Efeze 2:20 - Mbeti ti Nzapa - Tënë so amu fini

²⁰ Ala yeke da so Nzapa asara; gere ti da ni ayeke *awatokua na awayanga-Nzapa si Jésus Christ wani ayeke ngangu têne ti gere ti da ni.

Efeze 2:20 ပူးပေါင်းရင်းမြစ်များ

1 Agbia 7:11

Na ndö ti agere ti ada ni, a zia atêne so a de tere ni dengo nga na angbongboro keke ti sedre.

Abia (Psaumes) 118:22

Têne so azo ti sarango da ake ni, ni laa akiri aga ngangu têne ti gere ti da ni.

Amato 9:1

Ndara aleke *angbongboro yongoro gere ti da mbarambara; lo sara da ti lo awe.

Ésaïe 28:16

Ndani laa, tënë so Kota Gbia NZAPA atene ayeke so: “Baa, mbi zia na *Sion têne so mbi tara ni awe, ngangu têne ti gere ti da so a lu ni ngangu. Zo so aluti na ndö ni, fade lo yeke ti pepe.

Zakarii 10:4

Amakonzi nde nde ayeke sigigi ande na popo ti azo ti mara ti Juda; ala yeke duti ande tongana ngangu têne ti gere ti da, tongana keke ti gbungo-li ti da ti bongo, tongana kokora ti tiringo na bira.

Matthieu 16:18

Tongaso mbi tene na mo: mo yeke Pierre. Na ndö ti têne so, mbi yeke leke ande *Eglize ti mbi; fade kuâ ayeke na ngangu pepe ti hon ndö ti Eglize ti mbi.

Matthieu 21:42

Na pekoni, Jésus ahunda ala, atene: “Tënë so a su na ya ti Mbeti ti Nzapa so, ala diko ni laoko pepe? Tënë ni atene: ‘Têne so azo ti sarango da ake ni, ni laa akiri aga ngangu têne ti gere ti da ni. Ye so alondo na *Kota Gbia, ye ni ayeke ye ti kpene na le ti e!’”

1 Korente 12:28

Tongaso, lege so Nzapa azia azo na ya ti *Eglize laa: kozoni, lo zia *awatokua; use ni, lo zia awayanga-Nzapa; ota ni, lo zia awafango-ye; na pekoni, lo zia azo so lo mu na ala matabisi ti sarango aye ti kpene, ti kaingo kobela, ti mungo maboko na amba ti ala, ti dutingo na li ti amba ti ala, ti tenengo tënë na ayanga nde nde so ala hinga ni pepe.

Galasii 2:9

Jacques, Pierre na Jean, so azo ti Christ abaa ala tongana akota zo, ahinga atene, Nzapa amu kua so na mbi biani. Ndani laa, ala bara mbi na Barnabas ti fa atene, e na ala e yeke na beoko. E ma tere so fade e yeke gue ti e na mbage ti azo ti amara nde, ala yeke gue ti ala na mbage ti azuife.

Efeze 3:5

Na ya ti angoi so ahon, Nzapa afa tënë ni na azo pepe; me fadeso, na lege ti Yingo ti lo, lo fa tënë ni na *awatokua ti lo nga na awayanga-Nzapa so lo zia ala nde ndali ti lo.

Kolose 2:7

Tongana ti so gere ti keke ali na ya ti sese wala da aluti ngangu na ndö ti gere ni, ala luti ngangu na ndö ti Christ. Ala kpengba na lege ti mabe alingbi na ye so a fa na ala, ala mu singila mingi na Nzapa.

1 Pierre 2:6

Biani, na ya ti Mbeti ti Nzapa, a tene: “Ala baa, mbi soro mbeni têne ti ngangu ngere si mbi zia ni na gbata ti *Sion; têne ni ayeke ngangu têne ti gere ti da. Zo so azia be ti lo na ndö ti têne ni, fade kamene ayeke gbu lo pepe.”

Aye so Nzapa afa 21:14

A leke agere ti gbagba ni na ndö ti têne baleoko na use; a su iri ti *awatokua baleoko na use ti Molenge ti Taba na ndö ti atêne ni oko oko.