Efeze 1:7 - Mbeti ti Nzapa - Tënë so amu fini

⁷ Na lege ti gango so e ga oko na Christ, a zi e na ya ti sioni na lege ti mene ti lo; a zi nga asiokpari na li ti e na lege ti nzoni be ti lo so ahon ndoni.

Efeze 1:7 ပူးပေါင်းရင်းမြစ်များ

Mbeti ti Job 33:24

Ange ni ayeke baa mawa ti zo ni si lo tene na Nzapa, lo tene: “Zia lege na lo ti zu na ya ti du ti kuâ pepe, mbi wara mbeni ye ti futa ti soo lo na kuâ awe.”

Abia (Psaumes) 130:4

Me mo laa mo yeke zi tënë na li ti azo, tongaso si azo akpe mbeto ti mo.

Abia (Psaumes) 130:7

Azo ti Israel, ala zia be ti ala ti ku KOTA GBIA, ngbanga ti so lo yeke na nzoni be; lege so lo yeke soo na azo ayeke gbani gbani.

Abia (Psaumes) 86:5

Kota Gbia, mo yeke nzoni, mo yeke zi tënë na li ti zo, mo yeke sara nzoni be mingi na azo so kue ayeke iri mo.

Sigingo 34:7

Mbi yeke sara nzoni be na azo ngbii asi na molongo ti ala saki oko. Azo so asara sioni, azo so asara ngangu li na azo so asara siokpari, mbi yeke kanga be na ala; me zo so tënë ayeke na li ti lo, mbi yeke zia lo senge pepe. Azo so asara siokpari, mbi yeke sara titene siokpari ti azo ni akiri na ndö ti amolenge ti ala na *ahale ti ala ngbii asi na molongo ota ni wala osio ni.”

Ésaïe 43:25

Me mbi, gi mbi oko, mbi wani laa mbi yeke zi siokpari na li ti mo; fade mbi yeke kiri ti dabe ti mbi na sioni ti mo pepe.

Jérémie 31:34

Zo oko na popo ti ala ayeke kiri ti fa ye na mba ti lo wala na ita ti lo pepe, atene: ‘Ala hinga KOTA GBIA!’ Biani, ti londo na kete zo asi na kota zo, fade ala kue ayeke hinga mbi; so tënë ti yanga ti KOTA GBIA laa. Mbi yeke zi sioni ti ala, mbi yeke kiri ti dabe ti mbi na siokpari ti ala pepe.”

Daniel 9:19

Kota Gbia, mo ma e maa! Kota Gbia, mo zi sioni ti e na li ti e maa! Kota Gbia, dingi mê ti mo, mo ma e maa! Nzapa ti mbi, ndali ti iri ti mo wani, mo ku pepe, mo sara ye hio ndali ti gbata ti mo na azo ti mo.”

Daniel 9:9

KOTA GBIA Nzapa ti e, ataa so e sara ngangu li na mo, me ndali ti nzoni be ti mo, mo yeke zi siokpari na li ti e.

Jonas 4:2

Lo sambela *KOTA GBIA, lo tene: “Âa! KOTA GBIA, tënë so lani mbi tene na be ti mbi na ndembe so mbi yeke na kodro ti mbi so, ni laa asi so pepe? Mbi hinga lani mbi tene, mo yeke Nzapa so mo yeke sara nzoni be na zo si mo yeke baa mawa ti lo; mo yeke sara ngonzo hio hio pepe si nzoni be ti mo asi singo. Mo yeke lakue nduru ti zia lege ti sioni so mo ye ti sara na zo. Ndani laa, mbi londo lani ti kpe hio ti gue na Tarsis.

Mishe 7:18

Mbeni nzapa wa laa alingbi na mo? Mo laa mo yeke zi siokpari ti tanga ti azo ti mo so angba na fini, mo yeke zia be ti mo na kpengbango li ti azo ni pepe. Ndali ti yengo so mo ye na tanga ti azo ti mo so angba na fini, mo yeke sara ngonzo na tere ti ala ngbii aninga pepe, me ye so anzere na be ti mo ayeke titene mo sara nzoni be na azo.

