Efeze 2:18 - Mbeti ti Nzapa - Tënë so amu fini

¹⁸ Biani, ndali ti lo si e, azuife, na ala azo ti amara nde, e ga nduru na Nzapa Babâ, na lege ti oko Yingo-Vuru.

Efeze 2:18 ပူးပေါင်းရင်းမြစ်များ

Zakarii 12:10

Mbi yeke sara titene yingo ti sarango ye ti nzoni na yingo ti sambelango mbi aga na ndö ti *ahale ti David nga na ndö ti azo ti gbata ti Jérusalem. Fade ala yeke baa ndo na mbage ti mbi, lo so ala kpo lo so. Ala yeke toto kuâ ti lo tongana ti so a yeke toto kuâ ti oko molenge-koli. Ala yeke toto lo ngangu mingi tongana ti so a yeke toto kuâ ti kozo molenge.

Matthieu 28:19

Tongaso, ala gue na ndo ti amara kue, ala sara si ala ga adisiple, ala batize ala na iri ti Babâ, ti Molenge na ti Yingo-Vuru;

Jean 10:7

Jésus akiri atene: “Biani, mbi tene na ala taa-tënë: mbi laa mbi yeke yanga ti gbagba ti ataba ni.

Jean 10:9

Mbi yeke yanga ti gbagba ni. Zo so ali na lege ti mbi, fade lo yeke soo kuâ; lo yeke li, lo yeke sigigi si lo yeke wara kobe ti tengo ni.

Jean 14:6

Jésus akiri tënë na lo: “Mbi yeke lege ni, taa-tënë na fini. Zo oko alingbi ti gue na Babâ na mbeni lege nde pepe, gi na lege ti mbi.

Rome 5:2

E ma na be si na lege ti Jésus Christ, Nzapa asara nzoni be na e; e ngba na lege ti nzoni be ti lo ni fadeso. Nilaa be ti e ayeke na ngia ndali ti gonda ti Nzapa so e zia be ti e ti ku ni.

Rome 8:15

Yingo so ala wara ayeke Yingo ti sarango ala na ngbaa pepe, Yingo ti ziango mbeto na be ti ala pepe, me Yingo so ayeke sara titene ala ga amolenge ti Nzapa. Na lege ti lo, e yeke dekongo na Nzapa, e tene: “Abba!”, so ti tene “Babâ!”

1 Korente 12:13

Ataa e yeke azuife wala e yeke azuife pepe, ataa e yeke angbaa wala angbaa pepe, e kue, e wara bateme ti Yingo oko titene e bongbi e ga tere oko; Nzapa amu na e kue gi oko Yingo so.

1 Korente 8:6

Ti e, Nzapa ayeke gi oko, lo yeke Babâ so ye kue alondo na lo si e yeke na fini ndali ti lo. E yeke nga gi na *Kota Gbia oko, Jésus Christ so na lege ti lo, ye kue abaa gigi si e yeke na fini na lege ti lo.

Galasii 4:6

Ti fa so ala yeke amolenge ti lo biani, Nzapa atokua Yingo ti Molenge ti lo na be ti e kue, Yingo ni ayeke dekongo atene: “Abba!” so ti tene “Babâ!”

Efeze 3:12

Na lege so e ga oko na Jésus Christ si e ma na be na lo, e lingbi ti ga nduru na Nzapa na mbeto pepe.

Efeze 3:14

Ndani laa mbi kuku na gbe ti Nzapa Babâ,

Efeze 4:4

E kue, e yeke gi tere oko si Yingo ayeke nga gi oko; legeoko nga, gi ye oko laa Nzapa airi ala titene ala zia be ti ala ti ku ni.

Efeze 6:18

Na ya ti aye so kue, ala sambela Nzapa titene lo mu na ala maboko; ala sambela na ngoi kue na lege ti Yingo. Ndani laa, le ti ala akpengba, ala sambela ndali ti azo ti Nzapa kue, ala ngba daa lakue.

Kolose 1:12

Na ngia na be, ala mu singila na Nzapa Babâ so asara si ala lingbi ti wara anzoni ye so lo leke ndali ti azo ti lo na ya ti lumiere.

Ahebro 7:19

Biani, titene mbeni ye ti nzoni kue aduti daa, *Ndia ti Moïse asara ni oko pepe. Me mbeni ye so ayeke nzoni ahon ti kozoni asi awe; ye ni so laa e zia be ti e ti ku ni si na lege ni, e yeke ga nduru na Nzapa.

Jacques 3:9

Na menga ti e si e yeke sepela *Kota Gbia, Babâ ti e. Gi na oko menga so, e yeke deba azo so Nzapa asara ala si ala kpa lo so.

1 Pierre 1:17

Nzapa ayeke fâ ngbanga na li ti zo alingbi na ye so lo sara, lo yeke mu mbage ti mbeni zo pepe. Tongaso, a-ita, tongana ala yeke sambela si ala iri Nzapa atene “Babâ”, ala duti na mbeto ti lo na ngoi so ala yeke na dunia so.

1 Pierre 1:21

Na lege ti Christ, ala ma na be na Nzapa so azingo Christ na kuâ si amu na lo gonda. Tongaso, mabe ti ala na ye so ala zia be ti ala ti ku angba na ndö ti Nzapa.

1 Pierre 3:18

Biani, Christ wani akui fani oko biani biani ndali ti siokpari ti azo; lo so lo yeke mbirimbiri, lo kui ndali ti azo ti kirikiri titene lo gue na ala na le ti Nzapa. Azo afâ gi tere ti lo ti zo, me Nzapa akiri na lo na fini na lege ti Yingo-Vuru.

Jude 1:20

Me ti ala, a-ita ti mbi so mbi ye ala mingi, ala luti ngangu na ndö ti mabe ti ala so ayeke nde si ayeke nzoni kue. Ala sambela na lege ti Yingo-Vuru.