Efeze 5:16 - Mbeti ti Nzapa - Tënë so amu fini

¹⁶ Ala zia ngoi ti ala ahon senge senge pepe, ngbanga ti so alango so e yeke daa so ayeke sioni.

Efeze 5:16 ပူးပေါင်းရင်းမြစ်များ

Tongo nda ti aye 29:7

Lo kiri lo tene: “Baa, lâ angba ti su; so ngoi ti bongbingo anyama na ndo oko laa pepe. Ala mu ngu na anyama ni anyon; na pekoni, ala gue na ala titene ala te pere.”

Abia (Psaumes) 37:19

Na ngoi ti ye ti vundu, fade kamene ayeke gbu le ti ala pepe. Na ngoi ti kota nzara, fade ala yeke te kobe, ya ti ala asi.

Zo ti bongbingo azo 11:2

Mo mu mbage ti aye ti mo na azo mbarambara wala miombe, ngbanga ti sioni ye so ayeke si na ndö ti sese so, mo hinga ni pepe.

Zo ti bongbingo azo 12:1

Na ngoi so mo de maseka, ayeke nzoni mo dabe ti mo na lo so asara mo. Dabe ti mo na lo kozoni si alango ti pasi asi, so ti tene ngoi so fade mo yeke tene: “Dunia ni anzere na mbi oko pepe”.

Zo ti bongbingo azo 9:10

Kua so kue mo yeke na ngangu ti sara, mo sara ni, ngbanga ti so na ndo ti akuâ so mo yeke gue ande daa, mbeni kua, wala gbungo-li, wala hingango ndo, wala ndara ayeke daa pepe.

Daniel 2:8

Gbia akiri tënë na ala, atene: “Mbi hinga biani mbi tene, ala yeke gi lege ti wara ngoi, ngbanga ti so ala baa atene, tënë so mbi tene so, mbi luti na ndö ni biani awe.

Amos 5:13

Ngoi ni so ayeke ngoi ti sioni, ndani laa zo ti ndara akai kpoo.

Matthieu 25:17

Lo so lo wara ale ti lôro ngbangbo use so asara nga legeoko tongaso si lo wara ambeni le ti lôro ngbangbo use na ndö ni.

Jean 12:35

Jésus atene na ala: “Lumiere ade na popo ti ala ndali ti kete ngoi. Ayeke nzoni ala tambula na ndembe so lumiere ni ayeke na tere ti ala, tongaso si vukongo ndo awara ala pepe, ngbanga ti so zo so atambula na ya ti vukongo ndo ahinga ndo so lo yeke gue daa pepe.

Rome 13:11

Ala sara tongaso, ndali ti so ala hinga ngoi so e yeke daa fadeso awe: ngoi titene ala zingo na lango alingbi awe! Fadeso, ngoi titene Nzapa asoo e na kuâ aga nduru awe ahon ti lani so e ma na be.

1 Korente 7:26

Ti be ti mbi, mbi tene: tongana zo aduti gi lo oko, so ayeke nzoni ndali ti so gigi ni aga ngangu fadeso awe. Taa-tënë, mbi baa ti mbi, mbi tene, ayeke nzoni zo aduti gi lo oko.

Galasii 1:4

Jésus aka tere ti lo ndali ti siokpari ti e, ti zi e na ya ti ngoi ti sioni so e yeke daa laso; lo sara tongana ti so be ti Nzapa Babâ ti e aye.

Galasii 6:10

Tongaso, na ya ti ngoi so angba na e, e sara nzoni na azo kue, mbirimbiri na azo so, e na ala e ga sewa oko na lege ti mabe.

Efeze 6:13

Ndani laa, ala mu aye ti bira ti Nzapa kue. Tongaso, na ya ti sioni ngoi, ala lingbi ti luti nganganga na le ti wato, ala kiri na peko pepe, me ala tiri bira ni ngbii asi na ndani.

Efeze 6:15

ala yu nzara ti fango Nzoni Tënë ti siriri tongana ti so zo ayeke yu poro ti hon na ndo kue.

Kolose 4:5

Ala duti na ndara na popo ti azo so ahinga Nzapa pepe; ala zia ngoi ti ala ahon senge senge pepe.