Efeze 2:12 - Mbeti ti Nzapa - Tënë so amu fini

¹² ando, ala yeke yongoro na Christ, mbeni ye ti ala oko so ala lingbi ti wara na popo ti azo ti Israel ayeke daa pepe. Nzapa asara si azo so lo mu zendo na ala, lo sara *ambuki na ala; me ala azo ti amara nde, ala yeke na ya ti ambuki so pepe. Mbeni ye so ala lingbi ti zia be ti ala daa ti ku na dunia so ayeke daa pepe; ala hinga Nzapa pepe.

Efeze 2:12 ပူးပေါင်းရင်းမြစ်များ

Tongo nda ti aye 15:18

Gi na lango ni so KOTA GBIA asara *mbuki na popo ti lo na Abram, lo tene: “Mbi yeke mu ande kodro so na ahale ti mo. Kodro ni ayeke londo na ngu ti Ezipte ague ngbii asi na *bale ti Efrate.

2 Mbai 15:3

Aninga mingi so azo ti Israel ayeke na taa Nzapa pepe, ala yeke na wayango-sandaga pepe ti fa ye na ala, *Ndia ayeke daa pepe.

Esdras 4:3

Me Zorobabel, Yeshua na tanga ti azo ti li ti asewa ti azo ti Israel akiri tënë na ala: “Ala laa alingbi ti mu maboko na e ti sara da ndali Nzapa ti e pepe; gi e oko laa e lingbi ti leke ni, ngbanga ti so ayeke kota da ti KOTA GBIA, Nzapa ti Israel. Sirus, gbia ti Perse laa amu yanga na e ti leke ni.”

Sigingo 12:45

Mbeni wande so aga ndali ti mbeni kete ngoi wala mbeni zo so ayeke sara kua si a yeke futa lo alingbi ti te ni pepe.

Ésaïe 14:1

Biani, fade *KOTA GBIA ayeke baa mawa ti Jacob; lo yeke kiri ti soro Israel. Lo yeke zia azo ti Israel ti duti na kodro ti ala wani. Awande ayeke bongbi oko na ala si ala kue ayeke ga azo ti Jacob.

Ésaïe 44:6

*KOTA GBIA, Gbia ti Israel, lo so lo yeke zi azo ti lo, lo so lo yeke na ndö ti dunia kue, tënë so lo tene ayeke so: “Mbi yeke kozoni, mbi yeke ndangba ni. Mbeni Nzapa nde ayeke pepe, gi mbi oko.

Ésaïe 45:20

Ala, amara nde so angba na fini, ala bongbi tere ti ala, ala ga! Ala ga legeoko. Azo so ayeke yo ayanda ti ala ti keke, ala so ayeke sambela nzapa so alingbi ti soo zo pepe, ala hinga ndo pepe.

Ésaïe 61:5

Awande ayeke ga ti bata ataba na angasa ti ala; azo so alondo na kodro wande ayeke ga ti fâ yaka ti ala; ala fâ yaka ti *vinye ti ala.

Jérémie 14:8

KOTA GBIA, mo laa Israel alingbi ti zia be ti lo na ndö ti mo, mo soo lo na ndembe ti ye ti ngangu. Ngbanga ti nyen si mo yeke sara ye tongana wande na ya ti kodro so? Ngbanga ti nyen si mo yeke sara ye tongana gene so alango gi bi oko si lo mu lege ti hon so?

Jérémie 17:13

*KOTA GBIA, mo laa azo ti Israel azia be ti ala ti ku mo. Azo so kue ado mo azia, ayeke nzoni kamene agbu le ti ala. Azo so azia lege ti mo, ala yeke tongana azo so a su iri ti ala na ya ti fuku ti sese. Biani, ala do mo azia mo awe, KOTA GBIA, mo so mo yeke li ti ngu so ayeke mu fini na zo.

Ezekiel 13:9

“Mbi yeke fa ngangu ti mbi na awayanga-nzapa so ayeke baa ye na ya ti mbeni ye tongana bango-li si ayeke mvene si bango nda ti aye ti ala ayeke ti handa na azo. Fade ala yeke duti na ya ti bongbi ti azo ti mbi pepe; a yeke su iri ti ala pepe na ya ti mbeti so a su iri ti azo ti Israel na ya ni, gere ti ala ayeke kiri ti do sese ti Israel pepe. Tongaso, fade ala yeke hinga atene, mbi laa mbi yeke Kota Gbia NZAPA.

