Efeze 4:26 - Mbeti ti Nzapa - Tënë so amu fini

²⁶ Tongana ala sara ngonzo, ala sara hange si ala sara siokpari pepe; ala bata ngonzo na be ti ala ngbii asi na lakui pepe.

Efeze 4:26 ပူးပေါင်းရင်းမြစ်များ

Abia (Psaumes) 37:8

Mo zia ngonzo, mo ke lege ti sioni ngonzo; mo sara ngonzo pepe, tongaso pepe, fade ye ni ayeke ga sioni.

Abia (Psaumes) 4:4

Ayeke nzoni ala hinga atene, *KOTA GBIA azia zo ti lo nde; zo ti lo so abata be ti lo na Nzapa. KOTA GBIA ayeke ma mbi tongana mbi iri lo.

Sigingo 11:8

Moïse akiri atene: Na ndembe ni so, fade azo ti gbe ti mo so ayeke ge so ayeke ga na mbage ti mbi, ala yeke kuku ti kpo li ti ala na sese na gbe ti mbi si ala yeke tene na mbi, atene: ‘Hon kâ, mo na azo so kue amu peko ti mo so!’ Na pekoni, mbi yeke hon.” Tongaso Moïse alondo na ndo ti Faraon, lo sigigi na ngonzo ti wâ na be ti lo.

Amato 14:29

Zo so asara ngonzo hio hio pepe, lo hinga ndo mingi; me zo so be ti lo ayeke wâ wâ, lo yeke fa buba ti lo na le ti azo.

Amato 19:11

Zo ti hingango ndo ayeke sara ngonzo hio hio pepe; tongana azo asara sioni na lo si lo baa ni tongana ye pepe, tongaso laa lo yeke ne tere ti lo.

Amato 25:23

Tongana ti so pupu ti Banga ayeke ga na ngu-Nzapa, tenengo sioni tënë na hondengo ni na tere ti zo asara si ngonzo ti lo alondo.

Zo ti bongbingo azo 7:9

Alingbi mo sara ngonzo hio hio pepe; azo ti buba laa ayeke sara ngonzo hio hio.

Wungo ti azo 20:24

“Aaron aga nduru ti kui, ti gue na peko ti akotara ti lo. Fade lo yeke li pepe na ya ti kodro so mbi mu na azo ti Israel, ngbanga ti so ala ke ti ma yanga ti mbi na ngu ti Meriba.

Matthieu 5:22

Ti mbi, mbi tene na ala: zo so asara ngonzo na tere ti ita ti lo, fade a yeke gue na lo na ngbanga; zo so atene na ita ti lo: ‘Buba zo!’, fade a yeke gue na lo na gbe ti azo ti *Kota Bongbi ti Fango Ngbanga; zo so atene na ita ti lo: ‘Mo, zo ti gbogbolinda so!’, lo lingbi titene a bi lo na ndo so wâ ayeke gbi daa lakue.

Marc 10:14

So Jésus abaa ye so, ngonzo agbu lo si lo tene na adisiple ni, lo tene: “Ala zia akete molenge aga na mbi! Ala kanga lege na ala pepe, ngbanga ti so *Kodro-gbia ti Nzapa ayeke ndali ti azo so ayeke tongana amolenge so.

Marc 3:5

Jésus abaa le ti ala oko oko kue na ngonzo; be ti lo awara vundu ngbanga ti sioni be ti ala. Lo tene na koli ni: “Yoro ya ti maboko ti mo.” Lo yoro ni si maboko ti lo akiri aga nzoni.

Ndia ti fani use ni 24:15

Gi na lango so lo sara kua na mo, mo futa lo; mo futa lo kozoni si ndo avuko, ngbanga ti so lo yeke wayere, be ti lo ayeke gi na ndö ti futa ni so. Tongana mo futa lo pepe si lo toto na iri ti mo na *KOTA GBIA, andaa siokpari ati na li ti mo awe.

Jacques 1:19

A-ita ti mbi so mbi ye ala mingi, ala dabe ti ala na tënë so: alingbi zo oko oko azi mê ti lo hio ti ma na tënë, me alingbi lo tene tënë hio hio pepe, lo sara ngonzo hio hio pepe.

Jacques 1:20

Biani, zo so asara ngonzo ayeke sara ye ti mbirimbiri na le ti Nzapa pepe.

1 Samuel 20:34

Jonatan asara ngonzo mingi, lo londo na tere ti kobe ni, lo ke ti te kobe na use lango ti matanga ti fini nze so. Be ti lo aso mingi ndali ti David, ngbanga ti so babâ ti lo azonga David mingi.