Zakarii 13:1

“Na lango ni so, fade mbeni li ti ngu ayeke sigigi ti sukula asiokpari na asioni ti *ahale ti David na ti azo ti Jérusalem.”

Zakarii 13:7

So tënë ti yanga ti *KOTA GBIA so ayeke na ndö ti dunia kue laa: “Yongoro zeme, londo mo gue na tere ti wabatango-taba ti mbi nga na tere ti mba ti mbi so ayeke mu maboko na mbi! Fâ wabatango-taba ni si ataba ni akangbi kirikiri, mbi yeke kiri ti pika akete taba ni.”

Zakarii 9:11

*KOTA GBIA atene: “Ndali ti *mbuki so mbi na mo, e sara, na lege ti mene ti asandaga so, fade mbi yeke zi ambeni zo ti mo so akanga ala na ya ti du so ngu ayeke daa pepe.

Matthieu 20:28

Legeoko tongaso, *Molenge ti Zo aga titene azo asara kua na lo pepe, me lo ga titene lo sara kua na azo, ti ka tere ti lo na kuâ ti soo gba ti azo.”

Matthieu 26:28

ngbanga ti so ayeke mene ti mbi, mene so abongbi azo na Nzapa na ya ti *mbuki; mene so atuku ndali ti gba ti azo titene azi siokpari ti ala.

Matthieu 6:12

Zi sioni ti e na li ti e tongana ti so e nga, e yeke zi sioni na li ti azo so asara sioni na e.

Marc 14:24

Jésus atene na ala: “So ayeke mene ti mbi, mene so abongbi azo na Nzapa na ya ti *mbuki; mene so atuku ndali ti gba ti azo.

Nzoni Tënë so Luc asu na mbeti 1:77

Mo yeke fa na azo ti lo lege so Nzapa ayeke zi tënë na li ti ala titene ala soo kuâ.

Nzoni Tënë so Luc asu na mbeti 24:47

Na iri ti lo, fade azo ayeke fa Nzoni Tënë na amara kue, ti to nda ni na Jérusalem. Ala yeke tene na azo titene ala zia ngbene lege ti sarango ye ti ala, ala kiri na Nzapa si fade Nzapa azi siokpari na li ti ala.

Jean 20:23

Tongana ala zi siokpari na li ti mbeni zo, fade siokpari ti zo ni ayeke hon. Tongana ala zi siokpari na li ti mbeni zo pepe, fade siokpari ayeke ngba na li ti lo.”

Awatokua 10:43

Awayanga-Nzapa kue atene tënë ti lo, atene: ‘Zo so ama na be na lo, na iri ti lo, fade Nzapa ayeke zi asiokpari ti zo ni.’ ”

Awatokua 2:38

Pierre akiri tënë na ala: “Ayeke nzoni ala oko oko kue azia ngbene lege ti sarango ye ti ala, ala wara bateme na iri ti Jésus Christ titene Nzapa azi siokpari na li ti ala, tongaso fade Nzapa ayeke mu na ala Yingo-Vuru.

Awatokua 20:28

Ala sara hange na lege ti dutingo ti ala, ala bata nzoni ataba so Yingo-Vuru azia na maboko ti ala. Ala bata nzoni azo ti Eglize so Nzapa asoro ala na lege ti mene ti molenge ti lo.

Awatokua 3:19

Tongaso, ala zia ngbene lege ti sarango ye ti ala, ala kiri na lege ti Nzapa, tongaso si lo zi siokpari ti ala.