Ezekiel 37:26

Mbi yeke sara *mbuki ti siriri na ala; mbuki ni ayeke ngba lakue lakue na popo ti mbi na ala. Mbi yeke zia ala na ndö ti sese so, mbi yeke sara si ala wu mingi. Mbi yeke zia da ti mbi so ayeke nde si ayeke nzoni kue na popo ti ala kpu na kpu.

Ezekiel 47:22

Ala yeke bi mbeni ye ti hinga lege so ala yeke kangbi sese ni na popo ti ala. Ala yeke kangbi nga sese ni na awande so ayeke lango na popo ti ala, ala so adu amolenge na sese ni. Fade ala yeke baa awande ni tongana azo ti Israel, tongana amolenge ti kodro. Awande ni na ala, azo ti mara ti Israel, ayeke kangbi sese ni ti ga ye ti ala.

Osée 3:4

Biani, fade azo ti Israel ayeke ngba gi tongaso aninga: ala yeke duti na gbia pepe, na makonzi pepe; ala yeke mu asandaga pepe, ala yeke leke ngbongboro têne aluti na nduzu pepe; aye ti hundango nda ti aye nga na anzapa ti da, ala yeke duti na ni pepe.

Wungo ti azo 18:19

Asandaga ti azo ti Israel so a zia ni nde ti mu na mbi KOTA GBIA so, mbage ni ayeke ga ti mo, ti amolenge ti mo ti koli na ti wali. Ye ni so ayeke ndia ndali ti ala kpu na kpu, ye ni ayeke tongaso ndali ti *mbuki so zo alingbi ti buba ya ni pepe; mbuki ni ayeke ngba kpu na kpu na dawa ti mbi ndali ti mo, Aaron na ahale ti mo.”

Nzoni Tënë so Luc asu na mbeti 1:72

Lo sara nzoni be na akotara ti e ti dabe ti lo na *mbuki ti lo so ayeke nde si ayeke nzoni kue.

Jean 10:16

Ambeni taba ti mbi ayeke na ya ti gbagba ti ataba so pepe. Alingbi mbi fa na ala lege; fade ala yeke ma go ti mbi si ala kue aga bongbi oko ti ataba na wabatango-taba oko.

Jean 15:5

Mbi yeke keke ti vinye, ala yeke amaboko ni. Zo so aduti oko na mbi si mbi duti oko na lo, fade lo yeke le mingi. Tongana ala duti nde na mbi, ala lingbi ti sara ye oko pepe.

Jean 4:22

Ala azo ti Samarii, ala yeke voro Nzapa so ala hinga lo pepe, me e yeke voro ti e Nzapa so e hinga lo, ngbanga ti so ye so ayeke soo zo na kuâ alondo na mbage ti azuife.

Awatokua 2:39

Biani, Nzapa amu zendo ni ndali ti ala, ndali ti amolenge ti ala nga ndali ti gba ti azo so kue ayeke na yongoro ndo, ala so kue fade Nzapa, Kota Gbia ti e ayeke iri ala.”

Awatokua 28:20

Ndani laa mbi hunda ti baa ala ti tene tënë na ala, ngbanga ti so mbi ga zo ti kanga ndali ti ye so azo ti Israel azia be ti ala ti ku.”

Awatokua 3:25

Atënë so Nzapa azia ando na yanga ti awayanga ti lo si ala tene so ayeke ndali ti ala, azo ti Israel. Ala li na ya ti *mbuki so Nzapa asara na akotara ti ala so awe. Lo tene na Abraham: ‘Na lege ti mbeni *hale ti mo, mbi yeke sara tufa na ndö ti asewa ti dunia kue.’

Rome 9:8

So ti tene: amolenge so Abraham adu ala tongana ti so azo kue ayeke du laa ayeke amolenge ti Nzapa pepe. Me gi ala so a du ala alingbi na zendo ti Nzapa laa ayeke taa ahale ti lo.

Galasii 4:8

Ando, ala hinga Nzapa pepe, ala yeke angbaa ti aye so ala baa ti ala atene, ayeke anzapa, andaa aye ni so ayeke anzapa biani pepe.

