Efeze 4:25 - Mbeti ti Nzapa - Tënë so amu fini

²⁵ Ndani laa, ala zia lege ti tenengo mvene! Zo oko oko atene taa-tënë na mba ti lo, ngbanga ti so e oko oko kue, e yeke gi na ya ti tere oko.

Efeze 4:25 ပူးပေါင်းရင်းမြစ်များ

1 Agbia 13:18

Wayanga-Nzapa ni atene na lo: “Mbi nga, mbi yeke wayanga-Nzapa tongana mo. Andaa mbeni *ange atene na mbi peko ti tënë ti yanga ti KOTA GBIA, atene: ‘Mu lo, mo ga na lo na da ti mo, lo te kobe, lo nyon ngu.’ ” Andaa mvene laa lo tene.

Abia (Psaumes) 119:29

Bata mbi si mbi mu lege ti tenengo mvene pepe; na lege ti nzoni be ti mo, fa na mbi ndia ti mo.

Abia (Psaumes) 15:2

Zo so tambula ti lo alingbi kue, zo so sarango ye ti lo ayeke mbirimbiri si lo yeke tene taa-tënë alingbi na tënë so ayeke na be ti lo.

Abia (Psaumes) 52:3

Mo zo ti ngangu, mo yeke gonda tere ti mo ndali ti sioni so mo sara ngbanga ti nyen? Nzoni be ti Nzapa angba lakue.

Sigingo 23:7

Ala zia mê ti ala ti ma atënë ti mvene pepe. Zo so tënë ayeke na li ti lo pepe wala zo ti mbirimbiri, ala fâ lo pepe. Biani, mbi Kota Gbia, zo so tënë ayeke na li ti lo, mbi yeke zia lo senge tongaso pepe.

Amato 12:17

Zo so ayeke tene taa-tënë, lo yeke zia lege na ye ti mbirimbiri; me zo so adu mvene na le ti ngbanga, lo yeke zia lege na tënë ti handa.

Amato 12:19

Taa-tënë ayeke ngba lakue; me tënë ti mvene ayeke ninga gi nzene-ngbonga.

Amato 12:22

Be ti KOTA GBIA ake mingi azo ti mvene; me lo ye azo so ayeke sara ye na lege ti taa-tënë.

Amato 21:6

Azo so aye ti wara mosoro na lege ti tenengo mvene ayeke gi kuâ; ye so ala wara ayeke tongana guru so pupu amu ahon na ni.

Amato 24:28

Mo bi tënë na li ti mba ti mo senge senge pepe. Mo ye ti handa ndo na lege ti atënë ti yanga ti mo?

Amato 6:17

le so abaa ndo na baba, yanga so ayeke tene mvene, maboko so ayeke tuku mene ti azo so tënë ayeke na li ti ala pepe;

Amato 8:7

Biani, mbi yeke tene taa-tënë, ngbanga ti so mbi ke na kuru go asioni tënë.

Ésaïe 63:8

Lo tene tënë ti azo ti Israel, lo tene: “Biani, ala yeke azo ti mbi; amolenge ti mbi so alingbi ti handa mbi pepe.” Lo laa lo yeke wasongo ala.

Ésaïe 9:15

Azo so afa lege na azo ni so, ala fa na azo ni sioni lege; azo so azo ni afa lege na ala so, ala mu sioni lege.

Osée 4:2

Ye so ahon ndoni na ya ti kodro ni ayeke dengo ba ti mvene, handango zo, fango zo, nzi, gingo wali wala gingo koli ti zo, tukungo mene na peko ti tere, na peko ti tere.

Awayango-sandaga 19:11

“Alingbi ala nzi pepe, ala tene mvene pepe, ala handa amba ti ala pepe.

Zakarii 8:16

Aye so alingbi ala sara ni ayeke so: Zo oko oko atene taa-tënë na mba ti lo; na ya ti afango ngbanga ti ala, ala fâ ngbanga na lege ti taa-tënë si siriri aga.

Zakarii 8:19

Tënë so KOTA GBIA so ayeke na ndö ti dunia kue atene ayeke so: “Alango ti kengo kobe so ala azo ti Juda, ala yeke ke na ya ti osio nze ni, oku nze ni, mbarambara nze ni nga na nze baleoko ni ti ngu oko oko, fade alango ni so ayeke kiri ti ga alango ti matanga, alango ti ngia na ti kota ngia nga na ti nzoni matanga. “Me ayeke nzoni ala ye taa-tënë nga na siriri.”

Jean 8:44

Babâ ti ala ayeke Zabolo, ala ye ti sara gi ye so be ti lo aye; kua ti lo ngbene ye na tongo nda ni laa. Lo gi lege laoko ti tene taa-tënë pepe, ngbanga ti so taa-tënë ayeke na ya ti fini ti lo pepe. Mvene ayeke ye ti tere ti lo, ngbanga ti so lo yeke zo ti mvene si lo yeke babâ ti mvene.

