Efeze 3:1 - Mbeti ti Nzapa - Tënë so amu fini

¹ Ndani laa mbi Paul, mbi yeke sambela Nzapa ngbanga ti ala. Mbi yeke na da ti kanga ndali ti Jésus Christ ngbanga ti ala, azo ti amara nde.

Efeze 3:1 ပူးပေါင်းရင်းမြစ်များ

Nzoni Tënë so Luc asu na mbeti 21:12

Me kozoni si aye so kue asi, fade azo ayeke gbu ala ti sara ngangu na ala, azo ayeke gue na ala na ya ti ada ti sambelango Nzapa, azo ayeke bi ala na da ti kanga; azo ayeke gue na ala na gbe ti agbia nga na gbe ti agovoronere ndali ti iri ti mbi.

Awatokua 21:33

Tongaso kota komanda ti aturugu ni ague nduru na tere ti Paul, lo mu yanga titene ala gbu lo, akanga lo na zingiri use. Na pekoni, lo hunda azo ni, lo tene: “Lo yeke zo wa? Nyen laa lo sara?”

Awatokua 23:18

Kapita ti aturugu amu molenge-koli ni, ague na lo na kota komanda si lo tene: “Paul, zo ti kanga airi mbi si lo hunda mbi ti ga na molenge-koli so na mo, ngbanga ti so lo yeke na mbeni tënë ti tene na mo.”

Awatokua 26:29

Paul akiri tënë, atene: “Ataa hio wala mbeni lâ, mbi yeke sambela Nzapa titene mo na ala so kue ayeke ma mbi laso, ala ga tongana mbi; me mbi ye titene a kanga ala na zingiri tongana mbi pepe!”

Awatokua 9:15

Me Kota Gbia atene na lo: “Gue, ngbanga ti so mbi soro koli so ti sara kua ti mbi, ti sara si amara nde, na agbia na azo ti Israel ahinga iri ti mbi.

2 Korente 1:6

Tongana e yeke baa pasi, so ayeke sara si be ti ala ade si ala soo kuâ. Tongana be ti e ade, so ayeke sara si be ti ala ade si ala kanga be ti ala na ya ti amara ti pasi so e nga, e yeke baa so.

2 Korente 10:1

Mbi Paul, mbi wani, mbi yeke hunda na ala mbeni ye na iri ti Christ, lo so lo yeke sara ye na nzoni be, me na ngangu pepe. Azo ayeke tene: tongana mbi yeke na popo ti ala, mbi yeke zo so ade mingi, me tongana mbi yeke yongoro na ala, mbi yeke so na ndö ti ala mingi.

2 Korente 11:23

Ala yeke azo ti kua ti Christ? So nzoni, me mbi hon ala! – Mbi yeke tene tënë so tongana zo so mbeni ye asara li ti lo –. Mbi sara kua mbi hon ala kue, mbi sara kanga, mbi hon ala kue, azo apika mbi, mara ni use pepe, lege mingi, mbi kui kue.

Galasii 5:11

Ti mbi, a-ita, mbi ngba ti fa tënë na azo, mbi tene: “Alingbi ala fâ ganza?” Tongana mbi ngba fade ti sara ni, ngbanga ti nyen si azo ayeke sara ngangu na mbi? Tongana tënë ti ganza laa ayeke kota ye, tënë ti kuâ ti Christ na ndö ti keke ti kroa ayeke kiri ti so be ti zo tongana nyen?

Galasii 5:2

Mbi Paul, mbi yeke tene na ala, mbi tene: tongana ala yeda titene zo afâ ala na *ganza, andaa ye so Christ asara ndali ti ala aga senge senge.

Galasii 5:24

Azo ti Christ akanga na ndö ti keke ti kroa awe asioni nzara ti be ti ala so ayeke pusu ala ti sara aye kirikiri.

Efeze 3:11

Nzapa asara ye ni alingbi gi na ye so lo leke ando na be ti lo si ayeke lakue lakue; lo sara ni awe na lege ti *Kota Gbia ti e Jésus Christ.

Efeze 3:13

Tongaso, mbi hunda na ala: be ti ala awoko pepe ndali ti apasi so mbi yeke baa ndali ti ala; apasi ni ayeke ndali ti nzoni ti ala.