Efeze 2:19

Tongaso, ala azo ti amara nde, ala yeke awande mbeni pepe, wala azo so aga gango pepe. Me fadeso, ala na azo ti Nzapa ayeke amolenge ti kodro oko, ala yeke azo ti sewa ti Nzapa.

Efeze 4:18

Hingango ndo ti ala ayeke na ya ti vukongo ndo; fini so Nzapa ayeke mu na zo, ala wara ni pepe, ngbanga ti so be ti ala akpengba si ala hinga ndo pepe.

Kolose 1:21

Ala, azo ti Nzapa, ala yeke ando azo so akangbi na lo, ala yeke awato ti lo ndali ti sioni tënë ti be ti ala nga na aye ti kirikiri so ala sara.

Kolose 1:27

Nzapa aye si ala hinga mosoro na gonda so lo leke na hondengo ni ndali ti azo so ayeke azuife pepe. Ye so lo leke ayeke so: Christ ayeke na be ti ala si ala zia be ti ala ti ku titene ala duti ande na ya ti gonda ti lo.

Kolose 1:5

Na ndembe so taa-tënë so ayeke Nzoni Tënë asi kozoni na popo ti ala, na ya ti tënë ni, ala ma tënë ti ye so ala zia be ti ala ti ku na yayu. Ye so ala zia be ti ala ti ku asara si ala zia be ti ala na ndö ti Jésus Christ si ala ye azo ti Nzapa.

1 Tesalonike 4:13

A-ita, e ye si ala hinga taa-tënë na ndö ti azo so akui awe, tongaso si vundu asara ala pepe tongana ti tanga ti azo so azia be ti ala ti ku mbeni ye pepe so.

1 Tesalonike 4:5

Ala sara ye na lege ti asioni nzara ti be ti ala pepe, tongana ti azo ti amara nde so ahinga Nzapa pepe.

2 Tesalonike 2:16

Nzapa Babâ ti e aye e. Na lege ti nzoni be ti lo, lo mu ngangu na be ti e si angba lakue lakue, lo mu na e nzoni ye so e zia be ti e daa ti ku. E hunda na lo nga na Kota Gbia ti e Jésus Christ

1 Timothée 1:1

Mbi Paul, mbi yeke *watokua ti Jésus Christ na peko ti yanga ti Nzapa, Wasongo e, lo na Jésus Christ so e zia be ti e kue na ndö ti lo.

Ahebro 11:34

ala mingo angangu wâ, ala kpe na maboko ti azo so aye ti fâ ala na yongoro zeme, ala kiri awara ngangu na peko ti kobela so asara ala; ala ga akpengba zo ti sarango bira, ala tumba aturugu ti akodro wande.

Ahebro 6:18

Dengo ba so Nzapa ade na zendo so lo mu so ayeke ngba lakue; tënë ti mvene ayeke na ya ti aye use so oko pepe. Aye use so ayeke kpengba e mingi, e so e zia be ti e ti ku ti wara ye so Nzapa aye ti mu na e.

Ahebro 8:6

Biani, Nzapa amu na Jésus kota kua so ahon ti ambeni wayango-sandaga kue, ngbanga ti so lo yeke zo ti lekengo tënë ti mbeni *mbuki so ayeke nzoni ahon ti kozo ni. Mbuki ni so ayeke na ndö ti aye so Nzapa amu zendo ni na azo, aye so ayeke nzoni ahon atanga ni kue.

1 Pierre 1:21

Na lege ti Christ, ala ma na be na Nzapa so azingo Christ na kuâ si amu na lo gonda. Tongaso, mabe ti ala na ye so ala zia be ti ala ti ku angba na ndö ti Nzapa.

1 Pierre 1:3

E gonda Nzapa, Babâ ti *Kota Gbia ti e Jésus Christ! Lo baa mawa ti e mingi si lo sara titene a kiri a du e mbeni na lege ti zingongo so lo zingo Jésus Christ na kuâ. Tongaso, e zia be ti e ti ku ye so ayeke sara titene zo aduti na fini.

1 Pierre 3:15

Na be ti ala, ala ne Christ, *Kota Gbia ti ala. Ala duti lakue nduru ti kiri tënë na azo so ayeke hunda na ala tënë na ndö ti ye so ala zia be ti ala ti ku.

1 Jean 3:3

Zo so kue azia be ti lo ti ku ye so na maboko ti Christ, lo yeke sara titene lo ga *nzoni tongana ti so Christ ayeke *nzoni.