Efeze 4:32 - Mbeti ti Nzapa - Tënë so amu fini

³² Ala sara nzoni na popo ti ala, ala baa mawa ti amba ti ala; ala zi tënë na li ti amba ti ala na popo ti ala tongana ti so Nzapa azi tënë na li ti ala, ngbanga ti gango so ala ga oko na Christ.

Efeze 4:32 ပူးပေါင်းရင်းမြစ်များ

2 Samuel 7:21

Ndali ti tënë ti mo nga na lege ti ye so be ti mo aye, mo sara akota ye so kue ti fa ni na mbi.

Abia (Psaumes) 112:9

Lo mu ye mingi na azo ti mawa; mbirimbiri ti lo angba kpu na kpu. Fade ngangu ti lo na gonda ti lo ayeke gue guengo na nduzu.

Abia (Psaumes) 145:9

KOTA GBIA ayeke sara nzoni na azo kue, lo yeke baa mawa ti aye so kue lo sara.

Amato 12:10

Zo ti mbirimbiri ahinga ye so lo lingbi ti mu na anyama ti lo; me azo ti sioni ayeke baa mawa ti ti ala pepe.

Amato 19:11

Zo ti hingango ndo ayeke sara ngonzo hio hio pepe; tongana azo asara sioni na lo si lo baa ni tongana ye pepe, tongaso laa lo yeke ne tere ti lo.

Amato 19:22

Ye so a yeke ku na mbage ti zo ayeke sarango nzoni be. Dutingo wayere ayeke nzoni ahon dutingo zo ti mvene.

Ésaïe 57:1

Azo ti mbirimbiri akui, tënë ti kuâ ti ala aso be ti zo oko pepe; azo ti sarango nzoni ati akui, zo oko ti gbu li ti lo daa ayeke daa pepe. Biani, azo ti mbirimbiri ati akui ndali ti sioni ti azo ti sioni.

Jérémie 38:12

Na pekoni Ebed-Melek, zo ti Etiopii ni atene na Jérémie: “Zia agbagba bongo ni na gbe ti maboko ti mo; mo zia kamba ni na ndö ni.” Jérémie asara ye ni tongaso.

Matthieu 6:12

Zi sioni ti e na li ti e tongana ti so e nga, e yeke zi sioni na li ti azo so asara sioni na e.

Marc 11:25

Tongana ala luti na nduzu ti sambela si mbeni tënë ayeke na be ti ala na tere ti mbeni zo, ayeke nzoni ala zi tënë ni na li ti lo. Tongaso si fade Babâ ti ala so ayeke na yayu ayeke zi nga tënë na li ti ala. [

Nzoni Tënë so Luc asu na mbeti 1:78

Nzapa ti e ayeke sara nzoni be mingi: lo sara si lumiere so alondo na yayu aza na ndö ti e tongana lâ ti ndaperere.

Nzoni Tënë so Luc asu na mbeti 11:4

Zi siokpari ti e na li ti e, ngbanga ti so e nga, e yeke zi siokpari na li ti azo so kue asara sioni na e. Sara si e ti na ya ti ye ti tarango be pepe.”

Nzoni Tënë so Luc asu na mbeti 17:4

Tongana lo sara sioni na mo lege mbarambara na ya ti lango oko si lege mbarambara nga lo kiri na mbage ti mo, lo tene: ‘Mbi ye ti zia lege ti sioni so mbi sara’, ayeke nzoni mo zi tënë ni na li ti lo.”

Nzoni Tënë so Luc asu na mbeti 6:35

Me ala ye awato ti ala, ala sara nzoni na azo! Ala sara boon na azo, me ala ku ti wara mbeni ye na peko ni pepe. Tongaso si ala yeke wara ande kota ye ti nzoni na pekoni si ala yeke duti amolenge ti Nzapa so ayeke na yayu kâ na ndö ti aye kue. Nzapa ayeke sara nzoni na azo so ahinga ti mu singila pepe nga na azo ti sioni.

Nzoni Tënë so Luc asu na mbeti 6:37

“Ala fâ ngbanga na li ti azo pepe si Nzapa afâ nga ngbanga na li ti ala pepe; ala zia tënë na li ti azo pepe si Nzapa azia nga tënë na li ti ala pepe; ala zi tënë na li ti azo si Nzapa azi nga tënë na li ti ala.

Awatokua 28:2

Azo ti zoa ni ayamba e nzoni mingi. Ala sara mbeni kota wâ si ala iri e kue na tere ni, ngbanga ti so ngu ato nda ti pikango ni si de ayeke sara.

Rome 12:10

Ala ye tere na popo ti ala tongana ti so a-ita ayeke ye tere; zo oko oko agi lege ti ne mba ti lo kozoni.

1 Korente 13:4

Ndoye ayeke kanga be ti lo, lo yeke sara nzoni, lo yeke sara kota be pepe, lo yeke pika kate ti lo pepe, lo yeke sara baba pepe;

2 Korente 2:10

Tongana ala zi tënë na li ti mbeni zo, mbi nga, mbi yeke zi tënë na li ti lo. Tongana mbi zi tënë na li ti zo – tongana ti so mbi wara lege ti sarango ni – mbi zi ni ndali ti ala, na le ti Christ.

2 Korente 2:7

Ndani laa, ti fadeso alingbi ala zi tënë na li ti lo, ala de be ti lo, tongaso si vundu akiri ahon ndö ti lo pepe.

2 Korente 6:6

E fa nga so e yeke azo ti kua ti Nzapa na lege ti dutingo ti e na vuru be, na lege ti hingango ndo ti e, na lege ti kangango be ti e, na lege ti nzoni be ti e, na lege ti Yingo-Vuru, na lege ti taa yengo tere na popo ti e,

Efeze 5:1

Ala yeke amolenge so Nzapa aye ala mingi. Tongaso, ayeke nzoni ala sara ye tongana lo.

Jacques 5:11

Ala baa, azo so akanga be ti ala na ya ti aye ti pasi so, e tene: ti ala nzoni! Ala ma tënë ti kangango be ti Job awe, ala baa ye so Kota Gbia amu na lo na pekoni, ngbanga ti so Kota Gbia ayeke na nzoni be mingi si lo yeke baa mawa ti azo.

2 Pierre 1:7

na ndö ti gbungo tënë ti Nzapa ngangu, ala zia yengo amba ti ala; na ndö ti yengo amba ti ala, ala zia ndoye.

1 Jean 1:9

Tongana e fa siokpari ti e na Nzapa, lo so lo yeke bata tënë ti yanga ti lo si lo yeke nga mbirimbiri, fade lo yeke zi siokpari ti e si lo yeke sukula sioni ti e kue.

1 Jean 2:12

Amolenge ti mbi, mbi su mbeti so na ala, mbi tene: “Nzapa azi asiokpari na li ti ala awe ndali ti iri ti Jésus.”

Ruth 2:20

Noemi atene na Ruth: “KOTA GBIA so angba lakue ti sara nzoni be na azo so angba na fini nga na azo so akui awe, lo sara tufa na ndö ti koli so-oo.” Na pekoni, Noemi atene na Ruth: “Booz ayeke mbeni zo ti sewa ti e so popo ni ayo pepe, lo yeke mbeni zo so alingbi ti mu e, ti bata e.”