Efeze 3:6 - Mbeti ti Nzapa - Tënë so amu fini

⁶ Tënë ni ayeke so: na lege ti Nzoni Tënë, azo ti amara nde awara anzoni ye ti Nzapa legeoko na azuife; ala na azuife ayeke na ya ti tere oko. Na lege ti gango so ala ga oko na Jésus Christ, ala kue ayeke ku oko ye so Nzapa amu zendo ni.

Efeze 3:6 ပူးပေါင်းရင်းမြစ်များ

Ezekiel 47:22

Ala yeke bi mbeni ye ti hinga lege so ala yeke kangbi sese ni na popo ti ala. Ala yeke kangbi nga sese ni na awande so ayeke lango na popo ti ala, ala so adu amolenge na sese ni. Fade ala yeke baa awande ni tongana azo ti Israel, tongana amolenge ti kodro. Awande ni na ala, azo ti mara ti Israel, ayeke kangbi sese ni ti ga ye ti ala.

1 Korente 12:12

Tere ti zo ayeke oko, me ambage ti tere ni ayeke mingi. Ataa so ambage ti tere ti zo ayeke mingi, ala kue abongbi aga gi tere oko. Ti Christ, ye ni ayeke nga gi tongaso.

1 Korente 12:27

Biani, ala kue, ala yeke tere ti Christ, ala oko oko kue ayeke ambage ti tere ti lo.

Galasii 3:14

Christ asara tongaso titene anzoni ye so Nzapa amu zendo ni na Abraham so, azo ti amara nde nga awara ni na lege ti Christ. Tongaso na lege ti mabe, e wara Yingo so Nzapa amu zendo ni.

Galasii 5:24

Azo ti Christ akanga na ndö ti keke ti kroa awe asioni nzara ti be ti ala so ayeke pusu ala ti sara aye kirikiri.

Efeze 3:3

Ye so angba na hondengo ni, lo sara si mbi hinga ni; mbi su nduru tënë na ndö ni na li ni kâ kete awe.

Efeze 5:30

Andaa e yeke ambage ti tere ti lo.

Efeze 5:7

Tongaso, ala yoro tere ti ala na ya ti sarango ye ti azo tongaso pepe.

Kolose 2:19

Azo tongaso angba na tere ti Christ pepe so lo yeke tongana li ti zo. Ndali ti li laa tere kue ayeke wara ye so kue alingbi na lo; ndali ti lo laa ando so abio atengbi daa nga na akamba ti tere abongbi, aga oko si amai nzoni tongana ti so Nzapa aye.

1 Jean 1:3

Ye so e baa si e ma tënë ni, e yeke tene tënë ni na ala titene ala nga, ala yeke na beoko na e. Beoko so e yeke na ni na Babâ nga na Molenge ti lo Jésus Christ laa.

1 Jean 2:25

Ye so Christ amu zendo ti mu na e ayeke fini so angba lakue lakue.