Efeze 3:8 - Mbeti ti Nzapa - Tënë so amu fini

⁸ Na popo ti azo ti Nzapa kue, mbi laa mbi yeke kete zo ahon atanga ni kue, me Nzapa amu na mbi lege ti fa Nzoni Tënë na azo ti amara nde, so ti tene gba ti anzoni ye ti Christ so zo agi li ti lo na nda ni gbaa.

Efeze 3:8 ပူးပေါင်းရင်းမြစ်များ

1 Mbai 17:16

Gbia David ague, aduti na dawa ti *KOTA GBIA si lo tene: “KOTA GBIA Nzapa, mbi yeke zo wa? Asewa ti mbi ayeke zo wa si mo mu mbi, mo zia mbi na ndo so?

Abia (Psaumes) 31:19

Ayeke nzoni ala ga abuburu, azo ti tenengo mvene so. Ala yeke tene atënë ti baba, ala yeke zonga zo ti mbirimbiri si ala yeke baa lo tongana mbumbuse zo.

Nzoni Tënë so Luc asu na mbeti 14:22

Na pekoni, zo ti kua ni akiri aga si lo tene na lo: ‘Kota zo, ye so mo mu yanga daa na e ti sarango ni so, e sara ni awe, me ambeni ndo angba senge.’

Jean 1:16

Biani, anzoni ye asi singo na lo, e kue, e wara ni na lege ti nzoni be ti lo na peko ti tere, na peko ti tere.

Awatokua 5:41

So awatokua ni asigigi na ya ti Kota Bongbi ti Fango Ngbanga ni, be ti ala asi na ngia, ngbanga ti so Nzapa abaa so ala lingbi na bango pasi ndali ti iri ti Jésus.

Awatokua 9:15

Me Kota Gbia atene na lo: “Gue, ngbanga ti so mbi soro koli so ti sara kua ti mbi, ti sara si amara nde, na agbia na azo ti Israel ahinga iri ti mbi.

Rome 11:33

Anzoni ye ti Nzapa ayeke kota biani! Ndara ti lo na hingango ye ti lo ayeke kota ahon ndoni! Zo wa laa alingbi ti hinga nda ti fango ngbanga ti lo? Zo wa laa alingbi ti hinga tënë ti be ti lo?

Rome 12:10

Ala ye tere na popo ti ala tongana ti so a-ita ayeke ye tere; zo oko oko agi lege ti ne mba ti lo kozoni.

Rome 2:4

So Nzapa ayeke sara nzoni be mingi na mo, lo yeke fâ ngbanga na li ti mo hio pepe si lo yeke kanga be ti lo ti ku mo so, so ayeke senge na le ti mo? Lo yeke sara nzoni be na mo titene mo zia ngbene lege ti sarango ye ti mo; mo hinga so pepe?

1 Korente 1:30

Me Nzapa asara si ala, a-ita, ala ga oko na Jésus Christ si lo sara titene Christ aga ndara ti e. Na lege ti Christ, Nzapa asara si e ga mbirimbiri na le ti lo, e ga azo so ayeke duti nde ndali ti so lo laa lo zi e na ya ti siokpari.

1 Korente 15:9

Biani, mbi yeke kete ahon awatokua kue; mbi lingbi nga titene a iri mbi watokua pepe, ngbanga ti so mbi sara ngangu na azo ti *Eglize ti Nzapa.

1 Korente 2:9

Me, tongana ti so Mbeti ti Nzapa atene: “Ye so le ti zo abaa pepe, ye so mê ti zo ama pepe, ye so tënë ni aga na li ti zo pepe, Nzapa aleke ni ndali ti azo so aye lo.”

Galasii 1:16

ti fa Molenge ti lo na mbi titene mbi hinga lo si mbi fa Nzoni Tënë ti lo na azo ti amara nde, mbi hunda wango na mbeni zo pepe.

Galasii 2:8

Biani, Nzapa so amu ngangu na Pierre ti ga *watokua ndali ti azuife, gi lo oko laa lo mu nga na mbi ngangu ti ga watokua ndali ti azo ti amara nde.

Efeze 2:7

Lo sara nzoni ye so na e na lege ti Jésus Christ titene na ya ti angoi so kue ayeke ga, azo alingbi ti baa so nzoni be ti lo ahon ndoni.

Efeze 3:1

Ndani laa mbi Paul, mbi yeke sambela Nzapa ngbanga ti ala. Mbi yeke na da ti kanga ndali ti Jésus Christ ngbanga ti ala, azo ti amara nde.

Efeze 3:16

Mbi hunda na lo titene lo mu ngangu na ala na lege ti Yingo ti lo alingbi na gonda ti lo so ayeke kota ahon ndoni, tongaso si be ti ala awara ngangu.

Efeze 3:19

Fade ala yeke hinga ndoye ti Christ so ahon ngangu ti hingango ndo ti zo. Tongaso, fade ala yeke si singo na aye kue kue kue ti Nzapa.

Efeze 3:2

Ala hinga atene, Nzapa azia kua so na maboko ti mbi na lege ti nzoni be ti lo titene mbi sara ni ndali ti ala.

Filipe 2:3

Ala sara ye na gbugburungo tere ti gi na kota ndo pepe, ala sara nga ye na lege ti kuru baba pepe. Me ala baa tere ti ala tongana akete zo, ala baa amba ti ala tongana azo so ayeke kota ahon ala.

Filipe 4:19

Fade Nzapa ti mbi ayeke mu na ala ye so kue atia ala; lo yeke mu ni na ala na lege ti Jésus Christ, ngbanga ti so lo yeke na anzoni mosoro ahon ndoni.

Kolose 1:27

Nzapa aye si ala hinga mosoro na gonda so lo leke na hondengo ni ndali ti azo so ayeke azuife pepe. Ye so lo leke ayeke so: Christ ayeke na be ti ala si ala zia be ti ala ti ku titene ala duti ande na ya ti gonda ti lo.

1 Timothée 1:13

Mbi yeke kozoni zo ti zongango lo, zo ti sarango ngangu na lo, zo ti tiringo na lo. Me Nzapa abaa mawa ti mbi, ngbanga ti so ye so mbi yeke sara lani so, mbi hinga ni pepe si mbi de nga ti ma na be pepe.

1 Timothée 1:15

Tënë so ayeke taa-tënë, ayeke nzoni azo kue ayeda na ni na be ti ala kue: Jésus Christ aga na dunia so ti soo azo ti siokpari na kuâ. Na popo ti azo ti siokpari ni, mbi laa mbi yeke kozo zo ni,

1 Timothée 2:7

Ndali ti tënë so, Nzapa azia mbi zo ti fango tënë nga *watokua ti lo. Mbi yeke nga zo ti fango nda ti tënë ti mabe na azo ti amara nde si mbi yeke fa nga nda ti taa-tënë. Mbi yeke tene taa-tënë, mbi yeke tene mvene pepe.

2 Timothée 1:11

Ndali ti fango Nzoni Tënë so laa Nzapa azia mbi *watokua na zo ti fango nda ti tënë ti lo na azo.

Aye so Nzapa afa 3:18

Ndani laa mbi yeke mu wango na mo titene mo vo lôro so a kporo ni na wâ si a zi asioni ye kue daa so; vo ni na maboko ti mbi si mo ga zo ti mosoro. Vo nga abongo na maboko ti mbi titene mo yu si azo abaa tere ti mo so ayeke senge so pepe. Vo yoro ti le na maboko ti mbi, mo zia na le ti mo si mo kiri mo baa ndo nzoni.