Efeze 3:8

Na popo ti azo ti Nzapa kue, mbi laa mbi yeke kete zo ahon atanga ni kue, me Nzapa amu na mbi lege ti fa Nzoni Tënë na azo ti amara nde, so ti tene gba ti anzoni ye ti Christ so zo agi li ti lo na nda ni gbaa.

Efeze 4:1

Tongaso, mbi so mbi yeke na da ti kanga ndali ti kua ti *Kota Gbia, mbi hunda na ala mingi titene sarango ye ti ala alingbi na iringo so lani Nzapa airi ala.

Efeze 6:20

Ataa so mbi yeke na da ti kanga, mbi yeke sara kua ti lembe ndali ti Nzoni Tënë. Ala sambela si mbi lingbi ti fa tënë ni na legeni, na mbeto pepe.

Filipe 1:7

So ayeke na legeni titene be ti mbi angba na ndö ti ala, ngbanga ti so tënë ti ala agbu be ti mbi mingi. Biani, ala kue awara nga aye so Nzapa amu na mbi na lege ti nzoni be ti lo, ataa fadeso mbi yeke na da ti kanga, wala na ngoi so mbi yeke lani na da ti kanga pepe si mbi yeke gbu koko ti Nzoni Tënë titene azo ama na be na ni na be ti ala kue.

Kolose 1:24

A-ita, fadeso, mbi yeke na ngia ndali ti pasi so mbi yeke baa ndali ti ala, ngbanga ti so na lege ti pasi ni, mbi yeke hunzi tanga ti pasi ti Christ so lo baa ndali ti *Eglize so ayeke tere ti lo.

Kolose 4:18

Mbi Paul, mbi wani laa, mbi su atënë so: mbi bara ala. Ala dabe ti ala so mbi yeke na da ti kanga! Ayeke nzoni Nzapa asara nzoni be na ala!

Kolose 4:3

Ala sambela nga mingi ndali ti e, tongaso si Nzapa azi na e lege ti fa tënë ti lo, ti fa tënë ti Christ so angba na hondengo ni. Biani, ndali ti tënë so laa mbi yeke na da ti kanga.

2 Timothée 1:16

Ayeke nzoni *Kota Gbia asara nzoni be ti lo na azo ti sewa ti Onezifore, ngbanga ti so fani mingi, lo mu ngangu na be ti mbi. Kamene ti so mbi yeke na da ti kanga asara lo pepe;

2 Timothée 1:8

Tongaso, ye so mo hinga na ndö ti *Kota Gbia ti e, ayeke nzoni mo sara kamene ti fa peko ni na azo pepe; mo sara nga kamene ti mbi pepe, mbi so mbi yeke na da ti kanga ndali ti lo so. Me mo baa pasi ndali ti Nzoni Tënë tongana ti so mbi yeke baa pasi so, mo zia be ti mo na ndö ti ngangu ti Nzapa.

Philémon 1:1

Mbi Paul, so mbi yeke na da ti kanga ndali ti Jésus Christ, mbi na ita ti e Timothée laa e tokua mbeti so na mo Philémon, mba ti e, zo ti kua so e ye mo mingi.

Philémon 1:23

Epafras, mba ti mbi zo ti kanga ndali ti Jésus Christ, abara mo.

Philémon 1:9

Mbi ye fade ti mu yanga na mo pepe, me ndali ti so mbi na mo, e ye tere, mbi ye mingi ti hunda mbeni ye na mo. Mbi Paul, mbakoro zo, mbi yeke fadeso na da ti kanga ndali ti Jésus Christ.

Aye so Nzapa afa 2:10

Mo yeke baa ande pasi, me ayeke nzoni mbeto ti pasi ni asara mo pepe. Baa, fade Zabolo ayeke bi ambeni zo na popo ti ala na da ti kanga, ti tara be ti ala, azo ti Nzapa; na ya ti lango baleoko kue, a yeke sara ngangu na ala. Ayeke nzoni mo bata tënë ti mbi ngbii asi na kuâ, fade mbi yeke mu na mo nzoni ye so a yeke mu na zo so aso benda, so ti tene fini so angba lakue lakue.