Efeze 4:28 - Mbeti ti Nzapa - Tënë so amu fini

²⁸ Zo so lani ayeke zo ti nzi, lo kiri lo nzi pepe; me ayeke nzoni lo mu tere ti lo ti sara kua na maboko ti lo wani na legeni si lo wara ye ti mu maboko na azo ti mawa.

Efeze 4:28 ပူးပေါင်းရင်းမြစ်များ

Mbeti ti Job 34:32

Asioni so mbi baa pepe so, mo wani, fa ni na mbi. Tongana mbi sara sioni, fade mbi yeke kiri ti sara ni pepe.”

Sigingo 20:15

“Alingbi mo nzi pepe.

Sigingo 20:17

“Alingbi mo sara nzara ti da ti mba ti mo pepe; mo sara nzara ti wali ti mba ti mo pepe, ataa zo ti kua ti lo ti koli, ataa zo ti kua ti lo ti wali, ataa bagara ti lo, ataa lele ti lo, ataa ye so kue lo yeke na ni.”

Sigingo 21:16

“Zo so anzi mbeni zo ti ka lo, wala lo ka lo awe wala a wara zo ni na ndo ti lo, alingbi ala fâ lo.

Amato 13:11

Mosoro so zo awara na loro ayeke ninga pepe; me mosoro so zo awara ni kete na kete ayeke wu.

Amato 14:23

Kua kue, futa ni ayeke daa; me zo so ayeke diko gi atënë senge senge, lo yeke ga wayere.

Amato 21:26

Ti londo na ndaperere ngbii asi na lakui, sarango nzara ti aye ahon ndö ti lo; me zo ti mbirimbiri amu ye na azo, lo gbanzi tanga ni pepe.

Amato 28:13

Zo so ahonde asioni ti lo, aye ti lo ayeke ga nzoni pepe; me zo so afa ni na gigi si lo zia lege ni, fade Nzapa ayeke sara nzoni be na lo.

Amato 30:9

Biani, tongana mbi yeke na gba ti aye, mbi lingbi ti bere tënë ti mo, mbi tene: ‘KOTA GBIA ni ayeke zo wa?’ Wala tongana mbi yeke wayere, mbi lingbi ti nzi ye. Tongaso, fade mbi yeke buba iri ti Nzapa ti mbi.

Amato 31:20

Maboko ti lo akpengba na mungo ye na zo ti mawa pepe; lo yeke mu ye na wayere.

Jérémie 7:9

So nyen! Ala yeke nzi, ala yeke fâ azo, ala yeke lango na akoli wala awali ti amba ti ala. Ala yeke de aba ti mvene, ala yeke zö dukani na *Baal, ala yeke mu peko ti anzapa so ala hinga ala kozoni pepe.

Osée 4:2

Ye so ahon ndoni na ya ti kodro ni ayeke dengo ba ti mvene, handango zo, fango zo, nzi, gingo wali wala gingo koli ti zo, tukungo mene na peko ti tere, na peko ti tere.

Zakarii 5:3

Tongaso lo tene na mbi: “Mbeti ni ayeke mbeti ti dengo ba so mbi yeke tokua na ndö ti kodro ni kue. Na le ti mbeti ni, na mbeni mbage ni oko, a su atene: fade a yeke tumba azo ti nzi kue na ya ti kodro ni; na le ti mbeni mbage ti buku ni, a su nga atene: fade a yeke tumba azo so kue ayeke deba ti mvene.

Nzoni Tënë so Luc asu na mbeti 19:8

Me Zachée aluti na le ti *Kota Gbia si lo tene: “Kota Gbia, baa, mbi yeke mu ndambo ti aye ti mbi kue na azo ti mawa. Tongana mbi nzi nginza ti zo na mayere, fade mbi yeke kiri ni na lo lege osio!”

Nzoni Tënë so Luc asu na mbeti 3:8

Ala sara ye so afa atene, ala zia ngbene lege ti sarango ye ti ala awe! Ala tene na be ti ala pepe, atene: ‘Abraham ayeke kotara ti e!’ Biani, mbi tene na ala: Nzapa alingbi ti mu atêne so ti sara si aga amolenge ti Abraham!

Jean 12:6

Lo tene tënë so, ngbanga ti so tënë ti azo ti mawa agbu be ti lo pepe, me ngbanga ti so lo yeke zo ti nzi: lo yeke bata bozo ti nginza si lo yeke nzi nginza so azo ayeke bi na ya ni.

Jean 13:29

Judas laa ayeke bata bozo ti nginza. Nilaa ambeni disiple atene na be ti ala, Jésus aye ti tene: “Gue mo vo kobe ti matanga ni”, wala “Gue mo mu mbeni ye na azo ti mawa.”

Rome 12:13

Ala mu maboko na azo ti Nzapa so ye atia ala, ala yamba agene nzoni.

1 Korente 4:12

E yeke wara kobe ti yanga ti e na gbiki ti li ti e. Azo ayeke zonga e, me e yeke sara tufa na ndö ti ala; azo ayeke sara ngangu na e, me e yeke kanga be ti e;

2 Korente 8:12

Biani, tongana zo ayeke na nzara ti mu ye si lo mu ni alingbi na ye so lo yeke na ni, Nzapa ayeke yamba ye ni; me ye so zo ayeke na ni pepe, Nzapa ayeke hunda ni pepe.

2 Korente 8:2

A-Eglize ni ayeke na ya ti pasi mingi, me be ti azo ni asi singo na ngia; ataa so ala yeke na ya ti kota mawa, ala mu ye ahon ndoni.

Galasii 6:10

Tongaso, na ya ti ngoi so angba na e, e sara nzoni na azo kue, mbirimbiri na azo so, e na ala e ga sewa oko na lege ti mabe.

1 Timothée 6:18

Ayeke nzoni azo ti mosoro asara nzoni ye, ala ga azo ti mosoro na lege ti sarango anzoni ye, ala mu ye na azo, ala kanga maboko ti ala daa pepe, ala kangbi aye ti ala na amba ti ala.

Tite 3:14

Alingbi azo ti e nga amanda lege ti mu tere ti ala kue ti sara anzoni ye. Tongaso, tongana mbeni ye atia, ala lingbi ti mu maboko ndali ni, ala duti gi senge pepe.

Tite 3:8

Tënë so ayeke taa-tënë. Mbi ye mo tene tënë na ndö ni ngangu si azo so ama na be na Nzapa azia be ti ala na sarango anzoni ye. So laa ayeke nzoni si azo alingbi ti wara ye daa.