Rome 2:4

So Nzapa ayeke sara nzoni be mingi na mo, lo yeke fâ ngbanga na li ti mo hio pepe si lo yeke kanga be ti lo ti ku mo so, so ayeke senge na le ti mo? Lo yeke sara nzoni be na mo titene mo zia ngbene lege ti sarango ye ti mo; mo hinga so pepe?

Rome 3:24

Me na lege ti nzoni be ti Nzapa, lo sara si azo aga mbirimbiri gi senge senge na lege ti Jésus Christ so azi ala na ya ti siokpari.

Rome 3:25

Nzapa amu Jésus Christ na *sandaga si na lege ti mene ti lo, Christ azi siokpari ti azo so ama na be. Nzapa asara so ti fa atene, lo yeke mbirimbiri: asiokpari so azo asara ando, lo fâ ngbanga na li ti ala ndali ni pepe

Rome 9:23

tongaso si lo fa kota gonda ti lo na azo so lo baa mawa ti ala; azo ni ayeke azo so lo leke ala kozoni ndali ti gonda ni.

1 Korente 1:30

Me Nzapa asara si ala, a-ita, ala ga oko na Jésus Christ si lo sara titene Christ aga ndara ti e. Na lege ti Christ, Nzapa asara si e ga mbirimbiri na le ti lo, e ga azo so ayeke duti nde ndali ti so lo laa lo zi e na ya ti siokpari.

2 Korente 8:9

Biani, ala hinga nzoni be ti Kota Gbia ti e Jésus Christ: lo yeke lani zo ti mosoro, me lo yeda ti ga zo ti mawa ndali ti ala titene na lege ti mawa ti lo, ala ga azo ti mosoro.

Efeze 1:14

Yingo so e wara afa atene, anzoni ye so Nzapa abata ndali ti e, e yeke wara ni kue na ndembe so a yeke zi e na ya ti sioni biani biani. Tongaso, ayeke nzoni e sepela gonda ti Nzapa!

Efeze 1:18

Mbi hunda nga titene lumiere ti Nzapa aza na ya ti hingango ndo ti ala, tongaso si ala lingbi ti hinga ye so lo iri ala ngbanga ni si lo yeke leke ti ku na ala so. Tongaso, fade ala hinga atene, aye so lo bata ndali ti azo ti lo ayeke anzoni ye ahon ndoni,

Efeze 1:6

Ayeke nzoni e sepela gonda ti Nzapa ndali ti anzoni ye so lo mu na e gbani gbani na nzoni be na lege ti molenge ti lo so lo ye lo mingi.

Efeze 1:8

Nzapa amu na e anzoni ye mingi na lege ti nzoni be ti lo; lo mu na e ndara na hingango ndo kue.

Efeze 2:4

Me Nzapa abaa mawa ti e ahon ndoni, lo ye e mingi.

Efeze 2:7

Lo sara nzoni ye so na e na lege ti Jésus Christ titene na ya ti angoi so kue ayeke ga, azo alingbi ti baa so nzoni be ti lo ahon ndoni.

Efeze 3:16

Mbi hunda na lo titene lo mu ngangu na ala na lege ti Yingo ti lo alingbi na gonda ti lo so ayeke kota ahon ndoni, tongaso si be ti ala awara ngangu.

Efeze 3:8

Na popo ti azo ti Nzapa kue, mbi laa mbi yeke kete zo ahon atanga ni kue, me Nzapa amu na mbi lege ti fa Nzoni Tënë na azo ti amara nde, so ti tene gba ti anzoni ye ti Christ so zo agi li ti lo na nda ni gbaa.

Filipe 4:19

Fade Nzapa ti mbi ayeke mu na ala ye so kue atia ala; lo yeke mu ni na ala na lege ti Jésus Christ, ngbanga ti so lo yeke na anzoni mosoro ahon ndoni.

Kolose 1:14

Na lege ti Molenge ti lo, lo zi e na ya ti sioni si lo zi siokpari na li ti e kue.

