Efeze 4:18 - Mbeti ti Nzapa - Tënë so amu fini

¹⁸ Hingango ndo ti ala ayeke na ya ti vukongo ndo; fini so Nzapa ayeke mu na zo, ala wara ni pepe, ngbanga ti so be ti ala akpengba si ala hinga ndo pepe.

Efeze 4:18 ပူးပေါင်းရင်းမြစ်များ

Abia (Psaumes) 74:20

Baa ndo na tënë ti mbuki ti mo si! Na ndo so avuko vukongo na ya ti kodro ni, azo ahonde tere ti ala ti sara ngangu na amba ti ala.

Ésaïe 25:7

Na ndö ti hoto so, lo yeke zi bongo ti mua so akanga ndö ti azo kue, lo yeke zi nga bongo so a bi na ndö ti amara kue.

Ezekiel 14:5

Tongaso, fade tënë ti mbi ayeke ndu be ti azo ti Israel, ala so kue ague yongoro na mbi ndali ti ayanda ti ala so.

Daniel 5:20

Me na pekoni, pikango kate ahon ndö ti lo si lo baa tere ti lo kota ahon azo kue. Tongaso Nzapa azi lo na ndö ti mbata ti gbia si azo akiri ane lo pepe.

Awayango-sandaga 11:16

*naamo, shuete, muete, na mara ti andeke nde nde ti gbungo kondo,

Matthieu 13:15

Biani, be ti azo ni akpengba; ala kanga mê ti ala, ala kanga le ti ala titene ala baa ndo pepe, titene ala ma ndo pepe, titene ala ma ya ti atënë pepe si ala zia pepe ngbene lege ti sarango ye ti ala, tongaso si mbi kai kobela ti ala.’

Marc 3:5

Jésus abaa le ti ala oko oko kue na ngonzo; be ti lo awara vundu ngbanga ti sioni be ti ala. Lo tene na koli ni: “Yoro ya ti maboko ti mo.” Lo yoro ni si maboko ti lo akiri aga nzoni.

Jean 12:40

“Nzapa asara si le ti ala akanga, lo sara si ala hinga ndo pepe. Tongaso si ala baa ndo pepe, ala hinga ndo pepe si ala zia ngbene lege ti sarango ye ti ala pepe. Tongaso si mbi kai kobela ti ala pepe.”

Awatokua 17:30

Me ngoi so zo ahinga ye pepe, Nzapa abaa ni senge. Fadeso, lo yeke iri azo kue, na ndo kue titene ala zia ngbene lege ti sarango ye ti ala.

Awatokua 3:17

“Fadeso a-ita, mbi hinga, mbi tene, ye so ala na amakonzi ti ala asara na Jésus, ala hinga ni pepe.

Rome 1:28

So ala ke ti hinga Nzapa awe, lo zia ala titene hingango ndo ti ala aga kirikiri si ala sara ye so zo alingbi fade ti sara pepe.

Rome 11:25

A-ita, mbi ye titene ala hinga taa-tënë so a sigigi na nda ni awe, tongaso si ala baa tere ti ala tongana azo ti ndara pepe. Tënë ni ayeke so: fade ambeni zo ti Israel ayeke ngba ti sara ngangu li ngbii asi na ndembe so wungo ti azo ti amara nde alingbi, so ti tene ala so ayeke li na popo ti azo ti Nzapa.

Rome 11:7

Nyen? Ye so azo ti Israel agi, ala wara ni pepe, gi azo so Nzapa asoro ala laa awara ye ni. Me ti tanga ti azo ni, Nzapa asara si mango ya ti tënë ni aga ngangu na ala,

Rome 2:19

Mo tene na be ti mo, mo tene, mo yeke zo ti fango lege na awaziba si mo yeke lumiere ndali ti azo so ayeke na ya ti vukongo ndo,

1 Korente 1:21

Biani, azo ti dunia so, na ndara ti ala wani alingbi ti hinga Nzapa pepe, ataa na ndo so lo fa ndara ti lo daa. Ndani laa, lo leke na be ti lo ti soo azo so ama na be gi na lege ti tënë so e yeke fa si akpa buba tënë so.