Rome 12:5

E nga, ataa so e yeke mingi, e ga tere oko awe na lege ti gango so e ga oko na Christ; e kue, e yeke bongbi na amba ti e na ya ti tere oko so, zo oko oko na ndo ti lo na ya ti tere ni.

1 Korente 10:17

So mapa ni ayeke gi oko, e kue, e bongbi, e ga tere oko, ngbanga ti so e kue, e yeke te gi mapa oko so.

2 Korente 7:14

Lani, mbi gonda tere ti mbi ndali ti ala na le ti lo, me kamene ni asara mbi pepe. Tongana ti so lakue e yeke tene na ala taa-tënë, gondango tere ti e ndali ti ala na le ti Tite aga nga taa-tënë awe.

Efeze 4:15

Me tongana e yeke tene taa-tënë na lege ti ndoye, fade e yeke kono na ya ti aye kue ngbii e ga tongana Christ so ayeke li ti Eglize.

Efeze 4:22

Tongaso, alingbi ala zia ngbene lege ti dutingo ti ala. Ando, anzara ti be ti ala ayeke handa ala si ayeke buba ala. Alingbi ala zia ngbene dutingo ti ala ti zo tongana ti so zo ayeke zi gbagba bongo na tere ti lo.

Efeze 4:31

Batango zo na be, songo be, ngonzo, dekongo na li ti zo, zongango zo, sarango sioni na zo, alingbi aye tongaso ayeke na popo ti ala mbeni pepe.

Efeze 5:30

Andaa e yeke ambage ti tere ti lo.

Kolose 3:8

Me fadeso, ala nga, ala zia aye so kue: ngonzo, songo be, sioni be, zongango ndo; abuba tënë asigigi na yanga ti ala pepe.

Kolose 3:9

Ala tene mvene na popo ti ala pepe, ngbanga ti so ala zi ngbene dutingo ti ala ti zo na asarango ye ti lo awe, tongana ti so zo ayeke zi gbagba bongo na tere ti lo.

1 Timothée 1:10

azo ti gingo wali wala gingo koli kirikiri, akoli so ayeke lango na amba ti ala akoli, azo so ayeke ka amba ti ala na ngbaa, azo ti mvene, azo so ayeke deba na tënë ti mvene, ala na azo so ayeke sara ye so ayeke nde na fango ye so ayeke mbirimbiri.

1 Timothée 4:2

Ala yeke girisa lege ndali ti azo ti tenengo mvene so tënë ti yanga ti ala ayeke nde na sarango ye ti ala, be ti ala ayeke na nzoroko ti sioni ye so a su ni na wen so a yoro na ya ti wâ si abe.

Tite 1:12

Mbeni zo oko na popo ti ala, mbeni wayanga-nzapa ti ala wani atene: “Azo ti Krete ayeke tene gi mvene lakue, ala yeke asioni nyama, ala yeke azo ti sopo so ayeke te kobe gi na mbana.”

Tite 1:2

tongaso si ala zia be ti ala ti ku fini so angba lakue lakue. Nzapa ayeke tene mvene pepe; kozo si dunia abaa gigi, Nzapa amu zendo ti mu na ala fini ni so.

Ahebro 12:1

So gba ti azo so asara ando ye na lege ti mabe ti ala ayeke ngoro e, ayeke nzoni e nga, e zi na ndö ti e akungba so kue ayeke sara si e tambula gbaa so, e zia nga lege ti siokpari so ayeke gbu e hio hio na ya ti gbanda ti lo. E kpe loro ti mandako so e yeke na ya ni so ngangu, e zia lege ni pepe.

Jacques 1:21

Ndani laa, ala zia lege ti sarango aye ti potopoto kue nga na lege ti sarango sioni ye kue. Ala yeda na nzoni be na tënë so Nzapa alu na ya ti be ti ala, tënë ni alingbi ti soo ala.

1 Pierre 2:1

Ala zia lege ti sarango amara ti asioni kue nga na sarango ye ti mayere. Tënë ti yanga ti ala ague nde na sarango ye ti ala pepe, ala zia lege ti kota be na ti dikongo asioni tënë na iri ti azo.

Aye so Nzapa afa 21:8

Me ti azo ti mbeto, azo so azia lege ti mabe, azo ti sarango asioni ye, azo ti fango zo, azo ti sarango aye ti ndumba, azo ti guengo na gbe ti yoro, azo ti vorongo anzapa nde nga na azo ti mvene kue, ye so a leke ti ku na ala ayeke kota le ti wâ ti *sufre. So laa ayeke kuâ ti use ni.”

Aye so Nzapa afa 22:15

Na gigi, azo so sarango ye ti ala akpa ti mbo, azo ti guengo na gbe ti yoro, azo ti sarango aye ti ndumba, azo ti fango zo nga na azo so aye mvene si ayeke tene mvene!

Awafango-ngbanga 16:11

Samson atene na lo: “Tongana a kanga mbi na fini kamba so ade ti kanga na ye laoko pepe, mbi yeke woko kue si mbi yeke ga tongana senge zo.”