Efeze 4:12 - Mbeti ti Nzapa - Tënë so amu fini

¹² Lo sara tongaso titene azo ti Nzapa aga azo so alingbi ti sara kua si Eglize so ayeke tere ti Christ amai,

Efeze 4:12 ပူးပေါင်းရင်းမြစ်များ

Nzoni Tënë so Luc asu na mbeti 22:32

Me mbi sambela ngbanga ti mo si mabe ti mo ati pepe. Tongana mo kiri ande na mbage ti mbi, ayeke nzoni mo sara titene a-ita ti mo akpengba.”

Awatokua 1:17

Judas ayeke lani na popo ti e si a mu na lo mbage ti kua so e yeke sara so titene lo sara.

Awatokua 1:25

ti sara kua ti watokua na peko ti Judas so azia kua ni ti gue na ndo so alingbi na lo.”

Awatokua 11:23

So lo si, lo baa lege so Nzapa asara nzoni be na azo ni. Be ti lo asi na ngia si lo mu wango na ala titene ala kue angba ti mu peko ti Kota Gbia lakue.

Awatokua 20:24

Me mbi baa so fini ti mbi ayeke senge ye na le ti mbi. Ye so mbi yeke gi lege ni, ayeke ti hunzi kua ti mbi, ti sara ye so kue Kota Gbia Jésus amu na mbi ti sara, so ti tene kua ti fango Nzoni Tënë ti nzoni be ti Nzapa na azo.

Awatokua 20:28

Ala sara hange na lege ti dutingo ti ala, ala bata nzoni ataba so Yingo-Vuru azia na maboko ti ala. Ala bata nzoni azo ti Eglize so Nzapa asoro ala na lege ti mene ti molenge ti lo.

Awatokua 9:31

Tongaso *Eglize ti sese ti Judée kue, ti Galile na ti Samarii ayeke lani na siriri. Na lege ti ngangu ti Yingo-Vuru, Eglize ni ayeke kpengba, ayeke kpe mbeto ti Kota Gbia si ayeke mai.

Rome 12:5

E nga, ataa so e yeke mingi, e ga tere oko awe na lege ti gango so e ga oko na Christ; e kue, e yeke bongbi na amba ti e na ya ti tere oko so, zo oko oko na ndo ti lo na ya ti tere ni.

Rome 12:7

Zo so ayeke na matabisi ti sarango kua na amba ti lo, alingbi lo sara kua ni. Zo so ayeke na matabisi ti fango ye, alingbi lo fa ye.

Rome 14:19

Tongaso, alingbi e gi ye so ayeke ga na siriri si e oko oko kue, e kpengba na lege ti mabe.

Rome 15:14

A-ita ti mbi, mbi wani, mbi hinga biani na be ti mbi so nzara ti sarango nzoni ye asi singo na be ti ala; mbi hinga so, ala hinga ndo nzoni mingi si ala lingbi nga ti mu wango na popo ti tere.

Rome 15:2

E oko oko kue, e gi ti sara ye so anzere na amba ti e ndali ti nzoni ti ala, tongaso si ala kpengba na lege ti mabe.

Rome 15:29

Mbi hinga so na singo ti mbi na ala kâ, fade Christ ayeke sara tufa gbani gbani na ndö ti ala na lege ti mbi.

1 Korente 12:27

Biani, ala kue, ala yeke tere ti Christ, ala oko oko kue ayeke ambage ti tere ti lo.

1 Korente 12:7

Yingo ayeke sara kua na ya ti zo oko oko na lege ti matabisi so a mu na zo ni ndali ti nzoni ti atanga ti azo ni kue.

1 Korente 14:12

So ala yeke na nzara mingi ti wara amatabisi ti Yingo, ayeke nzoni ala gi ti wara amatabisi so ayeke sara titene Eglize akpengba.

1 Korente 14:14

Tongana mbi yeke sambela na ambeni yanga nde, yingo ti mbi ayeke sambela, me hingango ndo ti mbi ayeke sara kua oko pepe.

1 Korente 14:26

Tongaso a-ita, fade e yeke sara tongana nyen? Tongana ala bongbi, mbeni zo na popo ti ala alingbi ti he mbeni bia, mbeni afa ye wala lo tene tënë ti mbeni ye so Nzapa afa na lo, mbeni atene tënë na ambeni yanga nde, mbeni akiri peko ti tënë ni na yanga ti kodro titene azo ama ya ni. Aye so kue ala yeke sara, alingbi ala sara ni titene azo ti *Eglize akpengba.

2 Korente 12:19

Aninga mingi, ala baa ti ala atene, e yeke gi ti ga mbirimbiri na le ti ala? Oko pepe. Ndali ti gango so e ga oko na Christ, e yeke tene tënë so na le ti Nzapa. A-ita ti mbi so mbi ye ala mingi, ye so kue mbi sara so, mbi sara ni titene Eglize ti ala akpengba.

