Efeze 4:30 - Mbeti ti Nzapa - Tënë so amu fini

³⁰ Ala mu vundu na Yingo-Vuru pepe. Yingo-Vuru ayeke tongana nzoroko so Nzapa azia na tere ti ala ti fa so ala yeke ti lo. Na lege ti Yingo-Vuru, Nzapa akiri afa so mbeni lâ, fade lo yeke zi ala na ya ti siokpari biani biani.

Efeze 4:30 ပူးပေါင်းရင်းမြစ်များ

Tongo nda ti aye 6:3

Tongaso KOTA GBIA atene na be ti lo: “Pupu ti mbi ayeke ngba lakue na ya ti zo pepe, ngbanga ti so lo yeke gi zo senge. Fade lo yeke duti na gigi gi ngu ngbangbo oko na baleuse.”

Tongo nda ti aye 6:6

Nilaa be ti KOTA GBIA aso ndali ti so lo sara zo si lo zia lo na ndö ti sese so. Vundu agbu be ti lo mingi.

Abia (Psaumes) 78:40

Lege mingi, ala sara ngangu li na lo na benyama, ala so be ti lo na ndo so ngu ayeke daa pepe.

Abia (Psaumes) 95:10

Na ya ti ngu baleosio, azo ti ngoi ni so asara ye so aso be ti mbi, nilaa mbi tene: ‘Li ti azo so ague kirikiri awe, lege so mbi ye ala mu, ala hinga ni pepe.’

Ésaïe 43:24

Ndali ti mbi laa mo vo pere ti yombo ti kota ngere so pepe, ndali ti mbi laa mo zö mafuta ti anyama ti mo titene ya ti mbi asi na ni pepe. Me na lege ti siokpari ti mo, mo gbu mbi ti ga ngbaa ti mo; mo woko mbi na lege ti asioni ti mo.

Ésaïe 63:10

Me ala tomboka na tere ti lo, ala sara si yingo ti lo so ayeke nde si ayeke nzoni kue awara vundu. Tongaso lo kiri lo ga wato ti ala si lo wani, lo tiri bira na ala.

Ésaïe 7:13

Tongaso Ésaïe atene: “Ala *ahale ti David, ala ma mbi si! So ala ngba ti so li ti azo so, alingbi na ala pepe si ala ye ti so li ti Nzapa ti mbi so?

Ezekiel 16:43

Ye so mbi sara na mo na ndembe so mo de maseka, mo dabe ti mo na ni pepe; mo kiri mo so be ti mbi na sarango aye ti mo. Tongaso, mbi nga, mbi yeke sara titene futa ti sarango ye ti mo ati na li ti mo wani! So tënë ti yanga ti mbi, Kota Gbia NZAPA laa. Mo sara sioni ye so zo alingbi ti baa na le ti lo fani use pepe. Na ndö ni, mo sara aye ti potopoto pepe?”

Osée 13:14

Mbi KOTA GBIA, azo tongaso, mbi lingbi ti gboto ala na ndo ti akuâ ti sigigi na ala? Mbi lingbi ti soo ala na kuâ? Kuâ, ye so mo yeke fâ azo na ni so ayeke na ndo wa? Ndo ti akuâ, ngangu so mo yeke hunzi azo na ni so ayeke na ndo wa? Fade mbi yeke baa mawa ti Efraim oko pepe.

Marc 3:5

Jésus abaa le ti ala oko oko kue na ngonzo; be ti lo awara vundu ngbanga ti sioni be ti ala. Lo tene na koli ni: “Yoro ya ti maboko ti mo.” Lo yoro ni si maboko ti lo akiri aga nzoni.

Nzoni Tënë so Luc asu na mbeti 21:28

Tongana aye ni so ato nda ti singo ni, ala gbu ngangu, ala mu li ti ala na nduzu, ngbanga ti so Nzapa aga nduru ti zi ala na ya ti pasi awe!”

Jean 3:33

Zo so ayeda na tënë ti lo, lo yeke fa mbirimbiri na le ti azo so, Nzapa ayeke tene taa-tënë.

Awatokua 7:51

“Ala azo ti ngangu li, ala so a fâ be ti ala na mê ti ala na ganza pepe so, lakue ala yeke ke tënë ti Yingo-Vuru! Ala yeke tongana akotara ti ala!

Rome 8:11

Nzapa azingo Jésus na kuâ. Tongana Yingo ti Nzapa ayeke duti na be ti ala, fade Nzapa so azingo Jésus Christ na kuâ ayeke sara titene tere ti ala so ayeke kui kuingo so aduti na fini na lege ti Yingo ti lo so aduti na be ti ala.

Rome 8:23

Gi aye ti dunia oko pepe si ayeke dema: e so e wara Yingo tongana kozo nzoni ye so Nzapa amu na e, e nga, e yeke dema na ya ti be ti e ti ku titene Nzapa asara si e ga amolenge ti lo, so ti tene lo zi e na gbe ti ngbaa, e na tere ti e kue.

1 Korente 1:30

Me Nzapa asara si ala, a-ita, ala ga oko na Jésus Christ si lo sara titene Christ aga ndara ti e. Na lege ti Christ, Nzapa asara si e ga mbirimbiri na le ti lo, e ga azo so ayeke duti nde ndali ti so lo laa lo zi e na ya ti siokpari.

1 Korente 15:54

Tongana tere so ayeke buba aga tere so akiri ti buba pepe si tere so ayeke kui aga tere so alingbi ti kui pepe, fade tënë so Mbeti ti Nzapa atene ayeke ga taa-tënë. Mbeti ni atene: “A buba kuâ biani biani awe, a so benda na ndö ti lo biani awe!”

1 Tesalonike 5:19

Ala kanga lege na Yingo-Vuru pepe ti sara kua ti lo,

Ahebro 10:29

Ti zo so abaa Molenge ti Nzapa buba na le ti lo, fade pasi ti zo ni ayeke hon ndoni. Andaa lo baa mene ti *mbuki so asukula asioni ti lo tongana senge ye na le ti lo si lo kiri lo tene sioni tënë na tere ti Yingo so ayeke sara nzoni be na zo.

Ahebro 3:10

na ya ti ngu baleosio. Ndani laa ngonzo asara mbi na tere ti ala si mbi tene lani, mbi tene: ‘Li ti ala ayeke gue lakue gi kirikiri; ala ke ti hinga lege so mbi ye ala mu.’

Ahebro 3:17

Be ti lo aso na ya ti ngu baleosio na azo wa? Be ti lo aso na azo so asara siokpari si ala kui na ya ti benyama.

Awafango-ngbanga 10:16

Na pekoni, azo ti Israel aga azi anzapa ti awande so ayeke na popo ti ala, ala kiri avoro KOTA GBIA. Tongaso, KOTA GBIA akanga be ti lo gbaa na ndö ti pasi so azo ti Israel ayeke baa.