Efeze 5:11 - Mbeti ti Nzapa - Tënë so amu fini

¹¹ Aye so azo ayeke sara na ya ti vukongo ndo ayeke sara nzoni na zo oko pepe. Ala azo ti Nzapa, ala yoro tere ti ala na ya ni pepe, me ala sigigi na nda ti aye ni.

Efeze 5:11 ပူးပေါင်းရင်းမြစ်များ

Tongo nda ti aye 20:16

Na pekoni, lo tene na Sara, lo tene: “Baa, mbi mu ale ti nginza saki oko na ita ti mo. So aye ti fa na azo so kue ayeke na tere ti mo atene, tënë ayeke na li ti mo pepe si mo kiri mo wara nengo ti mo.”

Abia (Psaumes) 141:5

Tongana zo ti mbirimbiri apika mbi, andaa lo sara nzoni be na mbi laa. Tongana lo suku na mbi, andaa nzoni mafuta laa lo tuku na li ti mbi, mbi lingbi ti ke ni pepe. Me mbi yeke ngba ti sambela, ataa so ala yeke sara sioni na mbi.

Amato 1:10

Molenge ti mbi, tongana asioni kamarade aye ti handa mo titene mo sara sioni, ayeke nzoni mo ke.

Amato 1:31

Fade ala yeke ko lengo ti sarango ye ti ala; apialo ti ala ayeke fun sen na hon ti ala.

Amato 13:18

Zo so ake titene a gboto mê ti lo, fade lo yeke ga wayere si azo ayeke baa lo tongana mbumbuse zo; me zo so aye titene a suku na lo, azo ayeke ne lo.

Amato 15:12

Zo ti hengo ndo aye titene a gboto mê ti lo pepe; lo yeke gue ti baa azo ti ndara pepe.

Amato 19:25

Mo pika zo ti hengo ndo, tongaso si zo so li ti lo ayeke daa pepe so, le ti lo ahan. Mo suku na zo ti hingango ndo, fade lo yeke hinga ye ahon ti kozo.

Amato 25:12

Wango so zo ti ndara amu na azo so azia mê ti ala kpoo ti ma tënë ayeke tongana bage ti lôro nga na ye ti go ti lôro ti nzoni ni.

Amato 28:4

Azo so azia lege ti *Ndia, ala yeke gonda azo ti sioni; me azo so abata lege ti Ndia, ala yeke kanga lege na azo ti sioni ni.

Amato 29:1

Zo so a gboto mê ti lo si lo ngba ti sara ngangu li, fade a yeke kinda lo gi hio tongaso, mbeni ye ti sara titene lo kiri lo ga nzoni ayeke daa pepe.

Ésaïe 29:21

azo ni ayeke azo so ayeke bi tënë ti mvene na li ti azo, ala so ayeke zia kuku titene awafango-ngbanga ati daa, ala so ayeke fâ ngbanga na li ti azo so asara ye oko pepe.

Jérémie 15:17

Mbi duti pepe na ya ti bongbi ti azo ti hengo ndo titene mbi na ala, e sara ngia. Me mo gbu mbi na ngangu awe si mbi duti gi mbi oko yamba, ngbanga ti so mo sara si be ti mbi aso ahon ndoni.

Awayango-sandaga 19:17

“Be ti ala ake ita ti ala pepe, me ala suku na zo ti kodro ti ala, tongaso si sioni ti lo ati na li ti ala pepe.

Matthieu 18:15

“Tongana ita ti mo asara siokpari ti ke mo, mo gue, mo baa lo; mo na lo aduti use si mo fa na lo sioni ti lo. Tongana lo ma mo, andaa mo kiri na ita ti mo na nzoni lege awe.

Nzoni Tënë so Luc asu na mbeti 3:19

Jean asuku na Herode so lo yeke kota komanda, ngbanga ti so lo mu Herodiade, wali ti ita ti lo si lo sara nga asioni ye mingi.

Awatokua 26:18

Mbi tokua mo ti zi le ti ala, ti mu ala na ya ti vukongo ndo ti sigigi na ala na ya ti lumiere; mo yeke zi ala na gbe ti ngangu ti Satan ti gue na ala na Nzapa. Tongana ala ma na be na mbi, fade a yeke zi siokpari na li ti ala si ala yeke wara ndo na popo ti azo ti Nzapa.’ ”

Rome 13:12

Ndo avuko aninga awe, ndo aga nduru ti han. Tongaso, e zia lege ti sarango aye ti vukongo ndo, e yu aye ti bira ti kota lâ.

