Efeze 1:9 - Mbeti ti Nzapa - Tënë so amu fini

⁹ Ye so lo leke na be ti lo si angba na hondengo ni, lo sara si e hinga ni: so ti tene, ye so lo leke kozoni na lege ti nzoni be ti lo ti sara ni na lege ti Christ.

Efeze 1:9 ပူးပေါင်းရင်းမြစ်များ

Abia (Psaumes) 33:11

Me ye so KOTA GBIA aye ti sara ayeke ngba lakue lakue. Atënë ti be ti lo angba kpu na kpu.

Jérémie 2:29

“Ngbanga ti nyen si ala ye ti bi tënë na li ti mbi? Ala kue, ala ke mbi awe. So tënë ti yanga ti KOTA GBIA laa.

Matthieu 13:11

Lo kiri tënë na ala: “Ti ala, Nzapa amu na ala lege ti hinga nda ti tënë ti *Kodro-gbia ti yayu so angba na hondengo ni, me ti azo ni, Nzapa amu na ala lege ti hinga ni oko pepe.

Nzoni Tënë so Luc asu na mbeti 12:32

“Ala azo so ayeke tongana bongbi ti akete taba, ala sara mbeto pepe, ngbanga ti so a nzere na Babâ ti ala ti mu Kodro-gbia ni na ala!

Nzoni Tënë so Luc asu na mbeti 2:14

“E gonda Nzapa so ayeke na yayu kâ na ndö ti aye kue, siriri na ndö ti sese na popo ti azo so lo ye ala!”

Awatokua 13:48

So azo ti amara nde ama tënë so, be ti ala asi na ngia si ala gonda tënë ti Kota Gbia. Ala so a soro ala ti wara fini so angba lakue lakue, ala ma na be.

Awatokua 2:23

A zia koli so na maboko ti ala, ala kanga lo na ndö ti keke ti kroa si ala fâ lo. Andaa Nzapa ahinga kozoni si lo leke na be ti lo awe.

Awatokua 4:28

Tongaso ala sara ye so kue mo leke kozoni na be ti mo na lege ti ngangu ti mo.

Rome 11:25

A-ita, mbi ye titene ala hinga taa-tënë so a sigigi na nda ni awe, tongaso si ala baa tere ti ala tongana azo ti ndara pepe. Tënë ni ayeke so: fade ambeni zo ti Israel ayeke ngba ti sara ngangu li ngbii asi na ndembe so wungo ti azo ti amara nde alingbi, so ti tene ala so ayeke li na popo ti azo ti Nzapa.

Rome 8:28

E hinga so, ye kue abongbi ti sara nzoni na azo so aye Nzapa, azo so lo iri ala na lege so be ti lo aye.

1 Korente 1:21

Biani, azo ti dunia so, na ndara ti ala wani alingbi ti hinga Nzapa pepe, ataa na ndo so lo fa ndara ti lo daa. Ndani laa, lo leke na be ti lo ti soo azo so ama na be gi na lege ti tënë so e yeke fa si akpa buba tënë so.

Galasii 1:12

Mbeni zo laa afa Nzoni Tënë ni na mbi pepe, mbeni zo nga laa afa nda ti Nzoni Tënë ni na mbi pepe, me Jésus Christ wani laa asara si mbi hinga ni.

Galasii 1:15

So mbi de na ya ti mama ti mbi, Nzapa azia mbi nde, lo iri mbi na lege ti nzoni be ti lo. Na ndembe so Nzapa aye

Galasii 1:16

ti fa Molenge ti lo na mbi titene mbi hinga lo si mbi fa Nzoni Tënë ti lo na azo ti amara nde, mbi hunda wango na mbeni zo pepe.

Efeze 1:11

Na lege ti gango so e ga oko na Christ, Nzapa asoro e kozoni titene e ga azo ti lo alingbi na ye so lo leke na be ti lo, lo sara ye so kue tongana ti so be ti lo aye.

Efeze 1:8

Nzapa amu na e anzoni ye mingi na lege ti nzoni be ti lo; lo mu na e ndara na hingango ndo kue.

Efeze 3:11

Nzapa asara ye ni alingbi gi na ye so lo leke ando na be ti lo si ayeke lakue lakue; lo sara ni awe na lege ti *Kota Gbia ti e Jésus Christ.

1 Timothée 3:16

Biani, tënë ti mabe so a sigigi na nda ni awe ayeke kota tënë mingi, tënë ni ayeke so: Christ amu tere ti zo si lo fa tere ti lo na azo, Yingo-Vuru afa atene, lo yeke zo ti mbirimbiri, *a-ange abaa lo. A fa tënë ti lo na azo ti amara nde, azo ti dunia ama na be na lo si lo gue na yayu na ya ti gonda.

2 Timothée 1:9

Nzapa asoo e na kuâ, lo iri e ti ga azo so lo zia e nde ndali ti lo si e yeke nzoni kue. Mbeni ye ti nzoni so e sara titene lo soo e si lo iri e ndali ni ayeke daa pepe, me lo sara ni ndali ti so lo leke na be ti lo wani awe na lege ti nzoni be ti lo. Kozoni titene aye kue abaa gigi, Nzapa aleke na be ti lo ti sara nzoni be na e na lege ti Jésus Christ.