Efeze 2:14 - Mbeti ti Nzapa - Tënë so amu fini

¹⁴ Biani, Christ wani laa ayeke mu na e siriri, lo laa lo sara titene azuife na azo ti amara nde aga oko. Ando, kengo tere na popo ti e aga tongana mbeni gbagba so akangbi e, me na lege so lo ka tere ti lo na kuâ, gbagba ni akungbi awe.

Efeze 2:14 ပူးပေါင်းရင်းမြစ်များ

Esther 3:8

Haman atene na gbia Zerses: “Babâ gbia, mbeni mara ayeke na ya ti kodro so ayeke ti lo nde. Azo ti mara ni amu ya ti kodro ti mo kue si ala yeke duti ti ala nde na azo ti kodro ni. Lege ti dutingo ti ala na sarango ye ti ala ayeke nde na ti ambeni mara; ala ye ti sara ye alingbi na andia ti gbia pepe. Tongana mo zia ala duti kpoo tongaso, mo yeke wara nyen daa?

Mishe 5:5

Fade azo ti li ni so ayeke sara komandema na ndö ti sese ti Asirii na yongoro zeme, ala yeke sara komandema na ndö ti kodro ti Nemrod na zeme so yanga ni aza.” “Ti makonzi ni, fade lo yeke zi e na maboko ti azo ti Asirii tongana ala hon katikati ti kodro ti e titene ala li na sese ti e.”

Zakarii 6:13

Biani, lo laa lo yeke kiri ti leke kota da ni. Lo yeke yu abongo ti gbia, lo yeke duti na ndö ti mbata ti gbia ti sara komandema na ndö ti azo. Mbeni wayango-sandaga ayeke duti na tere ti lo. Ala use kue ayeke ma tere na popo ti ala nzoni.

Nzoni Tënë so Luc asu na mbeti 1:79

Fade lâ ni ayeke su na ndö ti azo so aduti na ya ti vukongo ndo ti kuâ, ti fa na e lege ti siriri si e tambula daa.”

Nzoni Tënë so Luc asu na mbeti 2:14

“E gonda Nzapa so ayeke na yayu kâ na ndö ti aye kue, siriri na ndö ti sese na popo ti azo so lo ye ala!”

Jean 10:16

Ambeni taba ti mbi ayeke na ya ti gbagba ti ataba so pepe. Alingbi mbi fa na ala lege; fade ala yeke ma go ti mbi si ala kue aga bongbi oko ti ataba na wabatango-taba oko.

Jean 11:52

Lo yeke kui gi ngbanga ti mara so oko pepe, me lo yeke kui nga ti bongbi amolenge ti Nzapa so ayeke na ando nde nde si ala ga tere oko.

Jean 16:33

Mbi tene tënë so na ala titene ala duti na siriri na lege ti gango so ala ga oko na mbi. Na dunia so, fade ala yeke baa pasi, me ala gbu ngangu! Mbi hon dunia so na ngangu awe!”

Awatokua 10:28

Lo tene na ala: “Ala hinga kue: *Ndia amu lege pepe na zuife ti gue na ndo ti zo ti mbeni mara nde nga ti li na da ti lo. Me ti mbi, Nzapa afa na mbi atene, ayeke nzoni mbi baa mbeni zo tongana zo so ayeke *sioni pepe wala zo so alingbi pepe ti sara beoko na lo.

Awatokua 10:36

Nzapa atokua tënë ti lo na azo ti Israel: tënë ni ayeke Nzoni Tënë so amu siriri na zo na lege ti Jésus Christ, lo so lo yeke *Kota Gbia ti azo kue.

Rome 5:1

So e ga mbirimbiri na lege ti mabe awe, e yeke na siriri na Nzapa na lege ti Jésus Christ, *Kota Gbia ti e.

Galasii 3:28

Tongaso, zuife wala zo ti amara nde ayeke daa mbeni pepe, ngbaa wala zo so ayeke ngbaa pepe ayeke daa mbeni pepe, koli wala wali ayeke daa mbeni pepe. Biani, ala kue ayeke oko, ngbanga ti so ala ga oko na Jésus Christ awe.

Efeze 2:15

*Ndia ti Moïse so atene na zo, atene: “Mo sara so, mo sara so!”, Christ amingo ni awe. Lo sara tongaso ti bongbi azuife na azo ti amara nde titene ala ga mara oko, na lege ti gango so ala use kue aga oko na lo; Christ asara so ti zia siriri na popo ti ala.

Efeze 2:17

Lo ga ti fa Nzoni Tënë ti siriri na ala, azo ti amara nde so ayeke ando na yongoro ndo nga na ala so ayeke nduru.

Efeze 3:15

lo so lo mu iri na aye so kue ayeke na fini na yayu nga na ndö ti sese.

Efeze 4:16

Na lege ti lo laa ambage ti tere nde nde abongbi si aga tere oko tongana ti so akamba ti tere atengbi si aga tere oko. Tongana ambage ti tere ni oko oko kue asara kua ti ala nzoni, tere ni kue ayeke kono si ayeke leke tere ti lo na lege ti ndoye.

Kolose 1:20

Nzapa ayeda nga si songo akiri na popo ti lo na aye ti dunia kue na lege ti Molenge ti lo. Lo mu siriri na aye kue na lege ti mene ti Molenge ti lo so ayuru na ndö ti keke ti kroa. Tongaso, songo akiri na popo ti lo na aye kue, ataa aye ti sese, ataa aye ti yayu kue.

Kolose 2:20

So ala na Christ akui awe, a zi ala na gbe ti ngangu ti ayingo ti dunia so awe. Ngbanga ti nyen si ala ngba ti sara ye tongana ti azo ti dunia so? Ngbanga ti nyen si ala yeda titene mbeni zo afa na ala mara ti ndia tongaso:

Kolose 3:11

Nilaa greke wala zuife ayeke daa mbeni pepe, zo so afâ *ganza wala zo so afâ ganza pepe, zo ti amara nde wala basanzi, ngbaa wala zo so ayeke ngbaa pepe ayeke daa mbeni pepe; me kota ye ni ayeke so: Christ ayeke ye kue si lo yeke na be ti azo ti lo kue.

Kolose 3:15

Ayeke nzoni siriri so alondo na Christ afa lege na ala na ya ti atënë ti be ti ala! Ndali ti siriri so laa Nzapa airi ala kue ti ga tere oko. Ala mu singila na Nzapa.

Ahebro 13:20

Nzapa so ayeke mu siriri na zo, lo sara si *Kota Gbia ti e Jésus so lo yeke kota wabatango-taba, alondo na popo ti akuâ asigigi. Ndali ti mene ti lo so lo mu na *sandaga, e na Nzapa, e sara *mbuki so ayeke ngba lakue lakue.

Ahebro 7:2

Na pekoni, Abraham amu na lo *dime ti aye so kue lo wara. Kozo ye so e yeke baa na ndö ti Melkisedeke ayeke so: nda ti iri ti lo atene “gbia ti ye ti mbirimbiri”. Use ye ni, lo yeke nga gbia ti gbata ti Salem; nda ti iri ni ayeke “gbia ti siriri”.