2 Korente 13:11

Ti hunzi na ni, a-ita, ala duti na ngia! Ala gi lege ti ga nzoni kue, ala mu wango ti kpengba na amba ti ala, ala ma tere na popo ti ala, ala duti na siriri si Nzapa so aye zo si ayeke mu siriri na zo, fade lo yeke duti na ala.

2 Korente 13:9

Lakue, be ti e ayeke na ngia tongana e yeke na ngangu pepe si ala yeke ti ala na ngangu. Ye so e yeke sambela ndali ni ayeke titene ala ga nzoni kue.

2 Korente 3:8

fade kua so Yingo ayeke sara, gonda ni ayeke kiri ti hon gonda ti ndia mingi!

2 Korente 4:1

Nzapa asara nzoni be na e si lo mu na e kua ni so, nilaa be ti e awoko pepe.

2 Korente 5:18

Ye kue alondo na Nzapa, lo so lo sara si songo akiri na popo ti e na lo na lege ti Christ. Lo mu na e kua ti sara si songo akiri na popo ti lo na azo.

2 Korente 6:3

E ye titene azo awara mbeni sioni tënë ti tene na ndö ti kua ti e pepe, nilaa e sara kue titene mbeni zo ati ndali ti e pepe.

2 Korente 7:1

A-ita ti mbi so mbi ye ala mingi, azendo so kue ayeke ndali ti e. Tongaso, e *sukula sioni so kue ayeke na tere ti e nga na be ti e. Na lege ti kpengo mbeto ti Nzapa, e gi lege ti mu tere ti e kue na lo.

Efeze 1:23

Eglize ayeke tere ti Christ; Christ asi singo na ya ni si Christ asi singo na ya ti aye kue, na ndo kue.

Efeze 4:16

Na lege ti lo laa ambage ti tere nde nde abongbi si aga tere oko tongana ti so akamba ti tere atengbi si aga tere oko. Tongana ambage ti tere ni oko oko kue asara kua ti ala nzoni, tere ni kue ayeke kono si ayeke leke tere ti lo na lege ti ndoye.

Efeze 4:29

Alingbi sioni tënë oko asigigi na yanga ti ala pepe. Me tongana lege ayeke daa, ala tene gi nzoni tënë so alingbi ti mu lege na amba ti ala ti kpengba si asara nzoni na azo so ayeke ma ala.

Efeze 4:4

E kue, e yeke gi tere oko si Yingo ayeke nga gi oko; legeoko nga, gi ye oko laa Nzapa airi ala titene ala zia be ti ala ti ku ni.

Kolose 1:24

A-ita, fadeso, mbi yeke na ngia ndali ti pasi so mbi yeke baa ndali ti ala, ngbanga ti so na lege ti pasi ni, mbi yeke hunzi tanga ti pasi ti Christ so lo baa ndali ti *Eglize so ayeke tere ti lo.

Kolose 1:28

Tënë ti lo laa e yeke fa na azo. E yeke mu wango na azo kue si e yeke fa na ala ye na lege ti ndara kue, tongaso si zo oko oko na lege ti gango so lo ga oko na Christ aga kangba na lege ti Yingo.

Kolose 4:17

Ti hunzi na tënë ti mbi, ala tene na Arshipe: “Sara hange na kua so Kota Gbia amu na mo! Mo sara ni nzoni.”

1 Timothée 1:12

Mbi mu singila mingi na Jésus Christ, *Kota Gbia ti e, ndali ti so lo mu na mbi ngangu, lo baa mbi tongana zo so lo lingbi ti zia be ti lo na ndö ti lo, nilaa lo mu mbi na kua ti lo.

2 Timothée 4:11

Gi Luc oko laa angba na tere ti mbi. Mu Marc na tere ti mo si mo na lo aga, ngbanga ti so lo lingbi ti mu na mbi maboko na ya ti kua ti Nzapa.

2 Timothée 4:5

Ti mo, ayeke nzoni na ya ti ye kue, mo sara ye ahon ndoni pepe, me na legeni. Kanga be ti mo na ya ti pasi, sara kua ti fango Nzoni Tënë na azo, kua so Nzapa amu na mo ti sarango ni, mo sara ni kue.

Ahebro 13:17

Ala ma yanga ti azo ti li ti Eglize, ala sara ye so azo ni ahunda na ala. Azo ni ayeke baa ndo na ndö ti ala, ngbanga ti so fade Nzapa ayeke hunda ala ndali ni. Tongana ala yeke ma yanga ti azo ti li ti Eglize, fade azo ni ayeke sara kua ti Nzapa na nzerengo be si ala dema tere ti ala pepe. Me tongana azo ni adema tere, fade ala a-ita, ala yeke baa nzoni pepe.

Ahebro 6:1

Tongaso, alingbi e zia lege ti akozo tënë so e manda ando na ndö ti Christ, e hon fadeso ti manda akpengba tënë so alingbi na akangba, e kiri na ndö ti akozo kota tënë ni pepe. Akozo tënë ni ayeke so: tënë ti ziango ngbene lege ti sarango abuba ye, tënë ti mango na be na Nzapa,