Efeze 3:19 - Mbeti ti Nzapa - Tënë so amu fini

¹⁹ Fade ala yeke hinga ndoye ti Christ so ahon ngangu ti hingango ndo ti zo. Tongaso, fade ala yeke si singo na aye kue kue kue ti Nzapa.

Efeze 3:19 ပူးပေါင်းရင်းမြစ်များ

Abia (Psaumes) 17:15

Ti mbi, fade mbi yeke baa le ti mo, ngbanga ti so mbi yeke mbirimbiri. Tongana mbi zingo na lango, mbi yeke baa le ti mo, mbi yeke baa ni ngbii be ti mbi ade.

Abia (Psaumes) 43:4

Fade mbi yeke si na tere ti gbalaka ti mo; mbi yeke si na tere ti mo Nzapa, mo so taa ngia ti mbi alondo na mo. Mbi yeke pika kundi ti gonda mo Nzapa, Nzapa ti mbi!

Matthieu 5:6

Ti ala nzoni, ala so nzara ti sarango ye ti mbirimbiri ayeke sara ala tongana ti so nzara ti kobe na ti ngu ayeke sara zo, ngbanga ti so Nzapa ayeke mu ande na ala ye so be ti ala aye!

Jean 1:16

Biani, anzoni ye asi singo na lo, e kue, e wara ni na lege ti nzoni be ti lo na peko ti tere, na peko ti tere.

Jean 17:3

Fini so angba lakue lakue ayeke titene azo ahinga mo, mo so mo yeke oko taa Nzapa si ala hinga nga Jésus Christ, lo so mo tokua lo.

Rome 8:35

Zo wa laa alingbi ti kangbi e na ndoye ti Christ? Pasi, wala mbeto, wala aye ti ngangu, wala nzara, wala dutingo na ye pepe, wala ye ti sioni so ayeke hara e wala kuâ?

Rome 8:39

ataa angangu ti nduzu, ataa angangu ti gbe ti sese, ataa mbeni ye oko so Nzapa asara, mbeni ye oko alingbi ti kangbi e pepe na ndoye so Nzapa afa na e na lege ti Jésus Christ, *Kota Gbia ti e.

2 Korente 5:14

Biani, ndoye ti Christ ahon ndö ti e awe, tongana e dabe ti e na tënë so: zo oko akui ndali ti azo kue, zo ni ayeke Christ, tongaso azo kue laa akui legeoko na lo.

Galasii 2:20

Nilaa, mbi laa mbi yeke na fini mbeni pepe, me Christ laa ayeke na fini na ya ti mbi. Na dutingo ti mbi ti zo, mbi yeke duti fadeso na fini gi na lege ti mabe so mbi yeke na ni na Molenge ti Nzapa, lo ye mbi si lo ka tere ti lo na kuâ ndali ti mbi.

Efeze 1:23

Eglize ayeke tere ti Christ; Christ asi singo na ya ni si Christ asi singo na ya ti aye kue, na ndo kue.

Efeze 3:18

Tongaso, fade ala na tanga ti azo ti Nzapa kue alingbi ti hinga ndoye ti Christ so ayeke kota ahon ndoni, zo alingbi ti haka ni pepe.

Efeze 5:2

Ala sara ye na lege ti yengo tere tongana ti so Christ aye e si lo mu tere ti lo wani na Nzapa ndali ti e tongana *sandaga so fion ni afun nzoni si anzere na be ti Nzapa.

Efeze 5:25

Akoli, ala ye awali ti ala tongana ti so Christ aye Eglize si lo ka tere ti lo ndali ti Eglize ni.

Filipe 1:7

So ayeke na legeni titene be ti mbi angba na ndö ti ala, ngbanga ti so tënë ti ala agbu be ti mbi mingi. Biani, ala kue awara nga aye so Nzapa amu na mbi na lege ti nzoni be ti lo, ataa fadeso mbi yeke na da ti kanga, wala na ngoi so mbi yeke lani na da ti kanga pepe si mbi yeke gbu koko ti Nzoni Tënë titene azo ama na be na ni na be ti ala kue.

Filipe 4:7

Tongaso, fade siriri ti Nzapa so ahon hingango ndo ti azo kue ayeke bata be ti ala na yingo ti ala oko na Christ.

Kolose 1:10

Tongaso, fade dutingo ti ala ayeke lingbi na ti so be ti *Kota Gbia aye si ala sara ye so anzere na be ti lo. Ye ti peko ni ayeke so ala yeke sara mara ti anzoni ye nde nde si hingango so ala hinga na Nzapa ayeke gue lakue na nduzu.

1 Pierre 1:8

Ataa so ala baa lo pepe, ala ye lo; ataa so ala de ti baa lo pepe, ala ma na be na lo. Ndani laa ala yeke duti na kota ngia, ngia so ahon ndoni, zo alingbi ti tene tënë ni pepe.

2 Pierre 3:18

Me alingbi nzoni be ti Kota Gbia Jésus Christ, Wasongo e angba ti mai na be ti ala si ala ngba ti mai na lege ti hingango lo. Gonda ayeke ti lo fadeso si angba ti lo kpu na kpu! Amen.