1 Korente 2:8

Mbeni oko na popo ti ala so ayeke na komandema na ndö ti dunia so ahinga tënë ti ndara ni pepe. Tongana ala hinga ni fade, ka ala fâ *Kota Gbia na ndö ti keke ti kroa pepe, Kota Gbia so alingbi na gonda.

2 Korente 3:14

Me lege ti hingango ndo ti ala akanga ando! Ndani laa, ti londo na ndembe ni so ngbii asi laso, tongana ala yeke diko mbeti ti Kozo Mbuki, bongo ni angba ti kanga le ti ala; a de azi bongo ni so pepe. A yeke zi bongo ni gi na le ti zo so aga oko na Christ.

2 Korente 4:4

azo so ake ti ma na be. Sioni nzapa ti sese so akanga lege ti hingango ndo ti ala titene ala baa zango ti Nzoni Tënë pepe. Andaa Nzoni Tënë ni ayeke fa gonda ti Christ, lo so lo yeke limo ti Nzapa.

Galasii 4:8

Ando, ala hinga Nzapa pepe, ala yeke angbaa ti aye so ala baa ti ala atene, ayeke anzapa, andaa aye ni so ayeke anzapa biani pepe.

Efeze 2:1

Ando na le ti Nzapa, ala yeke azo so akui awe ndali ti asioni ye na asiokpari so ala sara.

Efeze 2:12

ando, ala yeke yongoro na Christ, mbeni ye ti ala oko so ala lingbi ti wara na popo ti azo ti Israel ayeke daa pepe. Nzapa asara si azo so lo mu zendo na ala, lo sara *ambuki na ala; me ala azo ti amara nde, ala yeke na ya ti ambuki so pepe. Mbeni ye so ala lingbi ti zia be ti ala daa ti ku na dunia so ayeke daa pepe; ala hinga Nzapa pepe.

Kolose 1:21

Ala, azo ti Nzapa, ala yeke ando azo so akangbi na lo, ala yeke awato ti lo ndali ti sioni tënë ti be ti ala nga na aye ti kirikiri so ala sara.

1 Tesalonike 4:5

Ala sara ye na lege ti asioni nzara ti be ti ala pepe, tongana ti azo ti amara nde so ahinga Nzapa pepe.

Ahebro 5:2

Na lege ti sarango ye ti lo, ambeni ye mingi atia kota wayango-sandaga ni. Nilaa lo lingbi ti baa mawa ti azo so agirisa lege nga na ala so ahinga atene, sioni ye laa ala sara pepe.

Ahebro 9:7

Me zo so ayeke li na ya ti use ndo ni ayeke gi kota wayango-sandaga oko. Lo yeke li na ya ni gi fani oko na ya ti ngu oko. Tongana lo yeke li na ya ni, alingbi lo mu mene ti anyama ti mu na *sandaga na Nzapa ndali ti asiokpari ti lo wani, na pekoni, lo yeke mu sandaga ndali ti asiokpari so azo asara ni si ala hinga pepe so.

Jacques 4:4

Ala so ado lege ti Nzapa azia so! Ala hinga pepe? Zo so aye tënë ti aye ti dunia so, andaa lo ke Nzapa awe; zo so aye tënë ti aye ti dunia so, andaa lo ga wato ti Nzapa awe.

1 Pierre 1:14

Ala sara ye tongana amolenge so ayeke ma ndo. Ala sara ye pepe na lege ti anzara ti be ti ala so ala yeke na ni ando, na ngoi so ala de ti hinga ndo pepe so.

1 Jean 2:11

Me zo so be ti lo ake ita ti lo, andaa lo yeke na ya ti vukongo ndo; lo yeke tambula na ya ti vukongo ndo, lo hinga ndo so lo yeke gue daa pepe, ngbanga ti so vukongo ndo ni avuko le ti lo awe.