Efeze 3:20 - Mbeti ti Nzapa - Tënë so amu fini

²⁰ Nzapa alingbi ti sara na e ye ahon ye so kue e yeke hunda na lo wala ye so kue e yeke gbu li ti e daa! Lo yeke sara ni na lege ti ngangu ti lo wani so ayeke na ya ti e.

Efeze 3:20 ပူးပေါင်းရင်းမြစ်များ

Tongo nda ti aye 17:1

Abram ayeke na ngu balegumbaya na gumbaya si KOTA GBIA asi na lo; lo tene na lo: “Mbi yeke Nzapa so ngangu ti mbi ahon angangu kue. Tambula na lege so mbi ye; mo sara aye ti mo kue gi na legeni.

Tongo nda ti aye 18:4

Fade a ga na kete ngu titene ala sukula na gere ti ala; ala wu tere ti ala na gbe ti keke so.

2 Samuel 7:19

Kota Gbia NZAPA, ye ni akiri alingbi na le ti mo pepe. Tongaso, mo kiri mo mu zendo ndali ti ahale ti mbi ndali ti angoi so ayeke ga gbanda. Kota Gbia NZAPA, so ayeke mbeni fango ye so alondo na zo?

1 Agbia 3:13

Ataa ye so mo hunda pepe, mbi yeke mu ni na mo; mbi yeke mu na mo mosoro na gonda. Na gigi ti mo kue, mbeni gbia ti lingbi na mo ayeke duti daa pepe.

2 Mbai 25:9

Amasia atene na zo ti Nzapa ni: “Ka gba ti nginza so mbi mu na aturugu so, fade a sara na ni nyen?” – Zo ti Nzapa ni akiri tënë, atene: “KOTA GBIA alingbi ti mu na mo ye mingi ahon so!”

2 Mbai 9:12

Ti gbia Salomon, lo mu na gbia-wali ti Saba aye so kue be ti lo aye nga na aye so kue lo hunda. Aye ni akiri ahon ye so lo ga na ni na gbia. Na pekoni, gbia-wali na azo ti yangbo ti lo akiri na kodro ti ala.

Sigingo 34:6

KOTA GBIA ahon na dawa ti Moïse si lo to mbela, lo tene: “Mbi yeke KOTA GBIA! Mbi yeke KOTA GBIA, Nzapa so mbi yeke baa mawa ti zo, mbi yeke sara nzoni be na zo, mbi yeke sara ngonzo hio hio pepe, nzoni be ti mbi asi singo si mbi yeke bata tënë ti yanga ti mbi lakue.

B. ti abia 5:1

Ita ti mbi ti wali, mo so mo yeke ga wali ti mbi so, mbi yeke li na yaka ti mbi, mbi yeke ko *mire ti mbi nga na yombo ti mbi, mbi yeke te da ti wotoro ti mbi, mbi yeke su mafuta ti wotoro ti mbi; mbi yeke nyon vin ti mbi, na ngu ti me ti mbi. A-ita, ala te ye, ala nyon ye, ala sule ndali ti yengo tere.

Ésaïe 35:2

Ayeke nzoni akongo ni amu ndö ti sese ni. Ayeke nzoni sese ni ahuru na ngia, lo dodo na ngia si lo dekongo na ngia! *KOTA GBIA amu na lo pendere ti hoto ti Liban awe, zango ti hoto ti Karmel na ti lando ti Saron. Tongaso, azo ayeke baa gonda ti KOTA GBIA, ala yeke baa nga zango ti Nzapa ti e.

Ésaïe 55:7

Alingbi zo ti sioni azia lege ti sioni ti lo; zo ti sarango sioni azia asioni tënë ti be ti lo. Ayeke nzoni ala kiri na KOTA GBIA si fade lo baa mawa ti ala. Ayeke nzoni lo kiri na Nzapa ti e si lo zi tënë na li ti ala biani biani.

Jérémie 32:17

“Ae Kota Gbia NZAPA, mo laa mo sara yayu na sese na lege ti kota ngangu ti mo, na lege ti maboko ti mo so mo yoro. Mbeni ye so ayeke ngangu na mo ayeke daa pepe.

