolose 3:16

Ayeke nzoni tënë ti Christ so anzoni ye asi singo daa aduti na ya ti fini ti ala. Ala fa ye si ala mu wango na amba ti ala na popo ti ala na lege ti ndara kue. Ala he abia na Nzapa na be ti ala kue ti mu singila na lo, ala he abia ti Mbeti ti Nzapa, abia ti vorongo Nzapa na abia so Yingo ayeke mu na ala.

Jacques 5:13

Mbeni zo na popo ti ala ayeke baa pasi? Alingbi lo sambela Nzapa. Mbeni zo ayeke na ngia? Alingbi lo he bia ti gonda Nzapa.

Aye so Nzapa afa 5:9

Ala yeke he fini bia, atene: “Mo lingbi ti mu mbeti ni ti zi anzoroko ni, ngbanga ti so a fâ mo ando awe. Mo futa ngere ti vongo azo na mene ti mo titene mo vo azo ti akete mara kue na Nzapa, azo ti ayanga ti kodro kue, azo ti akodro kue na azo ti amara kue.