Efeze 4:10 - Mbeti ti Nzapa - Tënë so amu fini

¹⁰ Lo so lo zu na sese, gi lo laa lo ma yongoro na peko ti anduzu kâ titene lo mu ya ti dunia kue.

Efeze 4:10 ပူးပေါင်းရင်းမြစ်များ

Matthieu 24:34

Mbi tene na ala taa-tënë: fade azo ti fadeso ayeke kui kue pepe kozoni si aye so kue asi.

Nzoni Tënë so Luc asu na mbeti 24:44

Na pekoni, lo tene na ala: “Na ndembe so mbi de na popo ti ala, mbi tene na ala, mbi tene: ayeke nzoni atënë so kue a su na ndö ti mbi na ya ti mbeti ti *Ndia ti Moïse, ti awayanga-Nzapa na ti Abia, aye ni asi alingbi na ni.”

Jean 1:16

Biani, anzoni ye asi singo na lo, e kue, e wara ni na lege ti nzoni be ti lo na peko ti tere, na peko ti tere.

Jean 19:24

Aturugu ni atene na popo ti ala: “E suru ya ti bongo ni pepe, me e bi *dee ti hinga zo so ayeke wara ni.” Ye so asi si tënë ti Mbeti ti Nzapa aga taa-tënë; tënë ni atene: “Ala kangbi ya ti abongo ti mbi na popo ti ala si ala bi dee ti hinga zo so ayeke mu yongoro bongo ti mbi.” Ye so aturugu asara laa.

Jean 19:28

Na pekoni, Jésus ahinga atene, fadeso ye kue ahunzi awe. Ti sara si tënë ti Mbeti ti Nzapa aga taa-tënë, lo tene: “Nzara ti ngu asara mbi!”

Jean 19:36

Ye so asi titene tënë ti Mbeti ti Nzapa aga taa-tënë; tënë ni atene: “Fade bio ti lo oko ayeke kungbi pepe.”

Awatokua 1:11

Akoli ni atene na ala: “Ala azo ti Galile, ala ngba ti luti na ndo so ti baa ndo na nduzu ngbanga ti nyen? Jésus so a mu lo na popo ti ala ague na lo na yayu so, fade lo yeke kiri gi tongana ti so ala baa lo na guengo ni na yayu.”

Awatokua 1:9

Na peko ti tënë so, lo londo ti gue na yayu, ala ngba ti baa peko ti lo, me mbeni mbinda ahonde lo na le ti ala.

Awatokua 2:33

Nzapa aya lo na nduzu si azia lo na mbage ti maboko ti lo ti koli, lo wara na maboko ti Babâ Yingo-Vuru so a mu zendo ni. Fadeso lo sara si Yingo ni aga na ndö ti e; ni laa ala yeke baa ni si ala yeke ma ni so.

Awatokua 3:18

Na lege so laa Nzapa asara ye alingbi na tënë so lo zia ando na yanga ti awayanga ti lo si ala tene. Lo tene: fade *Mesii ayeke baa pasi.

2 Korente 12:2

Mbi hinga mbeni zo ti Christ; asara ngu baleoko na osio so Nzapa amu lo ague na lo na ota yayu. – Wala lo mu lo na ngbongboro tere ti lo kue, mbi hinga pepe; wala zo ni asigigi na ya ti tere ti lo si a hon na lo, mbi hinga pepe, Nzapa oko laa ahinga. –

Efeze 3:19

Fade ala yeke hinga ndoye ti Christ so ahon ngangu ti hingango ndo ti zo. Tongaso, fade ala yeke si singo na aye kue kue kue ti Nzapa.

Kolose 1:19

Biani, Nzapa ayeda ti duti kue kue kue na ya ti Molenge ti lo.

Kolose 2:9

Biani, Nzapa aduti kue kue kue na ya ti tere ti Christ so aga zo.

1 Timothée 3:16

Biani, tënë ti mabe so a sigigi na nda ni awe ayeke kota tënë mingi, tënë ni ayeke so: Christ amu tere ti zo si lo fa tere ti lo na azo, Yingo-Vuru afa atene, lo yeke zo ti mbirimbiri, *a-ange abaa lo. A fa tënë ti lo na azo ti amara nde, azo ti dunia ama na be na lo si lo gue na yayu na ya ti gonda.

Ahebro 4:14

E yeke na kota wayango-sandaga so ahon atanga ni kue, lo gue ngbii lo si na le ti Nzapa kâ na yayu: ayeke Jésus, Molenge ti Nzapa. Nilaa, ayeke nzoni e gbu mabe ti e ngangu, mabe so e yeke fa tënë ni.

Ahebro 7:26

Mara ti kota wayango-sandaga so alingbi fade na e laa. Lo yeke nde si lo yeke nzoni kue, tënë ayeke na li ti lo oko pepe, lo sara siokpari oko pepe; lo kangbi na azo ti siokpari, Nzapa amu lo si azia lo na yayu kâ na ndö ti aye kue.

Ahebro 8:1

Kota tënë so e ye ti luti na ndö ni ayeke so: e yeke na mara ti kota wayango-sandaga so, lo yeke duti na yayu na tere ti mbata ti Gbia Nzapa na mbage ti maboko ti lo ti koli, Nzapa so ngangu ti lo ahon ndoni.