Efeze 1:20 - Mbeti ti Nzapa - Tënë so amu fini

²⁰ Nzapa azingo Christ na kuâ. So Jésus azingo na kuâ awe, Nzapa azia lo ti duti na tere ti lo kâ na yayu na mbage ti maboko ti lo ti koli.

Efeze 1:20 ပူးပေါင်းရင်းမြစ်များ

Abia (Psaumes) 110:1

Bia ti David. So tënë ti yanga ti *KOTA GBIA so lo tene na Kota Gbia ti mbi laa: “Duti na mbage ti maboko ti mbi ti koli, mbi yeke sara titene awato ti mo aga tongana mbata ti gbe ti gere ti mo si.”

Daniel 7:14

A mu na lo ngangu ti sara komandema, a mu na lo gonda si a mu lo gbia. Tongaso amara nde nde na azo ti ayanga ti kodro nde nde kue asara kua na lo. Ngangu ti lo ti sara komandema angba lakue lakue, fade ayeke hunzi pepe. Mbeni ye ti buba lengo-gbia ti lo ayeke daa laoko pepe.

Matthieu 26:64

Jésus akiri tënë na lo: “Gi tënë ni laa mo tene awe so. Me mbi tene na ala so fade ala yeke baa *Molenge ti Zo aduti na tere ti Nzapa so ngangu ti lo ahon angangu kue; lo yeke duti na mbage ti maboko ti lo ti koli. Lo yeke londo na yayu, lo duti na ndö ti ambinda ti ga.”

Matthieu 28:18

Jésus aga nduru na tere ti ala si lo tene na ala: “A mu na mbi ngangu kue na yayu nga na sese.

Marc 14:62

Jésus akiri tënë, atene: “Biani, mbi yeke lo. Fade ala yeke baa *Molenge ti Zo aduti na tere ti Nzapa so ngangu ti lo ahon angangu kue; lo yeke duti na mbage ti maboko ti lo ti koli. Lo yeke londo na yayu ti ga na ya ti ambinda.”

Marc 16:19

Na peko ti so *Kota Gbia Jésus atene tënë so na ala awe, a mu lo, a gue na lo na yayu si lo duti na tere ti Nzapa na mbage ti maboko ti lo ti koli.

Jean 10:18

Mbeni zo laa ayeke zi fini ti mbi pepe, me mbi wani laa mbi yeda ti ka ni. Mbi yeke na ngangu ti ka ni, mbi yeke nga na ngangu ti kiri ti wara ni. Babâ ti mbi amu yanga na mbi ti sara tongaso.”

Jean 10:30

Mbi na Babâ, e yeke oko.”

Awatokua 10:40

Me na lango ota ni, Nzapa azingo lo na kuâ; lo mu lege na lo ti si

Awatokua 26:8

Ngbanga ti nyen si ala, azuife, ala baa ti ala atene, Nzapa alingbi ti zingo azo na kuâ pepe so?

Awatokua 4:10

Ala na azo ti Israel kue, alingbi ala hinga atene, Jésus Christ, zo ti Nazaret, lo so ala fâ lo na ndö ti keke ti kroa si Nzapa azingo lo na kuâ, ngangu ti iri ti lo laa asara si koli so aluti na popo ti ala na nzoni tere so.

Awatokua 5:31

Nzapa aya lo na nduzu na lege ti ngangu ti lo, lo zia lo Makonzi na Wasongo-zo, ti mu lege na azo ti Israel ti zia ngbene lege ti sarango ye ti ala si Nzapa azi siokpari na li ti ala.

Rome 1:4

Me na lege ti Yingo-Vuru, zingongo ti lo na popo ti akuâ afa na ngangu so lo yeke Molenge ti Nzapa: Jésus Christ, *Kota Gbia ti e.

Rome 8:34

Zo wa laa alingbi ti fâ ngbanga na li ti ala? Zo oko pepe, ngbanga ti so Jésus Christ akui awe si na pekoni, lo zingo na kuâ, lo yeke duti na tere ti Nzapa, na mbage ti maboko ti lo ti koli si lo yeke sambela ndali ti e.

Efeze 1:3

E gonda Nzapa, Babâ ti *Kota Gbia ti e Jésus Christ! Lo mu na e anzoni ye ti Yingo so kue ayeke na yayu, na lege ti gango so e ga oko na Christ.

Filipe 3:10

Ye so mbi ye, ayeke ti hinga Christ, lo na ngangu so azingo lo na kuâ, ti baa pasi legeoko na lo si mbi ga tongana lo na ndembe ti kuâ ti lo.

Kolose 1:16

Na lege ti lo, Nzapa asara aye so kue ayeke na yayu na aye so kue ayeke na sese, aye so zo ayeke baa na aye so zo ayeke baa pepe, ayingo so aduti gbia, ala so ayeke makonzi na ala so ayeke na komandema. Nzapa asara aye kue na lege ti Christ, ndali ti Christ.

Kolose 3:1

So ala na Christ azingo na kuâ awe, ala gi lege ti wara aye so ayeke na yayu, ndo so Christ aduti na tere ti Nzapa na mbage ti maboko ti lo ti koli.

Ahebro 1:3

Gonda ti Nzapa ayeke za na lege ti Molenge ni. Lo yeke taa tongana ti so Nzapa ayeke, lo yeke bata dunia so na ngangu ti tënë ti yanga ti lo. So lo sukula asiokpari ti azo awe, lo gue, lo duti na yayu, na tere ti Nzapa so ngangu ti lo ahon ndoni, na mbage ti maboko ti lo ti koli.

Ahebro 10:12

Me ti Christ, lo mu sandaga ni gi fani oko ti zi asiokpari ti azo si na pekoni, lo duti na tere ti Nzapa kpu na kpu, na mbage ti maboko ti lo ti koli.

Ahebro 13:20

Nzapa so ayeke mu siriri na zo, lo sara si *Kota Gbia ti e Jésus so lo yeke kota wabatango-taba, alondo na popo ti akuâ asigigi. Ndali ti mene ti lo so lo mu na *sandaga, e na Nzapa, e sara *mbuki so ayeke ngba lakue lakue.

Ahebro 2:9

Me ye so e baa ni ayeke so: Nzapa akiri na Jésus na gbe ti a-ange ndali ti kete ngoi. Na lege ti nzoni be ti Nzapa, Jésus akui ndali ti azo kue, nilaa Nzapa asara si azo agonda lo mingi si ane lo ndali ti kuâ so lo kui.

1 Pierre 1:3

E gonda Nzapa, Babâ ti *Kota Gbia ti e Jésus Christ! Lo baa mawa ti e mingi si lo sara titene a kiri a du e mbeni na lege ti zingongo so lo zingo Jésus Christ na kuâ. Tongaso, e zia be ti e ti ku ye so ayeke sara titene zo aduti na fini.

Aye so Nzapa afa 1:17

So mbi baa lo, mbi ti na gbe ti lo tongana zo so akui awe. Me lo zia maboko ti lo ti koli na ndö ti mbi si lo tene: “Sara mbeto pepe! Mbi yeke lo so lo yeke kozo ni na lo so lo yeke ndangba ni,