Efeze 4:11 - Mbeti ti Nzapa - Tënë so amu fini

¹¹ Lo laa lo mu amatabisi na azo; lo mu lege na ambeni ti ga *awatokua, wala awayanga-Nzapa, wala azo ti fango Nzoni Tënë, wala azo ti batango azo ti *Eglize wala awafango-ye.

Efeze 4:11 ပူးပေါင်းရင်းမြစ်များ

2 Mbai 15:3

Aninga mingi so azo ti Israel ayeke na taa Nzapa pepe, ala yeke na wayango-sandaga pepe ti fa ye na ala, *Ndia ayeke daa pepe.

Jérémie 3:15

Fade mbi yeke mu na ala azo ti li ni so be ti mbi aye. Na lege ti nzoni hingango ndo na ndara, fade azo ni ayeke bata ala nzoni.

Matthieu 28:20

ala fa na ala ti bata lege ti aye so kue mbi mu yanga na ala. Baa, mbi yeke na ala lakue ngbii asi na ngoi ti ndani.”

Awatokua 13:1

Na *Eglize ti Antioshe, *awayanga-Nzapa na awafango-ye ayeke daa: Barnabas, Siméon so a iri lo Zo-vuko, Lusius ti kodro ti Sirene, Manaen so lo na kota komanda Herode akono oko, na Saul.

Awatokua 20:28

Ala sara hange na lege ti dutingo ti ala, ala bata nzoni ataba so Yingo-Vuru azia na maboko ti ala. Ala bata nzoni azo ti Eglize so Nzapa asoro ala na lege ti mene ti molenge ti lo.

Awatokua 21:8

Na ndade ni, e kiri e hon, e tambula si e si na gbata ti Sezare. So e si kâ, e gue, e lango na da ti Philippe, zo ti fango Nzoni Tënë ti Christ. Lo yeke mbeni oko na popo ti azo mbarambara so a soro ala lani na Jérusalem.

Rome 12:7

Zo so ayeke na matabisi ti sarango kua na amba ti lo, alingbi lo sara kua ni. Zo so ayeke na matabisi ti fango ye, alingbi lo fa ye.

1 Korente 12:4

Amatabisi ayeke nde nde, me ala kue alondo gi na Yingo oko.

Efeze 2:20

Ala yeke da so Nzapa asara; gere ti da ni ayeke *awatokua na awayanga-Nzapa si Jésus Christ wani ayeke ngangu têne ti gere ti da ni.

Efeze 3:5

Na ya ti angoi so ahon, Nzapa afa tënë ni na azo pepe; me fadeso, na lege ti Yingo ti lo, lo fa tënë ni na *awatokua ti lo nga na awayanga-Nzapa so lo zia ala nde ndali ti lo.

Efeze 4:8

Mbeti ti Nzapa atene: “So lo ga ti gue yongoro kâ na nduzu, lo mu azo so lo gbu ala na ngbaa, lo gue na ala; lo mu aye senge senge na azo.”

2 Timothée 4:5

Ti mo, ayeke nzoni na ya ti ye kue, mo sara ye ahon ndoni pepe, me na legeni. Kanga be ti mo na ya ti pasi, sara kua ti fango Nzoni Tënë na azo, kua so Nzapa amu na mo ti sarango ni, mo sara ni kue.

Ahebro 5:12

Ngoi ahon mingi so ala lingbi fade ti ga awafango-ye! Me ala kiri aga azo titene a kiri a fa na ala akozo tënë ti Nzapa. So aye ti fa atene, ala de ti kpengba titene a mu na ala kpengbango kobe pepe, ala ngba ti nyon me.

Jude 1:17

A-ita ti mbi so mbi ye ala mingi, ala dabe ti ala na atënë so *awatokua ti *Kota Gbia ti e Jésus Christ atene ando na ala.

Aye so Nzapa afa 18:20

Ala so kue ayeke na yayu, ala duti na ngia ndali ti so Babilone ati awe! Ala azo ti Nzapa, *awatokua ti Nzapa, awayanga-Nzapa, ala duti na ngia ndali ti so Nzapa afâ ngbanga na li ti Babilone ndali ti ye so lo sara na ala!

Aye so Nzapa afa 21:14

A leke agere ti gbagba ni na ndö ti têne baleoko na use; a su iri ti *awatokua baleoko na use ti Molenge ti Taba na ndö ti atêne ni oko oko.