Efeze 4:22 - Mbeti ti Nzapa - Tënë so amu fini

²² Tongaso, alingbi ala zia ngbene lege ti dutingo ti ala. Ando, anzara ti be ti ala ayeke handa ala si ayeke buba ala. Alingbi ala zia ngbene dutingo ti ala ti zo tongana ti so zo ayeke zi gbagba bongo na tere ti lo.

Efeze 4:22 ပူးပေါင်းရင်းမြစ်များ

Mbeti ti Job 22:23

Tongana mo kiri na mbage ti lo so ngangu ti lo ahon angangu kue, fade lo yeke zia mo na ndo ti mo. Me ye ti sioni, mo zia yongoro na da ti mo.

Amato 11:18

Futa so zo ti sioni awara ayeke senge ye; me zo so asara ye ti mbirimbiri, lo yeke wara nzoni ye na peko ni biani.

Jérémie 17:9

“Be ti zo ayeke handa zo ahon tanga ti aye kue; zo alingbi ti kai kobela ni pepe. Zo wa laa alingbi ti hinga be ti zo?”

Jérémie 49:16

Ando, mo yeke zia mbeto na be ti azo kue, mo baa tere ti mo kota mo hon azo kue, andaa mo handa tere ti mo wani. Mo so mo yeke lango na ya ti adu ti têne so, mo so ndo ti duti ti mo ayeke na li ti ahoto so, ataa mo sara da ti mo yongoro na nduzu ahon ti *ngoalo, mbi yeke gboto mo kâ ti bi mo na sese.” So tënë ti yanga ti KOTA GBIA laa.

Abdias 1:3

Baba ti mo so mo yeke sara mingi so ahanda ala awe! Mo yeke lango na popo ti akota têne, mo sara ndo ti lango ti mo na ndo so ayeke na nduzu si mo yeke tene na be ti mo, mo tene: ‘Zo wa laa alingbi ti mu mbi ti bi mbi na sese, zo wa?’

Rome 6:6

E hinga so dutingo ti e ti kozo akui legeoko na Christ na ndö ti keke ti kroa awe. Tongaso sioni nzara ti be ti e akui nga si e kiri e duti na gbe ti ngbaa ti siokpari pepe.

Rome 7:11

Biani, na lege ti tënë ti Ndia laa siokpari awara lege ti handa mbi si afâ mbi.

2 Korente 11:3

Me ala dabe ti ala na ye so: ngbo ahanda ando Eve na lege ti mayere ti lo si Eve agirisa lege. Mbeto asara mbi titene be ti ala ague kirikiri si ala zia peko ti Christ so ala mu lani tere ti ala kue na lo na vurungo be so.

Galasii 1:13

Biani, a-ita, ala ma tënë ti sarango ye ti mbi na ndembe so mbi yeke voro ando Nzapa tongana ti azuife. Ala hinga so mbi sara ando ngangu mingi na *Eglize ti Nzapa si mbi ye nga ti buba Eglize ni biani.

Efeze 2:3

E nga kue, e yeke ando tongana ala: e yeke sara aye na lege ti asioni nzara ti be ti e, e yeke sara ye so be ti e aye na ye so anzere na be ti e. E nga, ngonzo ti Nzapa alingbi ti ti na li ti e tongana tanga ti azo kue ndali ti so a du e zo.

Efeze 4:17

Tongaso, na iri ti *Kota Gbia, mbi yeke tene tënë so biani na ala: ala kiri asara ye tongana ti azo ti amara nde pepe, ngbanga ti so atënë ti be ti azo ti amara nde ayeke buba ye.

Efeze 4:25

Ndani laa, ala zia lege ti tenengo mvene! Zo oko oko atene taa-tënë na mba ti lo, ngbanga ti so e oko oko kue, e yeke gi na ya ti tere oko.

Efeze 4:31

Batango zo na be, songo be, ngonzo, dekongo na li ti zo, zongango zo, sarango sioni na zo, alingbi aye tongaso ayeke na popo ti ala mbeni pepe.

Kolose 2:11

So ala ga oko na Christ, a fâ ala na *ganza awe. Ganza so a fâ ala na ni, azo laa afâ ala na ni pepe, me ganza ni alondo na Christ wani. Ganza ni azi ala na gbe ti ngangu ti siokpari so ayeke na ya ti tere ti ala ti zo.

Tite 3:3

E nga, e yeke ando azo so li ti e ayeke daa pepe, azo ti ngangu li, azo so agirisa lege. Ando, e mu be ti e kue ti sara aye so anzere na be ti e si nzara ti aye nde nde ahon ndö ti e; e yeke azo ti sioni si e yeke sara kota be na tere ti amba ti e. Azo ayeke ke e; e nga, e yeke ke tere na popo ti e.

Ahebro 12:1

So gba ti azo so asara ando ye na lege ti mabe ti ala ayeke ngoro e, ayeke nzoni e nga, e zi na ndö ti e akungba so kue ayeke sara si e tambula gbaa so, e zia nga lege ti siokpari so ayeke gbu e hio hio na ya ti gbanda ti lo. E kpe loro ti mandako so e yeke na ya ni so ngangu, e zia lege ni pepe.

Ahebro 3:13

Me so ngoi so Mbeti ti Nzapa airi ni “laso” angba, ala mu wango na popo ti ala lakue si siokpari ahanda mbeni zo pepe, tongaso si lo ga zo ti ngangu li pepe.

Jacques 1:21

Ndani laa, ala zia lege ti sarango aye ti potopoto kue nga na lege ti sarango sioni ye kue. Ala yeda na nzoni be na tënë so Nzapa alu na ya ti be ti ala, tënë ni alingbi ti soo ala.

Jacques 1:26

Tongana mbeni zo atene na be ti lo atene, ni yeke voro Nzapa si lo bata yanga ti lo pepe, andaa lo yeke handa tere ti lo wani; vorongo Nzapa ti lo ni ayeke gi senge senge.

1 Pierre 1:18

Ala wara nzoni ye oko pepe na lege ti sarango ye so ala mu na peko ti akotara ti ala. Me ala hinga awe ye so azi ala na ya ti sarango ye ni so, ye ni alingbi ti buba tongana nginza wala lôro pepe;

1 Pierre 4:3

Ando, ala mu ngoi mingi ti sarango na aye tongana ti azo so ahinga Nzapa pepe. Ala yeke sara aye ti ndumba, ala yeke sara nzara ti aye ti amba ti ala, ala yeke angbaa ti samba, ala yeke sara matanga ti te, ti nyon butuma, ala yeke voro anzapa nde, ye so akpa titene zo asara ni pepe.

2 Pierre 2:13

Futa so ala yeke wara ande na peko ti sarango ye ti kirikiri ti ala ni laa. Ye so anzere na be ti azo ni ayeke sarango ye ti kamene na kota lâ. Tongana ala duti na ndo oko na ala, a-ita, ti te ti nyon, so ayeke mbeni ye ti kamene si ayeke sara titene iri ti ala abuba. Azo ni ayeke wara ngia na lege ti handango ala, a-ita.

2 Pierre 2:7

Nzapa azi Lot, zo ti mbirimbiri; be ti Lot aso lani mingi na sarango ye ti potopoto ti asioni zo ti ngoi ti lo.

1 Samuel 1:14

Heli atene na lo: “Samba ti mo ni ayeke hon ande na le ti mo pepe? Mo gi ndo, mo hon na ni daa.”