Efeze 5:13 - Mbeti ti Nzapa - Tënë so amu fini

¹³ Me tongana a sigigi na nda ti aye ni kue, fade nda ni kue ayeke sigigi polele,

Efeze 5:13 ပူးပေါင်းရင်းမြစ်များ

Abia ti demango tere 2:14

Awayanga-Nzapa ti ala awara ambeni tënë ndali ti ala na ya ti mbeni ye tongana bango-li; me atënë ni gi mvene, gi abuba tënë. Awayanga-Nzapa ni afa asioni ti ala, azo ti gbata ti Sion na gigi pepe; ye so alingbi fade ti zi ala na ya ti ngbaa. Biani, atënë ti awayanga-Nzapa ni gi mvene na asenge senge tënë.

Osée 2:10

“Me wali ni ahinga ti lo pepe, atene, mbi laa mbi yeke mu na lo lani ale ti *ble, fini vin na nzoni mafuta; mbi yeke mu na lo gba ti nginza na lôro, me lo mu ni na *sandaga na Baal.

Osée 7:1

si mbi ye ti kai kobela ti Israel, sioni ti Efraim na sioni sarango ye ti azo ti Samarii ayeke sigigi polele. Azo ayeke handa amba ti ala ti mu ye ti ala, azo ti nzi ayeke li na ya ti da ti nzi ye ti azo, asioni zo amu ndö ti alege kue.

Mishe 7:9

Ayeke nzoni mbi kanga be ti mbi na ngonzo ti KOTA GBIA, ngbanga ti so mbi sara siokpari ti ke ti lo. Me mbeni lango ayeke ga so fade lo yeke mu tënë ti mbi na maboko ti lo, lo yeke sara si fango ngbanga ti mbi aduti na legeni. Lo yeke zi mbi na ya ti vukongo ndo ti zia mbi na ya ti lumiere si fade mbi yeke baa aye ti lo so lo sara ni na lege ti mbirimbiri.

1 Korente 4:5

Ndani laa, alingbi ala fâ ngbanga na li ti zo kozo pepe si ngoi ni alingbi, ala ku Kota Gbia aga si. Ye so angba na hondengo ni na ya ti vukongo ndo, fade lo yeke fa ni na gigi polele; aye so azo aleke na be ti ala ti sarango ni, fade lo sigigi na nda ni. Tongaso, Nzapa ayeke gonda zo oko oko alingbi na kua so lo sara.

Efeze 5:12

Biani, kamene ayeke gbu zo ti tene tënë ti aye so azo ni ayeke sara na hondengo ni so.

Ahebro 1:13

Laoko Nzapa atene nga na mbeni ange pepe, atene: “Ga mo duti na mbage ti maboko ti mbi ti koli, ngbii asi na ndembe so mbi yeke sara titene awato ti mo aga tongana mbata ti gbe ti gere ti mo si!”