Kolose 1:27

Nzapa aye si ala hinga mosoro na gonda so lo leke na hondengo ni ndali ti azo so ayeke azuife pepe. Ye so lo leke ayeke so: Christ ayeke na be ti ala si ala zia be ti ala ti ku titene ala duti ande na ya ti gonda ti lo.

Kolose 2:13

Ando, ala yeke azo so akui awe ndali ti asioni so ala sara nga ndali ti so ala fâ ganza ti tere pepe. Me fadeso, Nzapa akiri na ala na fini, ala na Christ. Lo zi asiokpari so ayeke na li ti e kue awe.

Kolose 2:2

Mbi ye titene be ti ala awara ngangu, ala ga oko na lege ti yengo tere si ala wara lege ti mango ya ti tënë nzoni kue. Tongaso, fade ala yeke hinga nda ti tënë ti Nzapa so angba fade na hondengo ni: tënë ni ayeke Christ.

1 Timothée 2:6

lo so lo ka tere ti lo ti soo azo kue, nilaa tongana ngoi ni alingbi awe, lo sara tongaso ti fa atene, Nzapa aye ti soo azo kue na kuâ.

Tite 2:14

Lo ka ando tere ti lo na kuâ ndali ti e, ti zi e na ya ti aye ti sioni kue, ti sukula e si e ga azo ti lo wani, titene e mu ngangu ti e kue ti sara anzoni ye.

Tite 3:6

Nzapa asara si Yingo-Vuru aga mingi na ndö ti e na lege ti Jésus Christ, Wasongo e.

Ahebro 9:22

Na lege ti ye so ndia afa, aye so a lingbi ti sukula asioni ni na mene pepe ayeke mingi pepe. Tongana mene atuku pepe, a lingbi ti zi siokpari na li ti azo pepe.

1 Pierre 2:24

Christ wani ayo siokpari ti e na ya ti tere ti lo si lo kui na ni na ndö ti keke ti kroa, tongaso si e so e kangbi na siokpari na lege ti kuâ so e kui awe, e duti na fini ti sara ye ti mbirimbiri. Na lege ti aka so lo wara laa tere ti ala aga nzoni.

1 Pierre 3:18

Biani, Christ wani akui fani oko biani biani ndali ti siokpari ti azo; lo so lo yeke mbirimbiri, lo kui ndali ti azo ti kirikiri titene lo gue na ala na le ti Nzapa. Azo afâ gi tere ti lo ti zo, me Nzapa akiri na lo na fini na lege ti Yingo-Vuru.

1 Jean 2:12

Amolenge ti mbi, mbi su mbeti so na ala, mbi tene: “Nzapa azi asiokpari na li ti ala awe ndali ti iri ti Jésus.”

1 Jean 2:2

Jésus Christ amu tere ti lo na *sandaga ti zi asiokpari ti e; gi asiokpari ti e oko pepe, me ti azo ti dunia kue.

1 Jean 4:10

Nda ti tënë ti ndoye ayeke so: e laa e ye Nzapa pepe, me Nzapa laa aye e si lo tokua Molenge ti lo ti mu tere ti lo na *sandaga ti zi asiokpari ti e.

Aye so Nzapa afa 14:4

Azo ni so abuba tere ti ala pepe na lege ti bongbingo na awali. Ala yeke mu peko ti Molenge ti Taba na ndo so kue lo yeke gue daa. Nzapa asoo ala na popo ti amba ti ala, azo si ala ga tongana akozo nzoni ye so a mu na lo nga na Molenge ti Taba.

Aye so Nzapa afa 5:9

Ala yeke he fini bia, atene: “Mo lingbi ti mu mbeti ni ti zi anzoroko ni, ngbanga ti so a fâ mo ando awe. Mo futa ngere ti vongo azo na mene ti mo titene mo vo azo ti akete mara kue na Nzapa, azo ti ayanga ti kodro kue, azo ti akodro kue na azo ti amara kue.