Rome 16:17

A-ita, ye so mbi hunda na ala mingi ayeke so: ala sara hange na azo so ayeke ga na tënë ti kangbi nga na tënë so asara si azo ati na ya ti siokpari; azo ni azia lege ti tënë so e fa na ala so awe. Ala zia lege ti azo ni so,

Rome 6:21

Aye so ando ala yeke sara so, nzoni ye ti nyen laa ala wara daa? Fadeso aye ni asara ala kamene, ngbanga ti so ye ti peko ni ayeke gi kuâ!

Galasii 6:8

Zo so alu ye ndali ti sioni nzara ti be ti lo, fade lo yeke ko lengo ti ye ti nzara ti be, so ti tene kuâ; me so zo alu ye ndali ti Yingo, fade lo yeke ko lengo ti ye ti Yingo, so ti tene fini so angba lakue lakue.

Efeze 4:22

Tongaso, alingbi ala zia ngbene lege ti dutingo ti ala. Ando, anzara ti be ti ala ayeke handa ala si ayeke buba ala. Alingbi ala zia ngbene dutingo ti ala ti zo tongana ti so zo ayeke zi gbagba bongo na tere ti lo.

Efeze 5:12

Biani, kamene ayeke gbu zo ti tene tënë ti aye so azo ni ayeke sara na hondengo ni so.

Efeze 5:7

Tongaso, ala yoro tere ti ala na ya ti sarango ye ti azo tongaso pepe.

Kolose 1:12

Na ngia na be, ala mu singila na Nzapa Babâ so asara si ala lingbi ti wara anzoni ye so lo leke ndali ti azo ti lo na ya ti lumiere.

1 Tesalonike 5:7

Azo so ayeke lango, ala yeke lango na bi; azo so ayeke nyon samba si ahon ndö ti ala, ala yeke nyon ni na bi.

2 Tesalonike 3:14

Tongana mbeni zo ake ti ma tënë so e tene na ya ti mbeti so, ala su iri ti lo na mbeti, ala sara songo na lo pepe, tongaso si kamene agbu lo.

2 Tesalonike 3:6

A-ita, e hunda na ala na iri ti *Kota Gbia Jésus Christ ti kpe lege ti a-ita so kue ayeke azo ti sopo, so sarango ye ti ala ayeke nde na tënë so e fa na ala kozoni so.

1 Timothée 5:20

Azo so asara siokpari, mo suku na ala na le ti azo kue, tongaso si mbeto agbu atanga ni.

1 Timothée 5:22

Mo zia maboko ti mo hio na li ti mbeni zo pepe, mo sara beoko na siokpari ti mbeni zo pepe; me mo bata be ti mo na vurungo ni.

1 Timothée 6:5

na bingbingo tënë so ayeke kai hio pepe; aye ni so ayeke londo lakue na popo ti azo so gbungo-li ti ala aga sioni awe, ala hinga taa-tënë oko pepe. Ala baa ti ala atene, gbungo tënë ti Nzapa ngangu ayeke mbeni lege ti warango mosoro.

2 Timothée 3:5

ala yeke sara ye, mo baa mo tene, ala yeke azo so agbu tënë ti Nzapa mingi, andaa ala zia lege ti ngangu ti mabe awe. Mara ti azo tongaso, ayeke nzoni mo zia lege ti ala.

2 Timothée 4:2

mo fa tënë ti Nzapa na azo, wala ndembe ni laa wala ndembe ni laa pepe, mo ngba gi daa. Mo fa sioni ti azo na le ti ala, mo suku na ala, mo mu wango na ala; be ti mo awoko na lege ni pepe, mo ngba na nzara ti fango ye na ala.

Tite 2:15

Lege so mo lingbi ti tene tënë na azo, ti mu wango na ala, ti suku na ala laa; mo sara ni na ngangu so Nzapa amu na mo. Mo sara si mbeni zo oko abaa mo tongana buba zo pepe.

Aye so Nzapa afa 18:4

Mbi kiri mbi ma mbeni go so alondo na yayu, atene: “Ala sigigi! Azo ti mbi, ala sigigi na ya ti gbata so, tongaso si ala bongbi na lo ti sara asiokpari ti lo pepe, tongaso si aye ti sioni so a leke ndali ti lo so asi na ala pepe.