Efeze 4:5 - Mbeti ti Nzapa - Tënë so amu fini

⁵ Kota Gbia ayeke gi oko, mabe ayeke gi oko, bateme ayeke gi oko.

Efeze 4:5 ပူးပေါင်းရင်းမြစ်များ

Zakarii 14:9

Fade KOTA GBIA ayeke duti gbia ti sese kue. Na lango ni so, lo yeke duti oko Nzapa so azo ayeke voro lo si ala yeke hinga gi iri ti lo oko.

Matthieu 28:19

Tongaso, ala gue na ndo ti amara kue, ala sara si ala ga adisiple, ala batize ala na iri ti Babâ, ti Molenge na ti Yingo-Vuru;

Awatokua 10:36

Nzapa atokua tënë ti lo na azo ti Israel: tënë ni ayeke Nzoni Tënë so amu siriri na zo na lege ti Jésus Christ, lo so lo yeke *Kota Gbia ti azo kue.

Awatokua 2:36

“Ayeke nzoni azo ti Israel kue ahinga tënë so mbirimbiri: Jésus so ala fâ lo na ndö ti keke ti kroa so, Nzapa asara si lo ga Kota Gbia na Mesii!”

Rome 3:30

ngbanga ti so Nzapa ayeke gi oko. Lo yeke sara titene azuife na azo ti amara nde kue aga mbirimbiri na le ti lo na lege ti mabe.

1 Korente 1:13

Ya ti Christ akangbi? Paul laa akui na ndö ti keke ti kroa ndali ti ala? Wala ala wara bateme na iri ti Paul?

1 Korente 1:2

na *Eglize ti Nzapa so ayeke na gbata ti Korente, ala so aga azo ti Nzapa na lege ti gango so ala ga oko na Jésus Christ, ala so Nzapa airi ala si lo zia ala nde ndali ti lo wani. Lo iri nga azo so kue ayeke na ando nde nde si ala yeke di iri ti *Kota Gbia ti e Jésus Christ, so lo yeke Kota Gbia ti ala si lo yeke nga Kota Gbia ti e.

1 Korente 12:13

Ataa e yeke azuife wala e yeke azuife pepe, ataa e yeke angbaa wala angbaa pepe, e kue, e wara bateme ti Yingo oko titene e bongbi e ga tere oko; Nzapa amu na e kue gi oko Yingo so.

1 Korente 12:5

Alege ti sarango na *Kota Gbia ayeke nde nde, me Kota Gbia ayeke gi oko.

1 Korente 8:6

Ti e, Nzapa ayeke gi oko, lo yeke Babâ so ye kue alondo na lo si e yeke na fini ndali ti lo. E yeke nga gi na *Kota Gbia oko, Jésus Christ so na lege ti lo, ye kue abaa gigi si e yeke na fini na lege ti lo.

2 Korente 11:4

Biani, ala yeke kanga be ti ala titene mbeni zo ti kirikiri aga afa na ala mbeni Jésus nde na Jésus so e fa tënë ti lo na ala. Ala yeke lakue nduru ti yamba mbeni yingo nde na Yingo so ala wara kozoni, ala yeke yeda nga na mbeni nzoni tënë nde na Nzoni Tënë so ala ma kozoni!

Galasii 5:6

Biani, tongana zo aga oko na Jésus Christ, ataa zo ni afâ ganza wala lo fâ ganza pepe, so kota ye ni laa pepe! Kota ye ni ayeke titene zo aduti na mabe so ayeke sara titene lo ye amba ti lo.

Efeze 4:13

ngbii e kue, e ga oko na lege ti mabe nga na lege ti hingango Molenge ti Nzapa. Tongaso, fade e yeke ga akangba na lege ti mabe si fini ti e kue ayeke ga tongana ti Christ.

Filipe 2:11

si ala kue atene na yanga ti ala, atene: Jésus Christ ayeke *Kota Gbia si ala gonda Nzapa Babâ.

Filipe 3:8

Biani, mbi baa aye so kue ayeke abuba ye tongana mbi haka ni na hingango Jésus Christ, *Kota Gbia ti mbi. Ti hinga Jésus ayeke nzoni ahon ye kue. Ndali ti lo laa mbi zia aye ti mbi kue abuba; mbi baa aye ni kue tongana zende titene mbi wara Christ

Tite 1:1

Mbi Paul, mbi yeke zo ti kua ti Nzapa si mbi yeke nga *watokua ti Jésus Christ. Nzapa atokua mbi ti sara si azo so lo soro ala ama na be si ala hinga taa-tënë so alingbi gi na lege ti vorongo Nzapa,

Tite 1:4

Mbi tokua mbeti so na mo Tite so mo yeke taa molenge ti mbi na lege ti oko mabe so e yeke na ni. Ayeke nzoni Nzapa Babâ na Wasongo e, Jésus Christ asara nzoni be na mo si amu na mo siriri!

Ahebro 13:7

Ala dabe ti ala na akozo zo so ayeke na li ti *Eglize, ala so afa na ala tënë ti Nzapa. Ala baa lege so azo ni so akui na ni, ala duti na mabe tongana ti azo ni so.

Ahebro 6:6

Ataa so kue gbaa, ala kiri na sioni lege ti sarango ye ti ala ti kozoni. Lege titene a sara si ala kiri azia ngbene lege ti sarango ye ti ala ayeke daa oko pepe. Biani, ala kiri akanga Molenge ti Nzapa na ndö ti keke ti kroa si ala sara titene azo azonga lo.

Jacques 2:18

Me fade mbeni zo ayeke tene: “Ti mo, mo yeke na mabe, ti mbi, mbi yeke sara akua!” Tongaso, mbi yeke kiri tënë na lo, mbi tene: “Fa na mbi lege so mabe ti mo alingbi ti duti daa, me mo yeke sara akua ni pepe so. Ti mbi, fade mbi yeke fa na mo mabe ti mbi na lege ti akua so mbi yeke sara.”

1 Pierre 3:21

So ayeke limo ti bateme so ayeke soo ala fadeso. Bateme ni ayeke ye ti sukulango zende na tere ti zo pepe, me ayeke ti hunda na Nzapa titene mbeni ye ti sioni aduti na be ti zo ni pepe. Bateme ni ayeke soo ala na kuâ, ngbanga ti so Jésus Christ azingo na kuâ awe.

2 Pierre 1:1

Mbi Simon Pierre, zo ti kua nga na *watokua ti Jésus Christ, mbi tokua mbeti so na azo so awara gi oko mabe ti kota ngere tongana e. Ala wara ni na lege ti mbirimbiri ti Jésus Christ, lo so lo yeke Nzapa ti e na Wasongo e.

Jude 1:20

Me ti ala, a-ita ti mbi so mbi ye ala mingi, ala luti ngangu na ndö ti mabe ti ala so ayeke nde si ayeke nzoni kue. Ala sambela na lege ti Yingo-Vuru.

Jude 1:3

A-ita ti mbi so mbi ye ala mingi, mbi ye fade mingi ti su mbeti na ala na ndö ti tënë ti songo so Nzapa asoo e na ala kue so. Me mbeni ye apusu mbi ti su mbeti so ti mu ngangu na be ti ala titene ala tiri bira ti bata mabe so Nzapa amu na azo ti lo fani oko biani biani.