Jérémie 32:27

“Mbi KOTA GBIA, mbi yeke Nzapa ti ye so kue ayeke na fini. Mbeni ye so ayeke ngangu na mbi ayeke daa?

Daniel 3:17

Me ayeke nzoni mo hinga, mo tene, Nzapa ti e so e yeke sara na lo, tongana lo lingbi ti zi e na ya ti kota wâ ni nga na maboko ti mo, fade lo yeke zi e senge.

Daniel 6:20

Na ndaperere, so ndo angba kâ, gbia alondo si lo gue hio na du ti abamara ni.

Matthieu 3:9

Ala tene na be ti ala pepe, atene: ‘Abraham ayeke kotara ti e.’ Biani, mbi tene na ala: Nzapa alingbi ti mu atêne so ti sara si aga amolenge ti Abraham!

Jean 10:10

Zo ti nzi aga ti lo gi ti nzi ye, ti fâ ye, ti buba ye. Ti mbi, mbi ga ti sara si azo aduti na fini si fini so awu ahon ndoni.

Rome 16:25

Ayeke nzoni e gonda Nzapa! Lo yeke na ngangu ti sara si ala kpengba na lege ti mabe so alingbi gi na Nzoni Tënë ti Jésus Christ so mbi yeke fa. Nzoni Tënë ni ayeke tënë so Nzapa ahonde ando ngu na ngu si lo fa ni na e fadeso.

Rome 4:21

Lo hinga biani na be ti lo so Nzapa ayeke na ngangu ti sara ye alingbi na zendo ti lo.

1 Korente 2:9

Me, tongana ti so Mbeti ti Nzapa atene: “Ye so le ti zo abaa pepe, ye so mê ti zo ama pepe, ye so tënë ni aga na li ti zo pepe, Nzapa aleke ni ndali ti azo so aye lo.”

2 Korente 9:8

Nzapa ayeke na ngangu ti mu na ala mara ti anzoni ye kue ahon ndoni. Tongaso, ala yeke na ye lakue so alingbi na ala si ala yeke nga na mbeni na ndö ni ti sara na anzoni kua kue.

Efeze 1:19

ala hinga nga so lo yeke ngangu mingi, ngangu ti lo ayeke sara ye mingi na ya ti fini ti e, azo ti lo. Gi na ngangu so laa

Efeze 3:7

Na lege ti nzoni be ti Nzapa, lo sara si mbi ga zo ti kua ti fango Nzoni Tënë. Nzapa asara ye so na lege ti ngangu ti lo.

Kolose 1:29

Ndali ni, mbi yeke sara kua si mbi yeke tiri ti hunzi kua ni na ngangu so Christ amu na mbi, ngangu so asara si mbi kpengba na ya ti kua ni.

1 Timothée 1:14

Kota Gbia ti e Christ Jésus asara nzoni be na mbi ahon ndoni: lo mu na mbi mabe na ndoye so aga na lege so mbi ga oko na Jésus Christ.

Ahebro 11:19

Abraham atene na be ti lo, atene: ataa zo akui awe, Nzapa ayeke na ngangu ti zingo lo na kuâ. Biani, Abraham akiri awara molenge ti lo, mo baa mo tene, molenge ni alondo na ndo ti akuâ si akiri na fini.

Ahebro 7:25

Ndani laa, azo so ayeke ga nduru na Nzapa na lege ti lo, lo yeke na ngangu ti soo ala biani biani, ngbanga ti so lo yeke ngba na fini lakue lakue ti sambela ndali ti ala.

Jacques 4:12

E hinga so gi Nzapa oko laa aleke ndia, lo yeke nga wafango-ngbanga. Lo laa lo lingbi ti soo zo, lo lingbi nga ti sara si zo akui. Mo so mo yeke fâ ngbanga na li ti mba ti mo so, mo yeke ti mo zo wa?

2 Pierre 1:11

Tongaso, fade a yeke zi lege na ala polele ti li na ya ti Kodro-gbia ti Kota Gbia ti e na Wasongo e, Jésus Christ; kodro so ayeke ngba kpu na kpu.

Jude 1:24

Nzapa so alingbi ti bata ala si ala ti pepe, lo lingbi ti sara si ala ga nzoni kue, ala si na gbe ti gonda ti lo na ngia.