Efeze 4:23 - Mbeti ti Nzapa - Tënë so amu fini

²³ Alingbi ala zia lege titene be ti ala na yingo ti ala aga fini ni.

Efeze 4:23 ပူးပေါင်းရင်းမြစ်များ

Abia (Psaumes) 51:10

Sara si mbi ma atënë ti ngia si tere ti mbi anzere. Tongaso si mbi so mo kungbi mbi awe, mbi londo ti dodo.

Ezekiel 11:19

Fade mbi yeke mu na ala be oko, mbi yeke zia na ya ti ala fini yingo; mbi yeke zi be ti ala so akpengba tongana têne si mbi yeke mu na ala be ti zo.

Ezekiel 18:31

Ala bi asioni sarango ye ti ala yongoro, ala sara si be ti ala na yingo ti ala aga fini ni! Ala azo ti Israel, ala ye ti kui ngbanga ti nyen?

Ezekiel 36:26

Mbi yeke mu na ala fini be, mbi yeke zia fini yingo na ya ti ala. Mbi yeke zi be ti ala so akpengba tongana têne si mbi yeke mu na ala be ti zo

Rome 12:2

Ala mu lege ti dutingo ti azo ti dunia so pepe, me ala zia Nzapa asanze fini ti ala, lo mu na ala fini gbungo-li. Tongaso, fade ala lingbi ti hinga ye so Nzapa aye: ye so ayeke nzoni, ye so anzere na be ti lo, ye so ayeke nzoni kue.

Rome 6:4

Tongaso, na lege ti bateme, a lu e legeoko na Christ si e ga oko na lo na lege ti kuâ so lo kui; me Christ azingo na kuâ na lege ti ngangu ti Babâ titene e nga, e sara si dutingo ti e aga nde.

Rome 8:6

Asioni nzara ti be ti zo ayeke gue na lo na kuâ; me zo so be ti lo ayeke gi na ndö ti ye so Yingo aye, fade lo yeke duti na fini nga na siriri.

Efeze 2:10

Taa-tënë, Nzapa laa asara e; na gango so e ga oko na Jésus Christ, Nzapa aleke e titene e mu tere ti e kue ti sara anzoni ye so lo leke kozoni titene e sara.

Kolose 3:10

Ala yu fini dutingo ti zo awe tongana ti so zo ayeke yu fini bongo. Nzapa so asara ala si ala ga afini zo, lo yeke sara titene ala ngba lakue ti ga tongana lo, tongaso si ala yeke hinga lo mbirimbiri.

Tite 3:5

lo soo e na kuâ. Mbeni ye ti nzoni so e wani, e sara na lege ti mbirimbiri ti e titene lo soo e ndali ni ayeke daa pepe, me lo soo e, ngbanga ti so lo baa mawa ti e. Lo soo e, lo sukula e na lege ti Yingo-Vuru so asara si e ga fini zo si e wara fini kode ti dutingo ni.

1 Pierre 1:13

Ndani laa, ala leke be ti ala ti sara kua, le ti ala akpengba si ala zia be ti ala kue ti ku anzoni ye so ala yeke wara ande na ndembe so Jésus Christ ayeke si.